3 Mose 5:16 - ŊMALƐ KRƆŊKRƆŊ LƐ

¹⁶ Mɔ ni efee esha yɛ onia krɔŋkrɔŋ ko gbɛfaŋ lɛ ato onia ni ehãaa lɛ najiaŋ, ni ekɛ mlijaa enumɔ mli ekome afata he. Ekɛhã osɔfo lɛ. Osɔfo lɛ kɛ too ojwɛni lɛ akpãtã akɛ sɔ̃ afɔle ahã lɛ, koni akɛ esha ni efee lɛ afa lɛ.

Ṅmãle̱ Kroṅkroṅ Le̱

¹⁶ Ni noni efe eša ye̱ nõkroṅkroṅ le̱ gbe̱fãṅ le̱ *eto nãdšiaṅ, ni eṅõ mlidšāi enumo̱ mli ekome eši no̱, ni eke̱-bahã oso̱fo le̱; ni oso̱fo le̱ ke̱ sõ-afo̱le tōagbo le̱ akpãtã ahãle̱, ni aaṅõ-fale̱. *6,4. 6; 22,14.

3 Mose 5:16 ပူးပေါင်းရင်းမြစ်များ

Lalai 69:4

Mɛi ni he tsɛ̃ɔ mi yakatswaa lɛ, amɛyi fa fe miyiteŋ tsɔi; mihenyɛlɔi ni maleɔ mihe, mɛi ni taoɔ mihiɛ amɛkpãtã lɛ amɛyi fa. Nɔ ni mijuko lɛ aso esa akɛ mato najiaŋ lo?

2 Mose 22:1

“Kɛji mɔ ko yaju tsina loo too, ni eyagbe aloo eyahɔ̃ɔ lɛ, ekɛ tsinai enumɔ ato tsina kome najiaŋ, ni ekɛ toi ejwɛ ato too kome najiaŋ. Shi kɛ ebɛ nɔ ko lɛ, no lɛ ahɔ̃ɔ lɛ koni akɛtse nii ni eju lɛ.

3 Mose 22:14

“Kɛji mɔ ko ni jɛɛɛ osɔfoi aweku mli leee ehe be ni eyaye nɔ krɔŋkrɔŋ lɛ eko lɛ, eto najiaŋ ni ekɛ mlijai enumɔ mli ekome ashi nɔ.

3 Mose 27:13

Shi kɛji mɔ lɛ miisumɔ akɛ ekpɔ̃ ekooloo lɛ, no lɛ ekɛ kooloo lɛ jara lɛ mlijaa enumɔ mli ekome ashwie kooloo lɛ yi jara ni awo lɛ nɔ kɛwo eyi nyɔmɔ.

3 Mose 27:15

Ni kɛji mɔ ni jɔɔ eshĩa nɔ eke lɛ miisumɔ akɛ ekpɔ̃ eshĩa lɛ, no lɛ ekɛ shĩa lɛ jara ni awo lɛ mlijaa enumɔ mli ekome ashwie jara ni awo lɛ nɔ kɛwo shĩa lɛ he nyɔmɔ, ni shĩa lɛ baatsɔ̃ enɔ ekoŋŋ.

3 Mose 27:27

Shi kɛji kooloi ni ahe tseee lɛ eko kromɔbi ni lɛ, no lɛ akpɔ̃ lɛ yɛ jara tɛ ni afo lɛ naa; ni akɛ eyi jara ni awo lɛ mlijaa enumɔ mli ekome ashwie jara ni awo lɛ nɔ kɛwo eyi nyɔmɔ. Shi kɛji nɔtsɛ lɛ kpɔ̃ɔɔ ekooloo lɛ, no lɛ ahɔ̃ɔ lɛ yɛ jara ni awo lɛ kɛkɛ naa.

3 Mose 27:31

Kɛji mɔ ko sumɔ akɛ ekpɔ̃ egbɛfaŋ nibii lɛ mlijaa nyɔŋma mli ekome lɛ eko lɛ, no lɛ ekɛ mlijaa enumɔ mli ekome agbe yi kɛwo nyɔmɔ.

3 Mose 4:20

Bɔ ni efee esha afɔle tsinanuu lɛ loo lɛ, nakai pɛpɛɛpɛ efee tsinanuu nɛɛ hu loo lɛ, koni ekpãtã ehã maŋ lɛ koni akɛ amɛtɔ̃mɔ lɛ afa amɛ.

