3 Mose 8:12 - ŊMALƐ KRƆŊKRƆŊ LƐ

¹² Mose fɔse mufɔɔ mu lɛ eko eshwie Aaron yiteŋ, ni ekɛfɔ lɛ mu koni efee lɛ krɔŋkrɔŋ.

Ṅmãle̱ Kroṅkroṅ Le̱

¹² Ni efo̱se mũfō̱-mũ le̱ eko eſie Aaron yiteṅ, ni efo̱le̱ mũ, koni efele̱ kroṅkroṅ.

3 Mose 8:12 ပူးပေါင်းရင်းမြစ်များ

Lalai 133:2

Etamɔ mu kpakpa ni jara wa ni yɔɔ yiteŋ ni tsereɔ eshwieɔ tsɛŋ mli, ni ji Aaron tsɛŋ lɛ. Etsereɔ kɛbashwieɔ etade yuu lɛ naamuu lɛ nɔ.

2 Mose 28:41

Okɛ nibii nɛɛ awula onyɛmi Aaron kɛ ebihii lɛ hu ofata ehe, ni ofɔ amɛ mu, ni owo amɛ osɔfo, ni otsuu amɛhe koni amɛye osɔfo amɛhã mi.

2 Mose 29:7

Agbɛnɛ owo mu ni akɛfɔɔ mɔ mu lɛ koni ofɔse oshwie Aaron yiteŋ ni okɛfɔ lɛ mu.

2 Mose 30:30

Ofɔ Aaron kɛ ebihii lɛ mu, ni ofee amɛ krɔŋkrɔŋ koni amɛye osɔfo amɛhã mi.

3 Mose 10:7

Nyɛkajea Kpee Buu lɛ shinaa lɛ naa hu ni nyɛbagboi, ejaakɛ akɛ Yehowa mufɔɔ mu lɛ efɔ nyɛ mu.” Amɛfee bɔ ni Mose kɛɛ amɛ lɛ.

3 Mose 4:3

Kɛji Osɔfonukpa lɛ ni tɔ̃ lɛ, ni no ehã maŋ muu lɛ fɛɛ etɔ̃ lɛ, ekɛ tsina oblanyo ni kpa ko bɛ ehe abashã ehe esha lɛ he afɔle ehã Yehowa.

3 Mose 7:36

Nakai gbi lɛ Yehowa fã Israelbii lɛ akɛ amɛkɛhã Aaron kɛ ebii lɛ koni efee amɛgbɛfaŋnɔ ni kã shi hã amɛ daa yɛ yinɔi fɛɛ mli.

3 Mose 8:30

Mose ŋɔ mu ni akɛfɔɔ mɔ mu lɛ eko kɛ lá ni yɔɔ afɔleshãa latɛ lɛ nɔ lɛ eko, ni ekɛshwã Aaron kɛ etadei lɛ kɛ ebihii lɛ kɛ amɛtadei lɛ fɛɛ nɔ. Ekɛ enɛ fee Aaron kɛ etadei lɛ kɛ Aaron bihii lɛ kɛ amɛtadei lɛ fɛɛ krɔŋkrɔŋ ehã Yehowa.