3 Mose 7:18 - ŊMALƐ KRƆŊKRƆŊ LƐ

¹⁸ Kɛji gbi ni ji etɛ̃ lɛ nɔ lɛ mɔ ko ye loo lɛ eko lɛ, Nyɔŋmɔ hereŋ mɔ ni kɛ afɔle lɛ ba lɛ. Enaŋ he nyɔmɔwoo yɛ Nyɔŋmɔ hiɛ. Nihii nii ji loo lɛ, ni mɔ fɛɛ mɔ ni aaaye eko lɛ, eloo musu.

Ṅmãle̱ Kroṅkroṅ Le̱

¹⁸ Ši ké̱ moko ye ešidā-afo̱le lō le̱ eko ye̱ gbĩ ní dši gbĩ etẽ le̱ no̱ kẽ le̱, anáṅ moni ke̱-bahã le̱ he tšui, abuṅ ahãṅ-le̱ hũ; nihĩnii ni, ni moni ye̱ eko le̱, elō musu.

3 Mose 7:18 ပူးပေါင်းရင်းမြစ်များ

Abe̱i 15:8

Mɛi fɔ̃ji afɔle lɛ, Yehowa miihi; shi jalɔi asɔlemɔ lɛ, enaa he miishɛɛ.

Yesaia 65:4

Amɛyataraa tɛkploi ni afu gbohii yɛ mli amli, ni amɛyatsɛɔ sisai gbɛkɛgbɛkɛ yɛ jɛi; amɛyeɔ kplotoo loo tete, ni amɛfaa wonu ni akɛ wɔŋ naa loo hoo.

Yesaia 66:3

“Mɔ ni gbeɔ tsina lɛ, etamɔ mɔ ni gbeɔ gbɔmɔ nɔŋŋ; mɔ ni kɛ toobi shãa afɔle lɛ, etamɔ mɔ ni kɛ gbee shãa afɔle nɔŋŋ; mɔ ni shãa niyenii afɔle lɛ, etamɔ mɔ ni kɛ kplotoo lá bahãa nɔŋŋ; mɔ ni shãa krɔbɔo afɔle lɛ, etamɔ mɔ ni jaa wɔŋ nɔŋŋ. Mɛi nɛɛ fɛɛ ekɔlɔ amɛ diɛŋtsɛ amɛgbɛi, ni amɛnaa nihiinii ni amɛfeɔ lɛ he miishɛɛ.

Yeremia 14:10

Bɔ ni Yehowa kɛɛ yɛ gbɔmɛi nɛɛ ahe nɛ, “Nɛkɛ amɛsumɔ akɛ amɛkpa shi, ni etɔɔɔ amɛ kɛ shikpaa lɛ. No hewɔ lɛ, mi Yehowa, mihereŋ amɛ atuu dɔŋŋ. Agbɛnɛ mibakai amɛnishaianii lɛ moŋ, ni mibagbala amɛtoi yɛ amɛhe eshai lɛ ahewɔ.”

Yeremia 14:12

Tsɛbelɛ amɛbaahi ŋmaa nɛ, shi miboŋ amɛfaikpamɔ blɔmɔ lɛ toi; ni amɛbaashã shãa afɔlei kɛ niyenii afɔle hu nɛ, shi mimɔŋ mli; ni mikɛ ta kɛ hɔmɔ kɛ hela baaplenee amɛ.”

Ezekiel 18:20

Gbɔmɔ ni feɔ esha lɛ gbo eeegbo. Bi enaŋ amanehulu yɛ eshai ni etsɛ efee ahewɔ, ni tsɛ hu enaŋ amanehulu yɛ eshai ni ebii efee ahewɔ. Jalɔ aaana ejalɛnii ni efee lɛ he nyɔmɔwoo, ni mɔ fɔŋ hu aaana efɔŋ ni efee lɛ he nyɔmɔwoo.

Hosea 8:13

Amɛsumɔɔ afɔleshãa. Amɛgbeɔ kooloi amɛkɛshãa mifɔlei lɛ akɛ loo kɛkɛ ni ayeɔ. Eji nɔ ko ni esaaa mihiɛ. Ni no hewɔ lɛ, agbɛnɛ mibakai eshai ni amɛfee lɛ ni mibawo amɛ he nyɔmɔ. Ijipt kɛ̃ amɛaaku amɛsɛɛ kɛaatee.

3 Mose 10:17

“Mɛɛba nyɛyeee esha afɔle lɛ yɛ he ko ni yɔɔ krɔŋkrɔŋ? Nɔ ko ni yɔɔ krɔŋkrɔŋ naakpa ji afɔle lɛ ni Yehowa kɛhã nyɛ koni nyɛkɛ kpãtã yɛ Yehowa hiɛ koni nyɛjie maŋ lɛ he esha lɛ kɛya lɛ.

3 Mose 10:19

Aaron to he ehã Mose akɛ, “Maŋbii lɛ shã amɛhe esha afɔle kɛ amɛshãa afɔle lɛ ŋmɛnɛ; ni kɛ̃lɛ oshara ebasharã mi nɛɛ. Eji miye esha afɔle ŋmɛnɛ kulɛ ehi yɛ Yehowa hiɛ?”

3 Mose 11:41

“Kooloi bibii fɛɛ ni eyi shikpɔŋ lɛ nɔ tɔ lɛ, nyɛkayea, ejaakɛ nii ni ahiɔ ni.

3 Mose 17:16

Kɛji efɔɔɔ etadei ahe, ni ejuuu ehe lɛ, no lɛ esɔ̃ akã lɛ diɛŋtsɛ enɔ.”

