3 Mose 7:2 - ŊMALƐ KRƆŊKRƆŊ LƐ

² Kooloo ni akɛbaashã sɔ̃ afɔle lɛ agbe lɛ yɛ he ni agbeɔ kooloo ni akɛshãa shãa afɔle lɛ yɛ lɛ nɔŋŋ. Kooloo lɛ lá lɛ afɔse ashwie afɔleshãa latɛ lɛ koji ejwɛ lɛ fɛɛ he.

Ṅmãle̱ Kroṅkroṅ Le̱

² Heni ame̱gbeo̱ šā̃-afo̱le le̱ ye̱ le̱, *dše̱i noṅṅ ame̱gbe sõ-afo̱le le̱ hũ ye̱, ni elá le̱ afo̱se aſã afo̱lešãlate̱ le̱ no̱ ke̱-kpe. *1,3. 6.

3 Mose 7:2 ပူးပေါင်းရင်းမြစ်များ

Yesaia 52:15

Nakai nɔŋŋ eeehã maji babaoo anaa akpɛ amɛhe; Maŋtsɛmɛi aaamua amɛnaa yɛ ehewɔ, ejaakɛ amɛbaana nii ni agbako amɛ dã, ni amɛbaanu nɔ ni amɛnuko dã lɛ shishi.”

Ezekiel 36:25

Mikɛ nu ni mli tse baashwã nyɛnɔ, ni nyɛhe baatse. Ni matsuu nyɛwɔji ahe muji ni yɔɔ nyɛhe lɛ hu.

Ezekiel 40:39

Okpɔlɔi enyɔ mamɔ agbo lɛ koi lɛ fã kome lɛ mli, ni okpɔlɔi enyɔ mamɔ afã kroko lɛ hu mli. Okpɔlɔi nɛɛ anɔ agbeɔ kooloo ni akɛshãa shãa afɔle kɛ esha afɔle kɛ sɔ̃ he afɔlei lɛ yɛ.

3 Mose 1:11

Egbe kooloo lɛ yɛ afɔleshãa latɛ lɛ masɛi yɛ ekooyigbɛ yɛ Yehowa hiɛ. Aaron bihii osɔfoi lɛ kɛ kooloo lɛ lá lɛ aba ni amɛkɛbashwã afɔleshãa latɛ lɛ he koji ejwɛ lɛ he kɛkpe.

3 Mose 1:3

Kɛji tsina ekɛbaa afɔleshãa lɛ, ehiɛ tsinanuu ni kpa ko bɛ ehe ebahã. Ekɛ kooloo lɛ aba Kpee Buu lɛ shinaa lɛ naa koni Yehowa ahe efɔle lɛ.

3 Mose 1:5

Enɛ sɛɛ lɛ egbe tsinanuu lɛ yɛ Yehowa hiɛ, ni Aaron bihii osɔfoi lɛ kɛ kooloo lɛ lá lɛ aba ni amɛkɛbashwã afɔleshãa latɛ lɛ ni ma Kpee Buu lɛ shinaa lɛ naa koji ejwɛ lɛ he lɛ kɛkpe.

3 Mose 14:13

Egbe gwantɛŋbi lɛ yɛ he ni agbeɔ esha afɔle kɛ shãa afɔle lɛ yɛ lɛ, yɛ He Krɔŋkrɔŋ lɛ, ejaakɛ sɔ̃ afɔle lɛ jio, esha afɔle lɛ jio, fɛɛ lɛ osɔfo lɛ nɔ ni; eji nɔ ko krɔŋkrɔŋ naakpa.

3 Mose 3:2

Mɔ lɛ kɛ enine aŋmɛ tsina lɛ yitso nɔ, ni egbe kooloo lɛ yɛ Kpee Buu lɛ shinaa lɛ naa, ni Aaron bihii osɔfoi lɛ kɛ kooloo lɛ lá lɛ abashwã afɔleshãa latɛ lɛ he koji ejwɛ lɛ he kɛkpe.

3 Mose 3:8

ni ekɛ enine aŋmɛ kooloo lɛ yitso nɔ, ni egbe lɛ yɛ Kpee Buu lɛ shinaa lɛ hiɛ. Osɔfoi lɛ kɛ kooloo lɛ lá lɛ ashwã afɔleshãa latɛ lɛ he koji lɛ ahe kɛkpe.

