3 Mose 4:4 - ŊMALƐ KRƆŊKRƆŊ LƐ

⁴ Ekɛ tsinanuu lɛ aba Kpee Buu lɛ shinaa lɛ naa yɛ Yehowa hiɛ; ekɛ enine afɔ̃ tsinanuu lɛ yiteŋ ni egbe lɛ.

Ṅmãle̱ Kroṅkroṅ Le̱

⁴ Ni eke̱ tšinanū le̱ aba kpē-bū šĩnā le̱ ši ye̱ Iehowa hĩe, ni eṅõ enine efo tšinanū le̱ yiteṅ, ni egbele̱ ye̱ Iehowa hĩe.

3 Mose 4:4 ပူးပေါင်းရင်းမြစ်များ

2 Kronika 29:23

Kɛkɛ ni agbɛnɛ amɛmɔmɔ too kpakpoi lɛ, ni amɛkɛ amɛ ba maŋtsɛ lɛ kɛ maŋbii ni yɔɔ jɛi lɛ aŋɔɔ, ni amɛkɛ amɛniji shwieshwie kooloi lɛ anɔ.

Yesaia 53:6

Wɔ fɛɛ tswɛm wɔtamɔ toi ni edu gbɛ. Wɔteŋ mɔ fɛɛ mɔ ekɔ lɛ diɛŋtsɛ egbɛ, ni Yehowa kɛ wɔ fɛɛ wɔnɔsha lɛ fɔ̃ enɔ.

Daniel 9:26

Nɛkɛ be nɛɛ naagbee mli lɛ, abaagbe hiɛnyiɛlɔ ni Nyɔŋmɔ efɔ lɛ mu lɛ trukaa, ni enaŋ mɔ ko; ni lumɔ ni baa abaye nɔ lɛ webii lɛ baafite Yerusalɛm maŋ lɛ kɛ He Krɔŋkrɔŋ lɛ. Ta kɛ nibii ahiɛkpãtãmɔ baaba tamɔ nu afua yɛ be lɛ naagbee nɛɛ mli, tamɔ bɔ ni Nyɔŋmɔ ewo shi eto lɛ.

3 Mose 16:21

Ekɛ eniji enyɔ lɛ fɛɛ ashwie too kpakpo ni hiɛ kã lɛ yiteŋ, ni ejaje Israelbii lɛ atɔ̃mɔi kɛ amɛmla tɔ̃mɔi ni ji amɛhe eshai lɛ fɛɛ eshwie too kpakpo lɛ yiteŋ. Etu lɛ ewo nuu ko ni mɛɔ yɛ jɛi lɛ dɛŋ koni eyaŋmɛɛ ehe ni eya ŋa lɛ nɔ.

3 Mose 4:15

Maŋ onukpai lɛ kɛ amɛniji ashwie tsina lɛ yiteŋ yɛ Yehowa hiɛ, ni agbe tsina lɛ yɛ Yehowa hiɛ.

3 Mose 4:29

Ekɛ enine aŋmɛ esha afɔle too lɛ yiteŋ, ni egbe too lɛ yɛ he ni agbeɔ shãa afɔle kooloi lɛ yɛ lɛ.

3 Mose 8:14

Kɛkɛ ni Mose kɛ tsinanuu ni akɛshãa esha afɔle lɛ ba. Aaron kɛ ebihii lɛ kɛ amɛniji shwie esha afɔle tsinanuu lɛ yiteŋ.

4 Mose 8:12

Levibii lɛ kɛ amɛniji ashwie tsinahii lɛ ayiteŋ; ni okɛ ekome ashã esha he afɔle, ni okɛ ekome hu ashã shãa afɔle okɛhã Yehowa koni okɛkpãtã ohã Levibii lɛ.

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.