3 Mose 8:13 - ŊMALƐ KRƆŊKRƆŊ LƐ

¹³ Agbɛnɛ Mose hã Aaron bii lɛ ba hiɛ. Ewo amɛ flakai; ekɛ amɛmlifĩinii lɛ fimɔ amɛmliteŋ, ni ekɛ amɛfaii lɛ bumɔ amɛ, tamɔ bɔ ni Yehowa wo lɛ kitã lɛ.

Ṅmãle̱ Kroṅkroṅ Le̱

¹³ Ni Mose hã Aaron bihĩĩ le̱ hũ ba, ni ewoame̱ flakai le̱, ni eṅõ ame̱mliteṅfĩṅii le̱ efĩmo̱ ame̱mliteaṅ, ni eṅõ faii le̱ ebumo̱-ame̱, tamo̱ bo̱ni Iehowa wo Mose kitã le̱.

3 Mose 8:13 ပူးပေါင်းရင်းမြစ်များ

Lalai 132:9

Hã osɔfoi lɛ awula kɛ jalɛ tamɔ atade, ni omɛi krɔŋkrɔŋi lɛ abɔ oshe kɛ nyamɔ.

2 Mose 40:13

No sɛɛ lɛ, okɛ hewulamɔ nibii krɔŋkrɔŋi lɛ awula Aaron, ni ofɔ lɛ mu okɛfee lɛ krɔŋkrɔŋ koni eye osɔfo ehã mi.

2 Mose 40:16

Mose fee bɔ ni Yehowa fã lɛ lɛ pɛpɛɛpɛ.

Yesaia 61:10

Manya waa yɛ Yehowa hewɔ; ni misusuma mli aaafli lɛ yɛ miNyɔŋmɔ lɛ hewɔ, ejaakɛ ewo mi yiwalaheremɔ atade, ni ekɛ jalɛ mama eha mi, tamɔ bɔ ni ayɛmforo wu wulaa ehe loo bɔ ni ayɛmforo wulaa kɛ jwine lɛ.

Yesaia 61:6

Shi nyɛ lɛ, aaatsɛ nyɛ Yehowa osɔfoi, ni mɛi aaatsɛ nyɛ wɔNyɔŋmɔ lɛ sɔ̃ɔlɔi. Nyɛaabaye jeŋ maji lɛ anii, ni nyɛmii aaashɛ yɛ jeŋ majiaŋbii lɛ anii lɛ hewɔ.

Ezekiel 42:14

Kɛji osɔfoi lɛ bote He Krɔŋkrɔŋ lɛ, amɛkaje kpo kɛmiiya agbonaa kpo lɛ nɔ, be mli ni amɛ jieko amɛtadei ni amɛwo kɛsɔmɔɔ lɛ amɛshwieko shi, ejaakɛ atadei krɔŋkrɔŋi ni. Amɛkɔlɔ atadei krokomɛi amɛwo dani amɛbɛŋkɛ he ni maŋbii lɛ yɔɔ lɛ.”

3 Mose 10:5

Amɛba ni amɛbahole Aaron bihii lɛ kɛ amɛflakai ni amɛwo lɛ kɛje shitoohe lɛ mli, tamɔ bɔ ni Mose kɛɛ lɛ.

1 Petro 2:5

Ni nyɛ hu nyɛhãa atswaa nyɛ akɛ tɛi ni hiɛ kãmɔ afea mumɔŋ tsu ni afee nyɛ osɔfoi aweku krɔŋkrɔŋ, koni akɛshã mumɔŋ afɔlei ni sa Nyɔŋmɔ hiɛ yɛ Yesu Kristo hewɔ.

1 Petro 2:9

shi nyɛ lɛ, weku ni ahala ji nyɛ, osɔfoi, maŋtsɛmɛi, jeŋmaŋ krɔŋkrɔŋ, maŋ ni ekɛfee enɔ, koni nyɛjaje mɔ ni tsɛ nyɛ kɛjɛ duŋ lɛ mli kɛba lɛ diɛŋtsɛ enaakpɛɛ la lɛ he lɛ agbojee lɛ;

Kpojiemɔ 1:6

ni ekɛ wɔ efee maŋtsɛmɛi kɛ osɔfoi ehã eTsɛ Nyɔŋmɔ lɛ, lɛ aŋɔ anunyam kɛ hewalɛ ahã kɛyashi naanɔi anaanɔ. Amen!

Kpojiemɔ 5:10

Ni okɛ amɛ efee maŋtsɛmɛi kɛ osɔfoi ohã wɔNyɔŋmɔ lɛ, ni amɛaaye maŋtsɛ yɛ shikpɔŋ lɛ nɔ.”