3 Mose 6:20 - ŊMALƐ KRƆŊKRƆŊ LƐ

²⁰ “Gbi nɔ ni afɔɔ Aaron loo eshwie ko mu akɛ osɔfo lɛ, ekɛ ŋmãa mamu kilo kome aba abahã Yehowa tamɔ daa ŋmãa afɔle lɛ nɔŋŋ. Akɛ fã aba leebi, ni akɛfã hu aba gbɛkɛ.

Ṅmãle̱ Kroṅkroṅ Le̱

²⁰ Nikēnii ní Aaron ke̱ ebihĩĩ le̱ ke̱-bahã Iehowa ye̱ ame̱mũfō̱ gbĩ le̱ ne̱ ne̱: ṅmā̃ mã efa mlidšāi nyoṅma mli ekome ake̱ dā niyenii-afo̱le, ake̱ fã aba lebi, ni ake̱ fã hũ aba gbe̱ke̱. 2 Mose 29.

3 Mose 6:20 ပူးပေါင်းရင်းမြစ်များ

1 Kronika 23:29

amɛkwɛɔ aboloo ni akɛmaa Nyɔŋmɔ hiɛ lɛ he saji anɔ, kɛ mamu ni akɛbashãa niyenii afɔle lɛ, kɛ kaka ni akɛ ma akpiti shã lɛ, kɛ nibii ni ashã ni akɛbashãa afɔle lɛ, kɛ mamu ni akɛ mu efutu mli ni akɛbaashã afɔle lɛ. Agbɛnɛ amɛ amɛŋmɛɔ ni amɛsusuɔ nibii srɔtoi fɛɛ ni akɛbaa afɔleshãa lɛ.

2 Mose 16:36

(“Gomer” loo tsenesa kome feɔ “efa” loo yiteremɔ mlijaa nyɔŋma mli ekome.)

2 Mose 29:2

Ŋɔɔ aboloo ni akɛ mã akpiti shã kɛ mã akpiti keeki ni awo mli fɔ, kɛ mã akpiti akpãanɔɔ ni akpa hiɛ fɔ. Akɛ ŋmaa ma afee fɛɛ.

3 Mose 23:13

Ni niyenii afɔle ni afata kooloo lɛ he ji ŋmãa mamu ni akɛ fɔ ekpɔtɔ, kiloi enyɔ, koni ashã ahã Yehowa koni eje ŋma ewo lɛ; ni dãa afɔle ni akɛfata he ji wain lita kome.

3 Mose 5:1

Kɛji atsɛ mɔ ko odase yɛ sane ko he, ni emua enaa, ni ewieee, tsɛbelɛ ena aloo ele sane lɛ he nɔ ko lɛ, no lɛ efee esha, ni eye sɔ̃.

3 Mose 5:11

Shi kɛji enyɛɛɛ kosɛɛ okpoi enyɔ loo okpobii enyɔ ehã lɛ, no lɛ ekɛ mã kilo kome aba akɛ esha afɔle yɛ esha ni efee lɛ hewɔ. Ekɛ mu akawo mli, ni ekɛ ohɛ hu akafɔ̃ nɔ, ejaakɛ esha afɔle ni.

3 Mose 6:11

Kɛkɛ lɛ osɔfo lɛ ajie etadei lɛ koni ewo ekroko. Ekɛ lamlu lɛ aje kpo kɛya nsra lɛ sɛɛ ni ekɛyashwie he ko ni tse.

3 Mose 6:19

Yehowa kɛ Mose wie ni ekɛɛ,

4 Mose 28:10

Hejɔɔmɔ gbi lɛ nɔ afɔle nɛɛ sɛɛ lɛ, ashã daa gbi afɔle lɛ hu kɛ ehe dãa afɔle lɛ.”

4 Mose 28:3

“Gbi fɛɛ gbi lɛ ahã gwantɛŋbii enyɔ ni eye afiafi asaŋ ni kpa ko bɛ amɛhe koni akɛshã afɔle ahã mi.

4 Mose 4:16

“Nibii ni atu awo Osɔfo Eleazar, Aaron bi lɛ, dɛŋ koni ekwɛ nɔ ji mu ni akɛsuɔ kane lɛ, kɛ mu ni akɛfɔɔ mɔ mu lɛ kɛ daa niyenii afɔle lɛ, kɛ Kpee Buu Krɔŋkrɔŋ lɛ diɛŋtsɛ kɛ emli nibii fɛɛ, kɛ He Krɔŋkrɔŋ lɛ hu kɛ ehe nibii lɛ fɛɛ lɛ.”

Hebribii 5:1

Ejaakɛ osɔfonukpa fɛɛ osɔfonukpa ni ahala kɛjɛ gbɔmɛi ateŋ lɛ, awo lɛ osɔfo ni edamɔ gbɔmɛi anajiaŋ yɛ Nyɔŋmɔ nii agbɛfaŋ, koni ekɛ nikeenii kɛ afɔlei abahã yɛ eshai ahewɔ,

Hebribii 7:27

Ehe Ehĩaaa lɛ, tamɔ nakai osɔfonukpai lɛ, akɛ gbi fɛɛ gbi lɛ eshã lɛ diɛŋtsɛ ehe eshai ahe afɔle tsutsu, dani eshã maŋ lɛ hu nɔ. Ejaakɛ efee enɛ shi kome nyɔŋlo, be ni eŋɔ lɛ diɛŋtsɛ ehe eshã afɔle lɛ!