3 Mose 4:34 - ŊMALƐ KRƆŊKRƆŊ LƐ

³⁴ Osɔfo lɛ kɛ ewao atsɔ esha afɔle kooloo lɛ lá lɛ mli, ni ekɛ lá lɛ adiki shãa afɔle afɔleshãa latɛ lɛ koji lɛ ahe. Enɛ sɛɛ lɛ etsi lá ni eshwɛ lɛ fɛɛ eshwie afɔleshãa latɛ lɛ shishi.

Ṅmãle̱ Kroṅkroṅ Le̱

³⁴ Ni oso̱fo le̱ ke̱ ewao atšo̱ eša-afo̱le lá le̱ eko, ni ediki afo̱lešãlate̱ le̱ kodši le̱, ni etši lá ní eſe̱ le̱ fẽ eſie afo̱lešãlate̱ le̱ šiši.

3 Mose 4:34 ပူးပေါင်းရင်းမြစ်များ

Yesaia 42:21

Esa Yehowa hiɛ, yɛ ejalɛ lɛ hewɔ akɛ egbala mla lɛ mli koni ehã mla lɛ hiɛ aba nyam.

3 Mose 4:18

Ekɛ lá lɛ eko adiki tsofakɛŋma afɔleshãa latɛ ni yɔɔ Yehowa hiɛ, yɛ Kpee Buu lɛ mli, lɛ koji lɛ ahe. Enɛ sɛɛ lɛ etsi tsinanuu lɛ lá ni eshwɛ lɛ fɛɛ eshwie shãa afɔleshãa latɛ ni yɔɔ Kpee Buu lɛ shinaa lɛ naa lɛ shishi.

3 Mose 4:25

Agbɛnɛ osɔfo lɛ kɛ ewao atsɔ esha afɔle too lɛ lá lɛ mli, ni ekɛ lá lɛ adiki shãa afɔle afɔleshãa latɛ lɛ koji lɛ ahe. Enɛ sɛɛ lɛ etsi la ni eshwɛ lɛ fɛɛ eshwie shãa afɔle afɔleshãa latɛ lɛ shishi.

3 Mose 4:30

Osɔfo lɛ kɛ ewao atsɔ too lɛ lá lɛ mli, ni ekɛ lá lɛ adiki shãa afɔle afɔleshãa latɛ lɛ koji lɛ ahe. Enɛ sɛɛ lɛ etsi lá ni eshwɛ lɛ fɛɛ eshwie afɔleshãa latɛ lɛ shishi.

3 Mose 4:7

Osɔfonukpa lɛ kɛ lá lɛ eko adiki tsofakɛŋmashãa latɛ ni yɔɔ Yehowa hiɛ yɛ Kpee Buu lɛ mli lɛ koji lɛ ahe. Enɛ sɛɛ lɛ etsi tsinanuu lɛ lá ni eshwɛ lɛ fɛɛ eshwie afɔleshãa latɛ ni yɔɔ Kpee Buu lɛ shinaa lɛ naa lɛ shishi.

Yohane 17:19

Ni amɛhewɔ mi diɛŋtsɛ mifeɔ mihe krɔŋkrɔŋ lɛ, koni amɛ hu afee amɛ krɔŋkrɔŋ yɛ anɔkwale mli.”

Romabii 10:4

Ejaakɛ Kristo ji Mla lɛ naagbee, ni lɛ ji jalɛ hã mɔ fɛɛ mɔ ni heɔ yeɔ lɛ.

Romabii 8:1

No hewɔ lɛ, agbɛnɛ fɔ ko fɔ ko bɛ ni abaabu mɛi ni yɔɔ Kristo Yesu mli lɛ.

Romabii 8:3

Ejaakɛ nɔ ni Mla lɛ nyɛɛɛ afee yɛ gbedemɔ ni heloo lɛ ehã egbede hewɔ lɛ, no Nyɔŋmɔ fee: etsu lɛ diɛŋtsɛ eBi lɛ yɛ su ni tamɔ esha heloo su mli, yɛ esha hewɔ; ni ebu esha lɛ fɔ yɛ heloo lɛ mli,

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Hebribii 10:29

Belɛ gbɔmɔ ko ni enaanaa Nyɔŋmɔ Bi lɛ nɔ ni ebu kpãŋmɔ lá ni akɛtsuu ehe lɛ akɛ yaka nɔ ko, ni efee dromɔ Mumɔ lɛ niseniianii lɛ, te nyɛsusuɔ akɛ toigbalamɔ ni sa lɛ mli baawa tɛŋŋ?

Hebribii 2:10

Ejaakɛ esa Nyɔŋmɔ mɔ hewɔ ni nii fiaa yɔɔ kɛ mɔ nɔ ni tsɔ̃ ni nii fiaa yɔɔ lɛ akɛ, bɔ ni afee ni eŋɔ bii babaoo kɛba anunyam mli lɛ, ehã amɛyiwalaheremɔ Tatsɛnukpa lɛ atsɔ̃ amanehului amli ahi kɛwula shi.

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.