3 Mose 4:26

Eshã too kpakpo lɛ mli fɔ lɛ fɛɛ yɛ afɔleshãa latɛ lɛ nɔ, tamɔ bɔ ni eshã naanyobɔɔ afɔlei akooloi lɛ amli fɔ lɛ koni kɛtsɔ nɛkɛ gbɛ nɔ lɛ osɔfo lɛ akpãtã ahã lɛ yɛ etɔ̃mɔ lɛ hewɔ, ni akɛbaafa lɛ.

3 Mose 5:10

Loofɔlɔ ni ji enyɔ lɛ ekɛfee shãa afɔle yɛ gbɛnaa ni ato lɛ naa; koni osɔfo lɛ akpãtã ahã lɛ yɛ esha ni efee lɛ hewɔ koni akɛfa lɛ.

3 Mose 5:13

Osɔfo lɛ afee nɛkɛ koni ekɛkpãtã ehã mɔ ni efee esha lɛ, ni akɛ esha ni efee yɛ enɛɛmɛi eko gbɛfaŋ lɛ aaafa lɛ. Afɔle lɛ nɔ ni eshwɛ lɛ, osɔfo lɛ nɔ ni, tamɔ bɔ ni eyɔɔ yɛ ŋmãa afɔle gbɛfaŋ lɛ.

3 Mose 5:6

ni ekɛ esɔ̃ afɔle abahã Yehowa yɛ esha ni efee lɛ hewɔ. Ekɛ gwantɛŋ loo too abotia yoo aba, koni osɔfo lɛ akpãtã ahã lɛ yɛ esha ni efee lɛ hewɔ.

3 Mose 7:2

Kooloo ni akɛbaashã sɔ̃ afɔle lɛ agbe lɛ yɛ he ni agbeɔ kooloo ni akɛshãa shãa afɔle lɛ yɛ lɛ nɔŋŋ. Kooloo lɛ lá lɛ afɔse ashwie afɔleshãa latɛ lɛ koji ejwɛ lɛ fɛɛ he.

4 Mose 5:7

no lɛ ejaje esha ni efee lɛ, ni eto mɔ ni efee lɛ esha lɛ najiaŋ; asaŋ ekɛ nii ni ekɛtoɔ mɔ lɛ najiaŋ lɛ mlijaa enumɔ mli ekome afata he ehã mɔ lɛ.

4 Mose 5:8

Shi kɛji mɔ nɔ ni atɔ̃ lɛ egbo, ni anaaa ewekunyo ko ni bɛŋkɛ lɛ koni akɛ najiaŋtoo nii lɛ ahã mɔ lɛ lɛ, no lɛ najiaŋtoo nii lɛ atsɔ Yehowa nɔ, ni akɛhã osɔfo lɛ; esoro ojwɛni ni tɔ̃lɔ lɛ baahã koni akɛshã afɔle ekɛdãi efɔŋ ni efee lɛ.

Luka 19:8

Shi Zakeo ho damɔ shi ni ekɛɛ Nuŋtsɔ lɛ akɛ, “Nuŋtsɔ, naa, miiŋɔ minii fã make ohiafoi, ni kɛji mikɛ yaka naafolɔmɔ eshɔ̃ mɔ ko nɔ ko yɛ edɛŋ lɛ, miiku mabɔ he toi ejwɛ mahã lɛ.”

Bɔfoi 26:20

shi moŋ mijaje mitsɔ̃ɔ mɛi ni yɔɔ Damasko lɛ tsutsu, kɛ mɛi ni yɔɔ Yerusalɛm kɛ Yuda shikpɔŋ lɛ nɔ fɛɛ, kɛ jeŋmaji lɛ hu akɛ amɛtsake amɛtsui ni amɛkpale kɛba Nyɔŋmɔ ŋɔɔ ni amɛtsu nii ni sa tsuitsakemɔ.

1 Samuel 6:3

Osɔfoi lɛ to he akɛ, “Kɛji nyɛmiikpale Israel Nyɔŋmɔ lɛ Kpãŋmɔ Adeka lɛ kɛya lɛ, nyɛkahãa akɛ adeka lɛ miiyaa efolo. Ja nyɛkɛ afɔle fata he kɛtee nyɛyahã Israel Nyɔŋmɔ lɛ akɛ nyɛye sɔ̃; no dani nyɛhe aaatã, ni asaŋ nyɛaale nɔ hewɔ ni ekpako nyɛ piŋmɔ lɛ.”