3 Mose 6:4 - ŊMALƐ KRƆŊKRƆŊ LƐ

⁴ Kɛ mɔ ko fee esha ni eye sɔ̃ lɛ, eto nɔ ni eju lɛ, loo nii ni ekɛ amimyeli shɔ̃ lɛ, loo nɔ ni akɛto lɛ awaba ni etso akɛ akɛ nɔ ko hãko lɛ, loo nii ni laaje ni eshiu nɔ lɛ,

Ṅmãle̱ Kroṅkroṅ Le̱

⁴ agbe̱ne̱ kē̱ eba mli ake̱ efe eša ni eye sõ le̱, eke̱ dšūnii ní edšu le̱ lo nii ní eke̱ amimyeli šõ le̱ lo no̱kwe̱mo̱nii ní ake̱-hãle̱ ne̱kwe̱mo̱ lo nii ni lādše ní ena le̱

3 Mose 6:4 ပူးပေါင်းရင်းမြစ်များ

1 Mose 21:25

Shi Abraham kɛ Abimelek wie kɛ dɔlɛ yɛ nubu ko ni Abimelek tsuji lɛ eshɔ̃ ekãa naa yɛ edɛ lɛ he.

Nehemia 5:11

Nyɛkɛ amɛŋmɔji kɛ amɛwain tromi kɛ amɛmu tromi kɛ amɛshĩai lɛ akũa sɛɛ ahãa amɛ ŋmɛnɛ gbi nɛɛ nɔŋŋ. Nyɛkɛ shika kɛ abele kɛ wain kɛ mu mlijai oha mli ekome ni ji hekpa ni nyɛheɔ yɛ amɛdɛŋ lɛ hu akũa sɛɛ ahãa amɛ.”

Hiob 20:19

ejaakɛ ewa ohiafoi ayi, ni ekwa amɛ, ni shĩa ni jeee lɛ ema lɛ, eshɔ̃ɔ ekãa naa.

Hiob 24:2

Mɛi tsirɛɔ husui kɛyaa sɛɛ, amɛshɔ̃ɔ mɛi akooloi ni amɛkɛshiɔ amɛkooloi anɔ amɛlɛɔ.

Yesaia 59:6

ni ntaŋi lɛ nyɛɛɛ atsɔ̃ mama ni aaanyɛ aha. Nishaianii pɛ amɛfeɔ, ni niseniianii pɛ amɛkɛ amɛniji tsuɔ.

Ezekiel 18:12

Ewaa ohiafo kɛ mɔ ni efi lɛ yi. Etswaa ojo, ni ekpaleee nyɔmɔtsɛ awabatoonii ehãaa lɛ. Ejaa amãgã, ni efeɔ musubɔɔnii.

Ezekiel 18:18

Shi etsɛ lɛ, akɛni etswaa ojo, ni ejuɔ enyɛmi, ni efeɔ nɔ ni ehiii yɛ emaŋbii ateŋ lɛ hewɔ lɛ, lɛ lɛ, gbo eeegbo yɛ ehe eshai lɛ ahewɔ.

Ezekiel 18:7

Ewaaa mɔ yi; shi ekpaleɔ nyɔmɔtsɛ awabatoonii ehãa lɛ; ni etswaaa ojo; ehaaa mɔ ko nɔ ko, shi moŋ ehãa mɔ ni hɔmɔ miiye lɛ nii eyeɔ; asaŋ mɔ ni nyiɛ yayai lɛ ebuɔ lɛ mama.

Ezekiel 33:15

kɛ efɔŋfeelɔ kpale nɔ ni akɛbato lɛ awaba eha nɔtsɛ, ni ekpale nɔ ni ekɛ ojotswaa shɔ̃ lɛ ehã; kɛji eye mlai ni hãa wala lɛ anɔ, ni efeee efɔŋ lɛ, eyi aaana wala kɛ̃, egboŋ.

Ezekiel 44:19

Ni kɛji amɛmiije kpo kɛya maŋbii lɛ aŋɔɔ yɛ agbonaagbɛ kpo lɛ nɔ lɛ, amɛ jie amɛtadei ni amɛwo kɛsɔmɔɔ lɛ, ni amɛkɛshwie He Krɔŋkrɔŋ lɛ piai lɛ amli. Amɛwo atadei krokomɛi koni nyɛhe krɔŋkrɔŋ lɛ akatsɛŋe maŋbii lɛ.

3 Mose 24:18

ni mɔ ni aaagbe mɔ kroko kooloo lɛ, eto kooloo lɛ najiaŋ kɛ kooloo nɔŋŋ; akɛ kooloo ato kooloo najiaŋ.

3 Mose 24:21

Mɔ ni aaagbe mɔ ko kooloo ko lɛ, eto mɔ lɛ kooloo lɛ najiaŋ; shi mɔ ni aaagbe gbɔmɔ lɛ gbe agbe lɛ.

3 Mose 4:12

Osɔfonukpa lɛ awo tsinanuu muu lɛ fɛɛ kɛje kpo kɛya he ko ni tse yɛ shitoohe lɛ sɛɛ, he ni atsiɔ lamlu ashwieɔ lɛ he ko, koni eyashã yɛ lai nɔ yɛ jɛi. He ni atsiɔ lamlu ashwieɔ lɛ, jɛi ashã afɔle nɛɛ yɛ.

Amos 3:10

Yehowa kɛɛ akɛ, “Amɛkɛ yiwalɛ kɛ juu buaa nibii anaa yɛ mɔji lɛ amli. Amɛleee nɔ ni ja gbɛ feemɔ tete.

Mika 2:2

Amɛhiɛ kɔ̃ɔ ŋmɔji anɔ, ni amɛshɔ̃ɔ; amɛhiɛ kɔ̃ɔ shĩai anɔ, ni amɛŋɔɔ. Mɔ ko mɔ ko gboshinii kɛ ewe fɛɛ bɛ shweshweeshwe.

Zefania 1:9

Nakai gbi lɛ nɔ lɛ, mibagbala mɛi fɛɛ ni jaa tamɔ wɔŋjalɔi jaa lɛ, kɛ mɛi hu ni tsɔ̃ɔ yiwalɛ kɛ shishiumɔ nɔ amɛkɛnaa nii amɛwoɔ amɛnuŋtsɔmɛi awei amli obɔ̃bɔ̃ lɛ atoi.”

Maleaki 1:13

Nɔ ni nyɛkɛɔ ji, ‘Mɛɛ tɔlɛ po ji enɛ, ni nyɛshoɔ nyɛgugɔŋ nyɛwoɔ mi.’ Bɔ ni Yehowa, Taiatsɛ lɛ, kɛɔ nɛ, ‘Mɔ ko nii ni ayashɔ̃ akranaŋ naa, loo kooloo akpaketsɛ loo helatsɛ nyɛkɛbahãa akɛ nyɛfɔle. Aso nyɛsusuɔ akɛ mamɔ nɛkɛ afɔle mli kɛ miishɛɛ lo?

4 Mose 5:7

no lɛ ejaje esha ni efee lɛ, ni eto mɔ ni efee lɛ esha lɛ najiaŋ; asaŋ ekɛ nii ni ekɛtoɔ mɔ lɛ najiaŋ lɛ mlijaa enumɔ mli ekome afata he ehã mɔ lɛ.