3 Mose 5:13 - ŊMALƐ KRƆŊKRƆŊ LƐ

¹³ Osɔfo lɛ afee nɛkɛ koni ekɛkpãtã ehã mɔ ni efee esha lɛ, ni akɛ esha ni efee yɛ enɛɛmɛi eko gbɛfaŋ lɛ aaafa lɛ. Afɔle lɛ nɔ ni eshwɛ lɛ, osɔfo lɛ nɔ ni, tamɔ bɔ ni eyɔɔ yɛ ŋmãa afɔle gbɛfaŋ lɛ.

Ṅmãle̱ Kroṅkroṅ Le̱

¹³ Ni oso̱fo le̱ akpãtã ahãle̱ ye̱ eša ní efe ye̱ ene̱mei eko gbe̱fãṅ le̱ hewo̱, ni aaṅõ-fale̱. Ni [noni eſe̱ le̱] atšṍ oso̱fo le̱ nõ *tamo̱ niyenii-afo̱le le̱. *2,8.

3 Mose 5:13 ပူးပေါင်းရင်းမြစ်များ

Hosea 4:8

Amɛtsɔ̃ esha ni mimɛi lɛ feɔ lɛ nɔ amɛna nii, ni no hewɔ lɛ, amɛshweɔ akɛ mɛi aya nɔ afee esha.

3 Mose 2:10

Niyenii afɔle lɛ mli nɔ ni shwɛɔ yɛ nɔ ni ashã lɛ sɛɛ lɛ Aaron kɛ ebihii lɛ anɔ ni. Eji nɔ ni yɔɔ krɔŋkrɔŋ jogbaŋŋ diɛŋtsɛ, ejaakɛ afɔlei ni ashãa ahãa Yehowa mli eko ni.

3 Mose 2:3

Niyenii afɔle lɛ mli nɔ ni shwɛɔ yɛ nɔ ni ashãa lɛ sɛɛ lɛ Aaron kɛ ebihii lɛ anɔ ni; eji nɔ ni yɔɔ krɔŋkrɔŋ jogbaŋŋ diɛŋtsɛ, ejaakɛ afɔle ni ashãa ahãa Yehowa lɛ eko ni.

3 Mose 4:20

Bɔ ni efee esha afɔle tsinanuu lɛ loo lɛ, nakai pɛpɛɛpɛ efee tsinanuu nɛɛ hu loo lɛ, koni ekpãtã ehã maŋ lɛ koni akɛ amɛtɔ̃mɔ lɛ afa amɛ.

3 Mose 4:26

Eshã too kpakpo lɛ mli fɔ lɛ fɛɛ yɛ afɔleshãa latɛ lɛ nɔ, tamɔ bɔ ni eshã naanyobɔɔ afɔlei akooloi lɛ amli fɔ lɛ koni kɛtsɔ nɛkɛ gbɛ nɔ lɛ osɔfo lɛ akpãtã ahã lɛ yɛ etɔ̃mɔ lɛ hewɔ, ni akɛbaafa lɛ.

3 Mose 4:31

Ejie too lɛ mli fɔ lɛ fɛɛ tamɔ ajieɔ shidaa afɔlei akooloi amli fɔ lɛ, ni eshã fɔ lɛ yɛ afɔleshãa latɛ lɛ nɔ koni eje ŋma ewo Yehowa, koni osɔfo lɛ akpãtã ehã lɛ, ni akɛ etɔ̃mɔ lɛ baafa lɛ.

3 Mose 5:10

Loofɔlɔ ni ji enyɔ lɛ ekɛfee shãa afɔle yɛ gbɛnaa ni ato lɛ naa; koni osɔfo lɛ akpãtã ahã lɛ yɛ esha ni efee lɛ hewɔ koni akɛfa lɛ.

3 Mose 5:12

Ekɛba osɔfo lɛ ŋɔɔ. Osɔfo lɛ atĩ ekɔkɔ obɔ̃ ekɛfee afɔle lɛ mli eko ni akɛkaiɔ Yehowa yɛ afɔle muu lɛ fɛɛ he, koni eshã yɛ afɔleshãa latɛ ni ashãa ŋmãa afɔlei yɛ nɔ ahãa Yehowa lɛ nɔ. Esha afɔle ni.

3 Mose 5:14

Yehowa kɛ Mose wie ni ekɛɛ lɛ akɛ,

3 Mose 5:16

Mɔ ni efee esha yɛ onia krɔŋkrɔŋ ko gbɛfaŋ lɛ ato onia ni ehãaa lɛ najiaŋ, ni ekɛ mlijaa enumɔ mli ekome afata he. Ekɛhã osɔfo lɛ. Osɔfo lɛ kɛ too ojwɛni lɛ akpãtã akɛ sɔ̃ afɔle ahã lɛ, koni akɛ esha ni efee lɛ afa lɛ.

3 Mose 5:4

Kɛji mɔ ko eyakwɛɛɛ jogbaŋŋ ni ekã kitã akɛ eeefee efɔŋ loo ekpakpa ko tamɔ bɔ ni mɛi kãa kitã ni amɛjwɛŋŋ he lɛ, kɛ fee sɛɛ ni ebale lɛ, nɔ fɛɛ nɔ ni ji lɛ eyeɔ sɔ̃ yɛ mli.

3 Mose 5:5

Kɛji mɔ ko ye sɔ̃ yɛ nii nɛɛ eko he lɛ, no lɛ ejaje esha ni efee lɛ

3 Mose 5:6

ni ekɛ esɔ̃ afɔle abahã Yehowa yɛ esha ni efee lɛ hewɔ. Ekɛ gwantɛŋ loo too abotia yoo aba, koni osɔfo lɛ akpãtã ahã lɛ yɛ esha ni efee lɛ hewɔ.

3 Mose 7:6

Nuu fɛɛ nuu ni jɛ osɔfoi ateŋ aye eko; eye yɛ he ni yɔɔ krɔŋkrɔŋ; afɔle ni yɔɔ krɔŋkrɔŋ naakpa ni.

1 Korintobii 9:13

Ani nyɛleee akɛ mɛi ni tsuɔ nii yɛ Sɔlemɔ we lɛ, Sɔlemɔ wenii lɛ eko nɔŋŋ amɛyeɔ? Ni mɛi ni sɔmɔɔ yɛ afɔleshãa latɛ lɛ he lɛ, afɔleshãa latɛ lɛ nɔ nii lɛ eko nɔŋŋ amɛnaa?

1 Samuel 2:28

Ni miŋɔ otsɛ we lɛ yɛ Israel akutsei lɛ fɛɛ ateŋ koni eye osɔfo ehã mi, ni esɔmɔ mi yɛ afɔleshãa latɛ lɛ naa, ni eshã tsofakɛŋma ehã mi, ni ewo efod lɛ kɛsɔmɔ mi. Ni no hewɔ lɛ, miŋɔ afɔlei fɛɛ ni akɛ la shãa mihã lɛ.