3 Mose 7:16 - ŊMALƐ KRƆŊKRƆŊ LƐ

¹⁶ Kɛji afɔle ni mɔ ko kɛba lɛ shiwoo afɔle ni, loo afɔle ni ekɛba yɛ tsuijurɔ naa ni lɛ, no lɛ ebɛ akɛ aye loo lɛ fɛɛ gbi nɔ ni agbe kooloo lɛ nɔŋŋ; shi kɛ loo lɛ eko shwɛ lɛ, aye enɔ jetsɛremɔ.

Ṅmãle̱ Kroṅkroṅ Le̱

¹⁶ Ši ke̱dši efo̱le ní eke̱-ba le̱ dši šiwō alo tšuidšũrõnā-afo̱le le̱, aye gbĩ no̱ ní ake̱-ba le̱ noṅṅ; ni ké̱ dše tše̱re eko no̱ hũ, aye kẽ;

3 Mose 7:16 ပူးပေါင်းရင်းမြစ်များ

Lalai 116:14

Maye mishiwoi lɛ anɔ yɛ maŋ lɛ fɛɛ hiɛ.

Lalai 116:18

Maye mishiwoi lɛ anɔ mahã Yehowa yɛ emaŋ muu lɛ fɛɛ hiɛ,

Lalai 66:13

Mikɛ shãa afɔlei aaaba owe lɛ; mibaye mishiwoi anɔ mahã bo!

2 Mose 35:29

Israelbii lɛ bake Yehowa nii yɛ tsuijurɔ naa. Nuu fɛɛ nuu kɛ yoo fɛɛ yoo ni nu he yɛ etsuiŋ akɛ ehã nɔ ko lɛ, ekɛbake, koni akɛtsu nitsumɔi srɔtoi fɛɛ ni Yehowa ekɛɛ akɛ atsɔ̃ Mose nine nɔ atsu lɛ.

Abe̱i 7:14

“Kulɛ esa akɛ mashã afɔle, shi ŋmɛnɛ nɔŋŋ lɛ miyawo mishiwoonii lɛ.

Ezekiel 46:12

“Kɛji lumɔ lɛ baashã tsuijurɔ naa afɔle ehã Yehowa lɛ, shãa afɔle jio, shidaa afɔle jio, agbele agbo ni kwɛɔ bokãgbɛ lɛ ahã lɛ koni ekɛ eshãa afɔlei lɛ loo shidaa afɔle lɛ ayahã tamɔ efeɔ yɛ hejɔɔmɔ gbi lɛ nɔ lɛ. Kɛkɛ lɛ eje kpo; ni kɛ eje kpo sɛɛ lɛ, aŋa agbo lɛ.”

3 Mose 22:23

Kɛji afɔle ni nyɛkɛba lɛ tsuijurɔ naa nyɛkɛba lɛ, no lɛ nyɛaanyɛ nyɛkɛ kooloo ni enine loo enane bɛ pɛpɛɛpɛ ashã afɔle lɛ. Shi kɛ afɔle ni nyɛwo he shi nyɛto nyɛshãa lɛ, no lɛ kooloo lɛ esaŋ Yehowa hiɛ ni eheŋ.

3 Mose 22:29

Kɛji nyɛmiishã shidaa afɔle nyɛhã Yehowa lɛ, nyɛyea ehe mlai lɛ anɔ, koni afɔle lɛ asa ehiɛ.

3 Mose 23:38

Esoro Yehowa Hejɔɔmɔgbii lɛ, dani esoro nyɛdaadaa nikeenii lɛ, ni esoro nyɛshiwoo afɔlei lɛ kɛ nyɛtsuijurɔ naa afɔlei lɛ fɛɛ hu ni nyɛkɛbahãa Yehowa.

Nahum 1:15

Naa, bɔfo ko miiba yɛ gɔji lɛ anɔ kɛ sane kpakpa; eeba kɛ toiŋjɔlɛ sane. Yudabii, nyɛyea nyɛgbii juji lɛ; ni Nyɔŋmɔ gbɛfaŋnii ni nyɛwo he shi lɛ, nyɛkɛbahãa lɛ. Yitsoŋwalɔi lɛ baŋ abatuaŋ nyɛ dɔŋŋ; akpãtã amɛhiɛ butuu.

4 Mose 15:3

kɛji nyɛkɛ tsina loo too baashã afɔle nyɛkɛhã mi, Yehowa, lɛ, shãa afɔle ni jio, gbee afɔle ni jio, afɔle ni akɛmiiye shiwoo ko nɔ ni jio, tsuijurɔ naa afɔle ni jio, nyɛgbii juji ni ato lɛ eko nɔ afɔle ni jio, afɔle lɛ ŋma asa mi, Yehowa, mihiɛ.

5 Mose 12:11

Nakai be lɛ, he ni Yehowa, nyɛNyɔŋmɔ lɛ eŋɔ akɛ aja lɛ yɛ lɛ, jɛi nyɛkɛ nibii fɛɛ ni miwoɔ nyɛ kitã yɛ he lɛ ayaa. Nibii nɛɛ ji kooloi ni agbeɔ akɛ nyɛfɔlei kɛ afɔlei ni ashãa lɛ kɛ nyɛŋmɔshi nii amlijaa nyɔŋma mli ekomekomei lɛ kɛ nyɛniyenii afɔlei lɛ kɛ nɔ fɛɛ nɔ ni nyɛ diɛŋtsɛ nyɛwo Yehowa shi yɛ he lɛ.

5 Mose 12:17

Nii ni nyɛkɛmiishã afɔle lɛ, nyɛkayea eko yɛ nyɛmaji lɛ eko kwraa mli. Nyɛbele jio, nyɛwain jio, nyɛmu mlijaa nyɔŋma mli ekomekome lɛ jio, nyɛtoi loo nyɛtsinai akromɔbii lɛ jio, nii ni nyɛkɛwo shi lɛ jio, nyɛtsuijurɔnaa nikeenii lɛ jio, niyenii afɔlei lɛ jio nyɛkayea yɛ nyɛmaji amli.

5 Mose 12:26

Shi nyɛnikeenii krɔŋkrɔŋi lɛ kɛ nyɛshiwoonii lɛ, nyɛkɛyaa he ni Yehowa eŋɔ akɛ aja lɛ yɛ lɛ,

5 Mose 12:6

Nyɛkɛ kooloi ni agbeɔ akɛ afɔle kɛ afɔlei ni ashãa lɛ kɛ ekrokomɛi lɛ, nyɛnibii amlijai nyɔŋma mli ekomekome lɛ kɛ nyɛniyenii afɔlei lɛ kɛ nyɛshiwoo afɔlei lɛ kɛ nyɛtsuijurɔ naa nikeenii lɛ kɛ nyɛtoi kɛ nyɛtsinai akromɔbii lɛ, ayaa jɛi.