3 Mose 4:24

Ekɛ enine aŋmɛ too kpakpo lɛ yiteŋ, ni egbe too lɛ yɛ he ni agbeɔ shãa afɔle kooloi lɛ yɛ lɛ, yɛ Yehowa hiɛ lɛ. Esha afɔle ni.

3 Mose 4:29

Ekɛ enine aŋmɛ esha afɔle too lɛ yiteŋ, ni egbe too lɛ yɛ he ni agbeɔ shãa afɔle kooloi lɛ yɛ lɛ.

3 Mose 4:33

Ekɛ enine aŋmɛ esha afɔle kooloo lɛ yitso nɔ, ni egbe lɛ koni akɛshã esha afɔle yɛ he ni agbeɔ shãa afɔle kooloi lɛ yɛ lɛ.

3 Mose 5:16

Mɔ ni efee esha yɛ onia krɔŋkrɔŋ ko gbɛfaŋ lɛ ato onia ni ehãaa lɛ najiaŋ, ni ekɛ mlijaa enumɔ mli ekome afata he. Ekɛhã osɔfo lɛ. Osɔfo lɛ kɛ too ojwɛni lɛ akpãtã akɛ sɔ̃ afɔle ahã lɛ, koni akɛ esha ni efee lɛ afa lɛ.

3 Mose 5:7

Shi kɛji enyɛɛɛ too ehe lɛ, no lɛ ekɛ kosɛɛ okpoi enyɔ loo okpobii enyɔ aba ebahã Yehowa akɛ sɔ̃ afɔle yɛ esha ni efee lɛ hewɔ; okpo kome akɛ esha afɔle kɛ ekome hu akɛ shãa afɔle.

3 Mose 5:9

Etsɔ esha afɔle lɛ lá lɛ eko eshwã afɔleshãa latɛ lɛ he. Lá ni baashwɛ lɛ etsi eshwie afɔleshãa latɛ lɛ shishi. Afɔle ni akɛjieɔ esha kɛyaa ji no.

3 Mose 6:25

koni ekɛɛ Aaron kɛ ebii lɛ bɔ ni ashã esha afɔlei lɛ ahã. He ni agbeɔ kooloi ni akɛshãa shãa afɔlei lɛ yɛ lɛ, jɛi nɔŋŋ agbe kooloo ni akɛshãa esha afɔle lɛ yɛ ahã Yehowa. Eji afɔle ni yɔɔ krɔŋkrɔŋ naakpa.

3 Mose 6:7

Osɔfo lɛ akpãtã ahã lɛ yɛ Yehowa hiɛ, ni akɛ nɔ fɛɛ nɔ ni efee lɛ aaafa lɛ.”

4 Mose 6:12

Esaa ejɔɔ ehe nɔ ehã Yehowa ekoŋŋ ejaakɛ be ni ewo shi tsuutsu lɛ eho. Ekɛ too gwantɛŋ binuu ni eye afi aba ekɛbashã fɔyeli he afɔle, ejaakɛ ebule ehe nɔ ni ejɔɔ lɛ, ni ekɛhã be ni eye momo lɛ efee yaka.

Hebribii 11:28

Hemɔkɛyeli ekɛto Hehoo lɛ kɛ ladikimɔ lɛ, koni mɔ ni kpãtãa kromɔbii lɛ ahiɛ akata Israelbii lɛ ahe.

Hebribii 12:24

kɛ kpãŋmɔ hee mlidaamɔlɔ Yesu lɛ, kɛ lá ni atsɔ ashwã ni wieɔ wiemɔ kpakpa fe Habel nɔ lɛ, aŋɔɔ.

1 Petro 1:2

yɛ Tsɛ Nyɔŋmɔ lɛ le ni ele eto momo lɛ naa. Nyɔŋmɔ fee enɛ kɛtsɔ̃ Mumɔ lɛ hetsuumɔ nɔ, koni amɛkase toiboo ni akɛ Yesu Kristo lá lɛ ashwã amɛnɔ. Dromɔ kɛ hejɔlɛ afa ahã nyɛ!