3 Mose 8:30 - ŊMALƐ KRƆŊKRƆŊ LƐ

³⁰ Mose ŋɔ mu ni akɛfɔɔ mɔ mu lɛ eko kɛ lá ni yɔɔ afɔleshãa latɛ lɛ nɔ lɛ eko, ni ekɛshwã Aaron kɛ etadei lɛ kɛ ebihii lɛ kɛ amɛtadei lɛ fɛɛ nɔ. Ekɛ enɛ fee Aaron kɛ etadei lɛ kɛ Aaron bihii lɛ kɛ amɛtadei lɛ fɛɛ krɔŋkrɔŋ ehã Yehowa.

Ṅmãle̱ Kroṅkroṅ Le̱

³⁰ Ni Mose ṅõ mũō̱-mũ le̱ eko ke̱ lá ní yo̱ afo̱lešãlate̱ le̱ no̱ le̱ eko, ni eṅõ-ſã Aaron ke̱ etadei le̱ ke̱ ebihĩĩ le̱ ke̱ ebihĩĩ atadei le̱ fẽ ano̱, ni eṅõ-fe Aaron ke̱ etadei le̱ ke̱ ebihĩĩ le̱ ke̱ ametadei le̱ fẽ he kroṅkroṅ.

3 Mose 8:30 ပူးပေါင်းရင်းမြစ်များ

2 Mose 28:2

Ni okpɛ hewulamɔ nibii krɔŋkrɔŋi ni yɔɔ nyam kɛ fɛo ohã onyɛmi Aaron.

2 Mose 29:21

Agbɛnɛ ŋɔɔ lá ni yɔɔ afɔleshãa latɛ lɛ nɔ lɛ eko kɛ mɔmufɔɔ mu lɛ hu eko ni okɛshwã Aaron kɛ ehewulamɔ nibii lɛ fɛɛ nɔ; ni okɛshwã Aaron bihii lɛ hu kɛ amɛhewulamɔ nibii lɛ fɛɛ anɔ, koni okɛfee Aaron kɛ ehewulamɔ nibii lɛ kɛ ebihii lɛ hu kɛ amɛhewulamɔ nibii lɛ fɛɛ krɔŋkrɔŋ.

2 Mose 30:30

Ofɔ Aaron kɛ ebihii lɛ mu, ni ofee amɛ krɔŋkrɔŋ koni amɛye osɔfo amɛhã mi.

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

Yesaia 61:3

Etsu mi koni mɛi ni yeɔ ŋkɔmɔ yɛ Zion lɛ mibaha amɛ ayilɔ yɛ lamlu najiaŋ, ni yɛ awerɛho najiaŋ lɛ, mibaha amɛmii ashɛ. Amɛaafee tamɔ tsei ni Yehowa diɛŋtsɛ tɛo. Amɛ fɛɛ amɛaafee nii ni ja, ni aaajie Nyɔŋmɔ yi yɛ nii ni efee lɛ hewɔ.

3 Mose 10:3

Kɛkɛ ni Mose kɛɛ Aaron akɛ, “Enɛ ji nɔ ni Yehowa tsɔ̃ɔ be ni ekɛɛ akɛ, ‘Mɛi fɛɛ ni sɔ̃mɔɔ mi lɛ esa akɛ abu mi akɛ mɔ krɔŋkrɔŋ; majie minunyam lɛ kpo matsɔ̃ɔ maŋ muu lɛ fɛɛ.’ ” Shi Aaron mua enaa.

3 Mose 7:35

Enɛ ji afɔlei ni ashãa ahãa Yehowa lɛ mli nɔ ni akɛhã Aaron kɛ ebii lɛ akɛ amɛgbɛfaŋnɔ gbi nɔ ni awoɔ amɛ osɔfo lɛ.

3 Mose 7:36

Nakai gbi lɛ Yehowa fã Israelbii lɛ akɛ amɛkɛhã Aaron kɛ ebii lɛ koni efee amɛgbɛfaŋnɔ ni kã shi hã amɛ daa yɛ yinɔi fɛɛ mli.

3 Mose 8:12

Mose fɔse mufɔɔ mu lɛ eko eshwie Aaron yiteŋ, ni ekɛfɔ lɛ mu koni efee lɛ krɔŋkrɔŋ.

4 Mose 3:3

Aaron fɔ ebihii nɛɛ mu, ni ewo amɛ osɔfo koni amɛtsu osɔfoyeli nitsumɔ.

Hebribii 2:11

Ejaakɛ mɔ ni tsuuɔ mɛi ahe lɛ kɛ mɛi ni atsuuɔ amɛhe lɛ fɛɛ jɛ mɔ ko mli; no hewɔ jɛ ni ehiɛ gbooo akɛ eeetsɛ amɛ nyɛmimɛi lɛ.

1 Petro 1:2

yɛ Tsɛ Nyɔŋmɔ lɛ le ni ele eto momo lɛ naa. Nyɔŋmɔ fee enɛ kɛtsɔ̃ Mumɔ lɛ hetsuumɔ nɔ, koni amɛkase toiboo ni akɛ Yesu Kristo lá lɛ ashwã amɛnɔ. Dromɔ kɛ hejɔlɛ afa ahã nyɛ!

1 Yohane 2:27

Ni nyɛ lɛ, mufɔɔ ni nyɛna kɛjɛ eŋɔɔ lɛ yɛ nyɛmli, ni ehe ehĩaaa nyɛ akɛ mɔ ko atsɔ̃ɔ nyɛ nii, shi moŋ bɔ ni emufɔɔ lɛ tsɔ̃ɔ nyɛ nii fɛɛ, ni eji anɔkwale ni jeee amale ni lɛ, bɔ ni etsɔ̃ɔ nyɛ lɛ nyɛhia emli.

Kpojiemɔ 7:14

Ni mikɛɛ lɛ akɛ, “Minuŋtsɔ, bo ole” Ni ekɛɛ mi akɛ, “Mɛnɛɛmɛi ji mɛi ni jɛ amanehulu kpeteŋkple lɛ mli lɛ, ni amɛfɔ amɛtadei lɛ ahe, ni amɛhã eyɛ futaa yɛ Toobi lɛ lá lɛ mli.