3 Mose 6:21 - ŊMALƐ KRƆŊKRƆŊ LƐ

²¹ Akɛ mu ashi yɛ ŋɛsu mli. Kɛ ebe lɛ, akumɔ mli dukuduku ni akɛba akɛ ŋmãa afɔle ni eŋma sa Yehowa hiɛ.

Ṅmãle̱ Kroṅkroṅ Le̱

²¹ Ake̱ mũ ašĩ ye̱ ṅe̱sũ mli, ni ke̱ ebè le̱, oke̱-ba, ni okũmo̱le̱ kukudši kukudši ní ašãle̱ ake̱ niyenii-afo̱le, ní edše ṅma ewo Iehowa.

3 Mose 6:21 ပူးပေါင်းရင်းမြစ်များ

1 Kronika 23:29

amɛkwɛɔ aboloo ni akɛmaa Nyɔŋmɔ hiɛ lɛ he saji anɔ, kɛ mamu ni akɛbashãa niyenii afɔle lɛ, kɛ kaka ni akɛ ma akpiti shã lɛ, kɛ nibii ni ashã ni akɛbashãa afɔle lɛ, kɛ mamu ni akɛ mu efutu mli ni akɛbaashã afɔle lɛ. Agbɛnɛ amɛ amɛŋmɛɔ ni amɛsusuɔ nibii srɔtoi fɛɛ ni akɛbaa afɔleshãa lɛ.

1 Kronika 9:31

Levinyo ko ni gbɛi ji Matitia, Koranyo Shalum lɛ kromɔbi lɛ, lɛ ji mɔ ni kwɛɔ akpiti tɛtɛrɛbii lɛ ashãa nɔ.

3 Mose 11:33

Nɔ fɛɛ nɔ ni akɛ sũ fee ni kooloi nɛɛ ateŋ eko aaagbee mli lɛ, nɔ fɛɛ nɔ ni yɔɔ mli lɛ he tseee. Ajwa sũnɔ ni nii lɛ yɔɔ mli lɛ.

3 Mose 15:12

Sũ nii ni mɔ ni he hoɔ nu lɛ aaata he lɛ, ajwa; ni tso nii fɛɛ tso nii ni eeeta he lɛ, akɛ nu afɔ mli.

3 Mose 2:5

“Kɛji afɔle lɛ yafee nii ni ashãa yɛ looshãa dade nɔ lɛ, no lɛ efee nii ni akɛ mã akpiti ni awo mli mu fee niyenii.

3 Mose 6:22

Aaron bihii lɛ ateŋ mɔ ni afɔ lɛ mu ni baaye esɛɛ akɛ osɔfonukpa lɛ afee enɛ ahã Yehowa akɛ akpɔ ni kã shi kɛmiiya naanɔ. Ashã afɔle muu lɛ fɛɛ.

3 Mose 7:12

Kɛ afɔle lɛ shidaa afɔle ni lɛ, nibii ni akɛfata he ji keeki ni akɛ mã akpiti ni awo mli mu shã kɛ akpãanɔɔ ni akɛ mã akpiti ni akpa hiɛ mu shã kɛ keeki ni akɛ mã ni mu enumɔ mli shã.

3 Mose 7:9

Niyenii afɔle fɛɛ niyenii afɔle ni ashãa yɛ flɔnɔɔ mli aloo nɔ ni ashãa yɛ nishãa nɔ nɔ, loo nɔ ni ashĩɔ yɛ ŋɛsu mli lɛ, osɔfo ni shãa afɔle lɛ hãa Yehowa lɛ nɔ ni.