3 Mose 5:6 - ŊMALƐ KRƆŊKRƆŊ LƐ

⁶ ni ekɛ esɔ̃ afɔle abahã Yehowa yɛ esha ni efee lɛ hewɔ. Ekɛ gwantɛŋ loo too abotia yoo aba, koni osɔfo lɛ akpãtã ahã lɛ yɛ esha ni efee lɛ hewɔ.

Ṅmãle̱ Kroṅkroṅ Le̱

⁶ ni eke̱ esõ-afo̱le aba abahã Iehowa ye̱ eša ní efe le̱ hewo̱, tōgwanteṅ lo tōabotia yō eṅõ-hã ye̱ ehe eša le̱ hewo, ni oso̱fo le̱ akpãtã ahãle̱ ye̱ ehe eša le̱ he.

3 Mose 5:6 ပူးပေါင်းရင်းမြစ်များ

Ezekiel 40:39

Okpɔlɔi enyɔ mamɔ agbo lɛ koi lɛ fã kome lɛ mli, ni okpɔlɔi enyɔ mamɔ afã kroko lɛ hu mli. Okpɔlɔi nɛɛ anɔ agbeɔ kooloo ni akɛshãa shãa afɔle kɛ esha afɔle kɛ sɔ̃ he afɔlei lɛ yɛ.

Ezekiel 42:13

Agbɛnɛ nuu lɛ kɛɛ mi akɛ, “Piai ni yɔɔ kooyigbɛ lɛ kɛ piai ni yɔɔ wuoyigbɛ ni amɛhiɛ kwɛɔ kpo lɛ nɔ gbɛ lɛ, nomɛi ji piai krɔŋkrɔŋi lɛ. Jɛi osɔfoi ni bɛŋkɛɔ Yehowa lɛ yeɔ afɔle krɔŋkrɔŋi ni fe fɛɛ lɛ yɛ. Afɔlei nɛɛ ji niyenii afɔle lɛ kɛ esha afɔle lɛ kɛ sɔ̃ afɔle lɛ, ejaakɛ hei krɔŋkrɔŋi ni.

Ezekiel 44:27

Gbi nɔ ni eyaa He krɔŋkrɔŋ lɛ yɛ mligbɛ kpo lɛ nɔ koni eyasɔmɔ yɛ He Krɔŋkrɔŋ lɛ, eyashã ehe esha afɔle. Mi, Nuŋtsɔ Yehowa mikɛɛ.

3 Mose 4:20

Bɔ ni efee esha afɔle tsinanuu lɛ loo lɛ, nakai pɛpɛɛpɛ efee tsinanuu nɛɛ hu loo lɛ, koni ekpãtã ehã maŋ lɛ koni akɛ amɛtɔ̃mɔ lɛ afa amɛ.

3 Mose 4:28

kɛji ahã ele tɔ̃mɔ ni etɔ̃ lɛ nɔŋŋ lɛ, ekɛ abotia yoo ni kpa ko bɛ ehe aba ni ekɛbashã afɔle yɛ esha ni efee lɛ hewɔ.

3 Mose 4:31

Ejie too lɛ mli fɔ lɛ fɛɛ tamɔ ajieɔ shidaa afɔlei akooloi amli fɔ lɛ, ni eshã fɔ lɛ yɛ afɔleshãa latɛ lɛ nɔ koni eje ŋma ewo Yehowa, koni osɔfo lɛ akpãtã ehã lɛ, ni akɛ etɔ̃mɔ lɛ baafa lɛ.

3 Mose 4:32

Kɛji mɔ ko kɛ gwantɛŋ miiba abashã esha afɔle lɛ, ekɛ gwantɛŋyoo ni kpa ko bɛ ehe aba.

3 Mose 4:35

Ejie too lɛ mli fɔ lɛ fɛɛ tamɔ ajieɔ naanyobɔɔ afɔle gwantɛŋ lɛ mli fɔ lɛ koni eshã no kɛ niyenii afɔlei yɛ afɔleshãa latɛ lɛ nɔ ehã Yehowa. Ni osɔfo lɛ baakpãtã ahã lɛ, ni akɛ ehe esha lɛ baafa lɛ.

3 Mose 6:6

Esɔ̃ afɔle ni ekɛbaahã osɔfo lɛ ni akɛhã Yehowa lɛ nɛ: etoi lɛ ateŋ too ojwɛni ni kpa ko bɛ ehe; ejara afee bɔ ni bo oootsɔ̃ɔ.

4 Mose 6:12

Esaa ejɔɔ ehe nɔ ehã Yehowa ekoŋŋ ejaakɛ be ni ewo shi tsuutsu lɛ eho. Ekɛ too gwantɛŋ binuu ni eye afi aba ekɛbashã fɔyeli he afɔle, ejaakɛ ebule ehe nɔ ni ejɔɔ lɛ, ni ekɛhã be ni eye momo lɛ efee yaka.