3 Mose 5:15 - ŊMALƐ KRƆŊKRƆŊ LƐ

¹⁵ “Kɛji oniai krɔŋkrɔŋi ni atsuɔ ahãa Yehowa lɛ mɔ ko hãaa egbɛfaŋnɔ, ni no ehã eye sɔ̃ ni eleee lɛ, no lɛ esɔ̃ afɔle ni ekɛbaahã Yehowa nɛ: etoi lɛ ateŋ too ojwɛni ni he bɛ kpa ko. Too lɛ jara adamɔ he krɔŋkrɔŋ lɛ shika jara nɔ, ni akɛfee sɔ̃ afɔle.

Ṅmãle̱ Kroṅkroṅ Le̱

¹⁵ Ke̱dši moko tõ tomo̱ ko, ni elee be ní efe eša ko ye̱ Iehowa nii kroṅkroṅi le̱ agbe̱fãṅ le̱, no le̱ esõ-afo̱le ní eke̱-babã Iehowa ne̱: tōi le̱ ateṅ tōagbo ní he be̱ kpa ko, bo̱ni oobu nā ohã ye̱ dſie̱te̱i šekel mli ye̱ hekroṅkroṅ šekel le̱ nā, ni ake̱-fe sõ-afo̱le.

3 Mose 5:15 ပူးပေါင်းရင်းမြစ်များ

2 Maŋtsɛmɛi 12:16

Shi shika ni anaa kɛjɛɔ sɔ̃ afɔle kɛ esha afɔle lɛ mli lɛ, akɛ nomɛi baaa Yehowa we lɛ, nomɛi lɛ osɔfoi lɛ anɔ ni.

Ezra 10:19

Amɛwo shi akɛ amɛaashwie amɛŋamɛi lɛ. Amɛfɔ ni amɛye hewɔ lɛ amɛhã ojwɛni koni akɛshã sɔ̃ afɔle.

2 Mose 30:13

Ni too ni áye lɛ nɛ: mɔ fɛɛ mɔ ni aaakane lɛ lɛ awo jwiɛtɛi shekel fã yɛ He Krɔŋkrɔŋ lɛ shekel lɛ tsiimɔ naa akɛ shidaa afɔle ni akɛhãa mi, Yehowa. (Shekel kome feo gerai nyɔŋmai enyɔ.)

Ezekiel 40:39

Okpɔlɔi enyɔ mamɔ agbo lɛ koi lɛ fã kome lɛ mli, ni okpɔlɔi enyɔ mamɔ afã kroko lɛ hu mli. Okpɔlɔi nɛɛ anɔ agbeɔ kooloo ni akɛshãa shãa afɔle kɛ esha afɔle kɛ sɔ̃ he afɔlei lɛ yɛ.

3 Mose 1:10

“Shi kɛji too gwantɛŋ loo abotia mɔ lɛ kɛbaa ebashã shãa afɔle lɛ, ehiɛ gwantɛŋ nuu loo abotia nuu ni kpa ko bɛ ehe kɛba.

3 Mose 1:3

Kɛji tsina ekɛbaa afɔleshãa lɛ, ehiɛ tsinanuu ni kpa ko bɛ ehe ebahã. Ekɛ kooloo lɛ aba Kpee Buu lɛ shinaa lɛ naa koni Yehowa ahe efɔle lɛ.

3 Mose 14:12

Emɔ gwantɛŋbii lɛ ateŋ ekome ekɛbahã akɛ sɔ̃ afɔle kɛ mu lita mlijai etɛ̃ mli ekome lɛ hu, koni ekɛba Yehowa hiɛ akɛ keenii titri ko.

3 Mose 27:3

Nuu ni eye kɛjɛ afii nyɔŋmai enyɔ kɛyashi afii nyɔŋmai ekpaa lɛ, eyi jara afee jwiɛtɛi shekeli nyɔŋmai enumɔ.

