3 Mose 5:11 - ŊMALƐ KRƆŊKRƆŊ LƐ

¹¹ Shi kɛji enyɛɛɛ kosɛɛ okpoi enyɔ loo okpobii enyɔ ehã lɛ, no lɛ ekɛ mã kilo kome aba akɛ esha afɔle yɛ esha ni efee lɛ hewɔ. Ekɛ mu akawo mli, ni ekɛ ohɛ hu akafɔ̃ nɔ, ejaakɛ esha afɔle ni.

Ṅmãle̱ Kroṅkroṅ Le̱

¹¹ Ši ke̱dši ebe̱ kose̱-okpoi enyo̱ lo okpobii enyo̱ le̱ hũ yinii le̱, noni eke̱-bahã ye̱ eša ní efe le̱ hewo̱ ne̱: mā efa mlidšāi nyoṅma mli ekome ní ake̱-fe eša-afo̱le; *ekaṅõ mū ewo mli, ni ekaṅõ kro̱bo̱o efõ no̱, edšake̱ eša-afo̱le ni. *2,1.

3 Mose 5:11 ပူးပေါင်းရင်းမြစ်များ

2 Mose 16:18

Shi be ni akɛ tsenesa yaasusu lɛ, mɔ ni kɔlɔ pii lɛ enaaa eko yɛ sɛɛ, ni mɔ ni kɔlɔ fioo hu eshwɛɛɛ lɛ eko dani ashɛ. Mɔ fɛɛ mɔ na bɔ ni eeenyɛ eye.

2 Mose 16:36

(“Gomer” loo tsenesa kome feɔ “efa” loo yiteremɔ mlijaa nyɔŋma mli ekome.)

3 Mose 1:14

“Shi kɛji loofɔlɔ mɔ lɛ kɛbaa ebashã shãa afɔle ehã Yehowa lɛ, no lɛ ehiɛ kosɛɛ okpo loo shĩa okpo pɛmpɛoo.

3 Mose 12:8

“Shi kɛji yoo lɛ naaa too gwantɛŋbi yinii lɛ, no lɛ ekɛ kosɛɛ okpoi enyɔ loo shĩa okpoi enyɔ aba. Akɛ ekome ashã shãa afɔle, koni akɛ ekome hu ashã esha afɔle. Osɔfo lɛ akpãtã ahã lɛ, ni ehe aaatse yɛ lá ni hoɔ lɛ gbɛfaŋ.”

3 Mose 14:21

Shi kɛ eji ohiafo ni enaaa enɛɛmɛi lɛ, no lɛ ekɛ gwantɛŋbi kome aba akɛ sɔ̃ afɔle, keenii titri ko ni akɛkpãtã ahã lɛ ni. Ekɛ ŋmãa mamu kilo kome ni awo mli mu hu aba akɛ niyenii afɔle, kɛ mu lita mlijai etɛ̃ mli ekome.

3 Mose 27:8

“Kɛji mɔ ni wo shi lɛ ohiafo ni, ni enyɛɛɛ jara ni afo lɛ ewo lɛ, no lɛ ekpala gbɔmɔ ni ejɔɔ enɔ eke Yehowa lɛ kɛya osɔfo lɛ hiɛ koni osɔfo lɛ awo egbɔmɔ lɛ yi jara. Osɔfo lɛ adamɔ bɔ ni mɔ ni wo shi lɛ aaana ahã nɔ kɛwo jara lɛ.

3 Mose 5:12

Ekɛba osɔfo lɛ ŋɔɔ. Osɔfo lɛ atĩ ekɔkɔ obɔ̃ ekɛfee afɔle lɛ mli eko ni akɛkaiɔ Yehowa yɛ afɔle muu lɛ fɛɛ he, koni eshã yɛ afɔleshãa latɛ ni ashãa ŋmãa afɔlei yɛ nɔ ahãa Yehowa lɛ nɔ. Esha afɔle ni.

3 Mose 5:6

ni ekɛ esɔ̃ afɔle abahã Yehowa yɛ esha ni efee lɛ hewɔ. Ekɛ gwantɛŋ loo too abotia yoo aba, koni osɔfo lɛ akpãtã ahã lɛ yɛ esha ni efee lɛ hewɔ.

3 Mose 5:9

Etsɔ esha afɔle lɛ lá lɛ eko eshwã afɔleshãa latɛ lɛ he. Lá ni baashwɛ lɛ etsi eshwie afɔleshãa latɛ lɛ shishi. Afɔle ni akɛjieɔ esha kɛyaa ji no.

3 Mose 6:20

“Gbi nɔ ni afɔɔ Aaron loo eshwie ko mu akɛ osɔfo lɛ, ekɛ ŋmãa mamu kilo kome aba abahã Yehowa tamɔ daa ŋmãa afɔle lɛ nɔŋŋ. Akɛ fã aba leebi, ni akɛfã hu aba gbɛkɛ.

4 Mose 5:15

nuu lɛ kɛ eŋa lɛ aba osɔfo lɛ ŋɔɔ. Nuu lɛ ahiɛ akoko mamu kilo kome hu kɛba. Ekɛ mu akashwie mamu lɛ nɔ, ni ekɛ krɔbɔo hu akafɔ̃ nɔ, ejaakɛ eji awuŋayeli he niyenii afɔle ni akɛmiitao anɔkwale lɛ ale.’

4 Mose 7:13

Enikeenii lɛ fee jwiɛtɛi plɛte kome ni tsiimɔ ji shekeli oha kɛ nyɔŋmai etɛ̃, kɛ jwiɛtɛi okpolu hu kome ni tsiimɔ ji shekeli nyɔŋmai kpawo yɛ He Krɔŋkrɔŋ lɛ niŋmɛɛ tɛ naa. Plɛte lɛ kɛ okpolu lɛ fɛɛ eyimɔ obɔ̃bɔ̃ kɛ ŋmãa mamu ni awo mli fɔ koni akɛshã niyenii afɔle.

Luka 2:24

ni amɛyashã afɔle tamɔ bɔ ni akɛɛ yɛ Nuŋtsɔ lɛ Mla lɛ mli akɛ, “Kosɛɛ okpoi enyɔ loo shĩa okpoi bibii enyɔ” lɛ.

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Hebribii 9:22

Ni shwɛ fioo ni lá akɛtsuuɔ nii fɛɛ he yɛ Mla lɛ naa; ni kɛ ashwieee lá shi lɛ, akɛfaaa.