3 Mose 19:5

“Kɛji nyɛgbe kooloo nyɛkɛmiishã naanyobɔɔ afɔle lɛ, nyɛfea lɛ yɛ mlai ni awo yɛ he lɛ naa koni esa mihiɛ ni mahere.

3 Mose 20:17

“Kɛji nuu ko kɛ enyɛmi yoo ni ji etsɛbi loo enyɛbi wɔ lɛ, amɛfee hiɛgbejianii. Atswa amɛnaneshi tu kɛje amɛwekumɛi ateŋ. Nuu lɛ ni kɛ enyɛmi yoo ewɔ lɛ, esɔ̃ atere lɛ.

3 Mose 20:19

“Kɛji nuu ko kɛ etsɛ nyɛmi yoo loo enyɛ nyɛmi yoo wɔ lɛ, eshwie mɔ ni ekɛ lɛ hiɛ heloo kome hiɛ shi; amɛsɔ̃ atere amɛ.

3 Mose 22:16

Kɛji amɛŋmɛ gbɛ lɛ amɛbaawo niyenii krɔŋkrɔŋ lɛ he muji, ni amɛaatere tɔ̃mɔ lɛ yi sɔ̃, ni aaagbala amɛtoi, ejaakɛ mi ji Yehowa ni feɔ amɛ krɔŋkrɔŋ lɛ.”

3 Mose 22:23

Kɛji afɔle ni nyɛkɛba lɛ tsuijurɔ naa nyɛkɛba lɛ, no lɛ nyɛaanyɛ nyɛkɛ kooloo ni enine loo enane bɛ pɛpɛɛpɛ ashã afɔle lɛ. Shi kɛ afɔle ni nyɛwo he shi nyɛto nyɛshãa lɛ, no lɛ kooloo lɛ esaŋ Yehowa hiɛ ni eheŋ.

3 Mose 22:25

“Nyɛkahea kooloi nɛɛ eko yɛ maŋsɛɛnyo dɛŋ ni nyɛkɛbahã Yehowa akɛ niyenii afɔle, ejaakɛ adebɔɔ mli kpa ko yɛ maŋsɛɛ kooloi nɛɛ ahe. Eji kpa ni eka amɛhe, ni amɛsaŋ Yehowa hiɛ.

3 Mose 5:17

“Kɛji mɔ ko fee esha, ni efee nii ni Yehowa ewo he kitã akɛ akafee lɛ eko, tsɛbelɛ ehiɛ kãaa he moŋ nɛ, shi eye sɔ̃, ni aaagbala etoii.

3 Mose 7:19

Loo ni nɔ ko ni he tseee aaasa he lɛ, akaye, ashã. Mɔ fɛɛ mɔ ni he tse lɛ aye loo lɛ eko.

Amos 5:22

Nyɛshãa shãa afɔlei kɛ nyɛniyenii afɔlei tete nyɛhãa mi nɛ, shi miheee. Shidaa afɔlei ni nyɛkɛ nyɛkooloi ni eshwishwii shãa lɛ hu, mikwɛɛɛ po.

Maleaki 1:10

Yehowa, Taiatsɛ kɛɛ akɛ, “Mina ni kulɛ nyɛteŋ mɔ ko ŋamɔ Sɔlemɔ we lɛ shinai lɛ koni nyɛkayashɛre la yakatswaa yɛ mifɔleshãa latɛ lɛ nɔ dɔŋŋ. Minaaa nyɛhe miishɛɛ, ni mimɔŋ nikeenii ni nyɛkɛbahãa mi lɛ hu mli.

Maleaki 1:13

Nɔ ni nyɛkɛɔ ji, ‘Mɛɛ tɔlɛ po ji enɛ, ni nyɛshoɔ nyɛgugɔŋ nyɛwoɔ mi.’ Bɔ ni Yehowa, Taiatsɛ lɛ, kɛɔ nɛ, ‘Mɔ ko nii ni ayashɔ̃ akranaŋ naa, loo kooloo akpaketsɛ loo helatsɛ nyɛkɛbahãa akɛ nyɛfɔle. Aso nyɛsusuɔ akɛ mamɔ nɛkɛ afɔle mli kɛ miishɛɛ lo?

4 Mose 18:27

Ni abaabu nyɛfɔle krɛdɛɛ nɛɛ tamɔ abuɔ okwaafonyo ŋmãa hee kɛ wain hee ni ekɛbashãa afɔle lɛ.

Luka 16:15

Ni ekɛɛ amɛ akɛ, “Nyɛ ji mɛi ni nyɛbuɔ nyɛhe bem yɛ gbɔmɛi ahiɛ; shi Nyɔŋmɔ lɛ, ele nyɛtsuiaŋ; ejaakɛ nɔ ni ji gojoo yɛ gbɔmɛi ateŋ lɛ, yɛ Nyɔŋmɔ hiɛ lɛ nihiinii ni.

Romabii 4:11

Ni enine shɛ ketiafoo okadi lɛ nɔ akɛ jalɛ naasɔomɔnɔ ni akɛsɔo ehemɔkɛyeli ni ena be mli ni eji foolɔ beebe lɛ naa, ni efee mɛi fɛɛ ni heɔ yeɔ be ni amɛ ji foolɔi lɛ atsɛ, ni abu hemɔkɛyeli ahã amɛ hu akɛ jalɛ;

Hebribii 9:28

nakai nɔŋŋ Kristo hu, akɛni aŋɔ lɛ ahã shi kome koni etere mɛi pii ahe eshai kɛya lɛ, nɔ ni ji shii enyɔ lɛ eeeshi esha ebapue ehã mɛi ni kwɛɔ lɛ gbɛ lɛ ni ehere amɛyiwala.

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.