3 Mose 7:7 - ŊMALƐ KRƆŊKRƆŊ LƐ

⁷ Esha afɔle lɛ etamɔ sɔ̃ afɔle lɛ; mla kome nɔŋŋ kã shi hã enyɔ lɛ fɛɛ: osɔfo ni shãa afɔle lɛ kɛkpãtãa lɛ, enɔ ji loo lɛ.

Ṅmãle̱ Kroṅkroṅ Le̱

⁷ Bo̱ni eša-afo̱le le̱ yo̱ le̱, nakai noṅṅ sõ-afo̱le le̱ hũ yo̱; mla kome kã ši hãame̱: oso̱fo le̱ ní ṅõ-kpãtãa le̱, enõ noṅṅ atšṍ.

3 Mose 7:7 ပူးပေါင်းရင်းမြစ်များ

2 Maŋtsɛmɛi 12:16

Shi shika ni anaa kɛjɛɔ sɔ̃ afɔle kɛ esha afɔle lɛ mli lɛ, akɛ nomɛi baaa Yehowa we lɛ, nomɛi lɛ osɔfoi lɛ anɔ ni.

2 Maŋtsɛmɛi 12:17

Nakai be lɛ mli lɛ Siria Maŋtsɛ Hazael fã ta kɛba, ni ekɛ Gat, maŋ wulu lɛ, bawu, ni eŋɔ maŋ lɛ. Shi be ni Hazael jie ehiɛ eka Yerusalɛm lɛ,

3 Mose 14:13

Egbe gwantɛŋbi lɛ yɛ he ni agbeɔ esha afɔle kɛ shãa afɔle lɛ yɛ lɛ, yɛ He Krɔŋkrɔŋ lɛ, ejaakɛ sɔ̃ afɔle lɛ jio, esha afɔle lɛ jio, fɛɛ lɛ osɔfo lɛ nɔ ni; eji nɔ ko krɔŋkrɔŋ naakpa.

3 Mose 2:10

Niyenii afɔle lɛ mli nɔ ni shwɛɔ yɛ nɔ ni ashã lɛ sɛɛ lɛ Aaron kɛ ebihii lɛ anɔ ni. Eji nɔ ni yɔɔ krɔŋkrɔŋ jogbaŋŋ diɛŋtsɛ, ejaakɛ afɔlei ni ashãa ahãa Yehowa mli eko ni.

3 Mose 2:3

Niyenii afɔle lɛ mli nɔ ni shwɛɔ yɛ nɔ ni ashãa lɛ sɛɛ lɛ Aaron kɛ ebihii lɛ anɔ ni; eji nɔ ni yɔɔ krɔŋkrɔŋ jogbaŋŋ diɛŋtsɛ, ejaakɛ afɔle ni ashãa ahãa Yehowa lɛ eko ni.

3 Mose 6:17

Aboloo akpiti nɛɛ ji osɔfoi lɛ agbɛfaŋnɔ ni mihã amɛ yɛ ŋmãa afɔlei ni ashãa ahãa mi lɛ mli. Nɔ krɔŋkrɔŋ naakpa ni, tamɔ esha afɔle kɛ sɔ̃ afɔle lɛ.

3 Mose 7:8

Kooloo ni akɛshãa shãa afɔle lɛ hewolo lɛ, osɔfo ni shãa afɔle lɛ nɔ ni.

4 Mose 5:8

Shi kɛji mɔ nɔ ni atɔ̃ lɛ egbo, ni anaaa ewekunyo ko ni bɛŋkɛ lɛ koni akɛ najiaŋtoo nii lɛ ahã mɔ lɛ lɛ, no lɛ najiaŋtoo nii lɛ atsɔ Yehowa nɔ, ni akɛhã osɔfo lɛ; esoro ojwɛni ni tɔ̃lɔ lɛ baahã koni akɛshã afɔle ekɛdãi efɔŋ ni efee lɛ.

1 Korintobii 10:18

Nyɛkwɛa Israel! Ani mɛi ni yeɔ afɔleshãanii lɛ, jeee naanyo amɛkɛ afɔleshãa latɛ lɛ bɔɔ lɛ?

1 Korintobii 9:13

Ani nyɛleee akɛ mɛi ni tsuɔ nii yɛ Sɔlemɔ we lɛ, Sɔlemɔ wenii lɛ eko nɔŋŋ amɛyeɔ? Ni mɛi ni sɔmɔɔ yɛ afɔleshãa latɛ lɛ he lɛ, afɔleshãa latɛ lɛ nɔ nii lɛ eko nɔŋŋ amɛnaa?