3 Mose 4:2

ekɛɛ Israelbii lɛ akɛ kɛji mɔ ko tɔ̃ akpɔi kɛ kitãi ni Yehowa ewo lɛ eko nɔ, ni efee nɔ ni ekɛɛ akɛ akafee lɛ eko be mli ni mɔ lɛ hiɛ kãaa he lɛ, nɔ ni afee nɛ:

3 Mose 5:14

Yehowa kɛ Mose wie ni ekɛɛ lɛ akɛ,

3 Mose 5:16

Mɔ ni efee esha yɛ onia krɔŋkrɔŋ ko gbɛfaŋ lɛ ato onia ni ehãaa lɛ najiaŋ, ni ekɛ mlijaa enumɔ mli ekome afata he. Ekɛhã osɔfo lɛ. Osɔfo lɛ kɛ too ojwɛni lɛ akpãtã akɛ sɔ̃ afɔle ahã lɛ, koni akɛ esha ni efee lɛ afa lɛ.

3 Mose 5:18

Emɔ too ojwɛni ni kpa ko bɛ ehe yɛ etoi lɛ ateŋ. Abu naa, ni ejara afee sɔ̃ afɔle jara, koni ekɛbahã osɔfo lɛ. Osɔfo lɛ akpãtã ahã lɛ yɛ esha ni efee ni eleee lɛ hewɔ, ni akɛbaafa lɛ.

3 Mose 6:6

Esɔ̃ afɔle ni ekɛbaahã osɔfo lɛ ni akɛhã Yehowa lɛ nɛ: etoi lɛ ateŋ too ojwɛni ni kpa ko bɛ ehe; ejara afee bɔ ni bo oootsɔ̃ɔ.

3 Mose 7:1

Sɔ̃ afɔle he mla nɛ. Eji afɔle ni he tse krɔŋkrɔŋ fe fɛɛ.

3 Mose 7:6

Nuu fɛɛ nuu ni jɛ osɔfoi ateŋ aye eko; eye yɛ he ni yɔɔ krɔŋkrɔŋ; afɔle ni yɔɔ krɔŋkrɔŋ naakpa ni.

4 Mose 15:24

ni atɔ̃ tɔ̃mɔ ko, yɛ leee ni asafo lɛ leee hewɔ lɛ, no lɛ asafo muu lɛ fɛɛ ahiɛ amɛdɛŋ tsina oblanyo kome koni amɛkɛshã shãa afɔle amɛkɛhã mi, akɛ afɔle ni jeɔ ŋma woɔ mi, Yehowa. Akɛ niyenii kɛ dãa afɔle hu bɔ ni afo akɛ kusum lɛ afata he. Too kpakpo kome hu afata he koni akɛshã esha lɛ hefaikpamɔ afɔle.

4 Mose 5:5

Yehowa kɛɛ Mose akɛ,

4 Mose 5:8

Shi kɛji mɔ nɔ ni atɔ̃ lɛ egbo, ni anaaa ewekunyo ko ni bɛŋkɛ lɛ koni akɛ najiaŋtoo nii lɛ ahã mɔ lɛ lɛ, no lɛ najiaŋtoo nii lɛ atsɔ Yehowa nɔ, ni akɛhã osɔfo lɛ; esoro ojwɛni ni tɔ̃lɔ lɛ baahã koni akɛshã afɔle ekɛdãi efɔŋ ni efee lɛ.

5 Mose 12:26

Shi nyɛnikeenii krɔŋkrɔŋi lɛ kɛ nyɛshiwoonii lɛ, nyɛkɛyaa he ni Yehowa eŋɔ akɛ aja lɛ yɛ lɛ,

1 Samuel 6:3

Osɔfoi lɛ to he akɛ, “Kɛji nyɛmiikpale Israel Nyɔŋmɔ lɛ Kpãŋmɔ Adeka lɛ kɛya lɛ, nyɛkahãa akɛ adeka lɛ miiyaa efolo. Ja nyɛkɛ afɔle fata he kɛtee nyɛyahã Israel Nyɔŋmɔ lɛ akɛ nyɛye sɔ̃; no dani nyɛhe aaatã, ni asaŋ nyɛaale nɔ hewɔ ni ekpako nyɛ piŋmɔ lɛ.”