3 Mose 5:2 - ŊMALƐ KRƆŊKRƆŊ LƐ

² Kɛji mɔ ko ta nɔ ko ni he tseee he, ŋa mli kooloo ni he tseee ko gbonyo ni jio, shĩa kooloo ni he tseee ko gbonyo ni jio, kooloo ni wamɔɔ ni he tseee ko gbonyo ni jio, kɛ ehiɛ kãaa he ni eta he tete lɛ, akɛni ebule ehe hewɔ lɛ, eye sɔ̃.

Ṅmãle̱ Kroṅkroṅ Le̱

² alo ké̱ moko ta noko ní he tšee he, *kolo ní he tšee ko gbonyo ni dšio, šĩa kolo ní he tšee ko gbonyo ni dšio, alo wāmo̱ kolo ní he tšee ko gbonyo ni dšio, ni elee le̱, le̱ hũ ebule ehe, ni eye sõ; *11,24.

3 Mose 5:2 ပူးပေါင်းရင်းမြစ်များ

Lalai 19:12

Namɔ aaanyɛ lɛ diɛŋtsɛ etɔmɔi ena? Yehowa, jiemɔ mi kɛjɛ midujiaŋ tɔ̃mɔi amli.

Yesaia 52:11

Nyɛ mɛi fɛɛ ni nyɛtereɔ Sɔlemɔ we lɛ nibii lɛ, nyɛkataa nɔ ko ni he tseee he; nyɛtsuua nyɛhe, ni nyɛshĩa, nyɛshĩa Babilon nyɛyaa.

3 Mose 11:11

Nihiinii ji amɛ; nyɛkayea amɛloo, ni nyɛhia amɛgbohii lɛ tete.

3 Mose 11:8

Nyɛkayea kooloi nɛɛ aloo; nyɛkataa amɛgbohii ahe hu, ejaakɛ amɛhe tseee.

3 Mose 4:13

Kɛji Israel asafo muu lɛ fɛɛ ni tɔ̃ Yehowa kitãi lɛ eko nɔ, ni amɛfee nɔ ni ekɛɛ akɛ akafee lɛ eko, be mli ni amɛhiɛ kãaa he, ni asaŋ amɛkɔɔɔ tɔ̃mɔ ni amɛtɔ̃ lɛ sɛɛ hu, ni no hewɔ lɛ, maŋ lɛ eye sɔ̃ lɛ,

3 Mose 5:17

“Kɛji mɔ ko fee esha, ni efee nii ni Yehowa ewo he kitã akɛ akafee lɛ eko, tsɛbelɛ ehiɛ kãaa he moŋ nɛ, shi eye sɔ̃, ni aaagbala etoii.

3 Mose 5:3

Aloo kɛji eta nɔ ko ni he tseee yɛ nɔ fɛɛ nɔ kɛkɛ ni he tseee ni buleɔ gbɔmɔ he, ni eleee, shi kɛ fee sɛɛ ni ebale lɛ, eye sɔ̃.

3 Mose 5:4

Kɛji mɔ ko eyakwɛɛɛ jogbaŋŋ ni ekã kitã akɛ eeefee efɔŋ loo ekpakpa ko tamɔ bɔ ni mɛi kãa kitã ni amɛjwɛŋŋ he lɛ, kɛ fee sɛɛ ni ebale lɛ, nɔ fɛɛ nɔ ni ji lɛ eyeɔ sɔ̃ yɛ mli.

3 Mose 7:21

Asaŋ kɛ mɔ ko aaaye naanyobɔɔ afɔle nɛɛ eko, be mli ni eta nɔ ko ni he tseee he, gbɔmɔ ni he tseee he eta jio, kooloo ni he tseee he eta jio, nɔ kroko ni jio, aaatswa enane shi tu kɛaaje emɛi ateŋ.

Hagai 2:13

Kɛkɛ ni Hagai bi osɔfoi lɛ akɛ, “Shi kɛji mɔ ni eyata gbonyo he ni ekɛbule ehe ta nibii nɛɛ eko he hu lɛ, ani ebule nii lɛ lo?” Osɔfoi lɛ to he akɛ, “Hɛɛ”.

4 Mose 19:22

Nɔ fɛɛ nɔ ni mɔ ni ebule ehe aaata he lɛ, ebule nɔ lɛ; ni mɔ ni aaata nii ni abule he lɛ, lɛ hu ebule ehe kɛyaashi gbɛkɛ.”

Luka 11:44

Kpoo hã nyɛ, akɛ nyɛtamɔ saŋi ni ejeee shi, ni mɛi ni nyiɛɔ nɔ lɛ leee!”

2 Korintobii 6:17

No hewɔ lɛ, Yehowa kɛɛ, “Nyɛjea amɛteŋ, ni nyɛtsea nyɛhe, ni nyɛkataa muji nɔ ko he, ni mahere nyɛ atuu.

5 Mose 14:8

Nyɛkayea kplotoo hu ejaakɛ agba enane kokloto mli enyɔ moŋ nɛ, shi egɔiii eniyenii etaaa. Nyɛkayea kooloi nɛɛ ateŋ ekoeko loo; ni kɛji agbe eko lɛ ehe tete po nyɛkataa.