3 Mose 7:36 - ŊMALƐ KRƆŊKRƆŊ LƐ

³⁶ Nakai gbi lɛ Yehowa fã Israelbii lɛ akɛ amɛkɛhã Aaron kɛ ebii lɛ koni efee amɛgbɛfaŋnɔ ni kã shi hã amɛ daa yɛ yinɔi fɛɛ mli.

Ṅmãle̱ Kroṅkroṅ Le̱

³⁶ noni Iehowa wo he kitã ake̱ aṅo-hãame̱, ye̱ gbĩ no̱ ní efo̱ame̱ mũ ye̱ Israelbii le̱ ateṅ ake̱ efe gbe̱nā ní kã ši hãame̱ dā ye̱ ame̱yino̱i le̱.

3 Mose 7:36 ပူးပေါင်းရင်းမြစ်များ

2 Mose 27:21

Aaron kɛ ebihii lɛ asu kane lɛ ama muhɔɔ ni etsĩ Kpãŋmɔ Adeka lɛ hiɛ lɛ hiɛ yɛ Kpee Buu Krɔŋkrɔŋ lɛ mli, ni amɛkwɛ koni kane nɛɛ atso kɛjɛ gbɛkɛ kɛyashi leebi yɛ mi, Yehowa, mihiɛ. Enɛ atsɔ̃ akpɔ ni kã shi hã Israelbii ayinɔbii fɛɛ.”

3 Mose 3:17

Israelbii akaye kooloo fɔ loo lá. Enɛ atsɔ̃ akpɔ ni akã shi ahã nyɛ kɛ nyɛshwiei fɛɛ kɛmiiya naanɔ yɛ he fɛɛ he ni nyɛaahi.”

3 Mose 8:12

Mose fɔse mufɔɔ mu lɛ eko eshwie Aaron yiteŋ, ni ekɛfɔ lɛ mu koni efee lɛ krɔŋkrɔŋ.

3 Mose 8:30

Mose ŋɔ mu ni akɛfɔɔ mɔ mu lɛ eko kɛ lá ni yɔɔ afɔleshãa latɛ lɛ nɔ lɛ eko, ni ekɛshwã Aaron kɛ etadei lɛ kɛ ebihii lɛ kɛ amɛtadei lɛ fɛɛ nɔ. Ekɛ enɛ fee Aaron kɛ etadei lɛ kɛ Aaron bihii lɛ kɛ amɛtadei lɛ fɛɛ krɔŋkrɔŋ ehã Yehowa.

1 Samuel 2:28

Ni miŋɔ otsɛ we lɛ yɛ Israel akutsei lɛ fɛɛ ateŋ koni eye osɔfo ehã mi, ni esɔmɔ mi yɛ afɔleshãa latɛ lɛ naa, ni eshã tsofakɛŋma ehã mi, ni ewo efod lɛ kɛsɔmɔ mi. Ni no hewɔ lɛ, miŋɔ afɔlei fɛɛ ni akɛ la shãa mihã lɛ.