3 Mose 4:32 - ŊMALƐ KRƆŊKRƆŊ LƐ

³² Kɛji mɔ ko kɛ gwantɛŋ miiba abashã esha afɔle lɛ, ekɛ gwantɛŋyoo ni kpa ko bɛ ehe aba.

Ṅmãle̱ Kroṅkroṅ Le̱

³² Ši ke̱dši eke̱ tōgwanteṅ mība abašã eša-afo̱le le̱, eṅõ yō ní kpa ko be̱ ehe ke̱-ba,

3 Mose 4:32 ပူးပေါင်းရင်းမြစ်များ

2 Mose 12:3

Nyɛkɛ Israelbii lɛ fɛɛ awie akɛ, Nyɔɔŋ nɛɛ nɔ gbi ni ji nyɔŋma lɛ, Israelbii fɛɛ amɔmɔ toobi kome kome yɛ amɛtsɛmɛi awei lɛ anaa, shĩa fɛɛ shĩa lɛ toobi kome.

2 Mose 12:5

Nyɛŋɔa toobi ni kpa bɛ ehe, nuu ni eye afi, yɛ too gwantɛŋi loo too abotiai lɛ ateŋ.

Yesaia 53:7

Afee lɛ niseniianii, ni apiŋ lɛ, kɛ̃lɛ etswaaa esɛŋ. Bɔ ni too gwantɛŋbi ni akɛ lɛ yaa ayagbe lɛ, loo too gwantɛŋbi feɔ dioo yɛ ehetsɔikulɔi ahiɛ lɛ, nakai etswaaa esɛŋ lɛ.

3 Mose 1:3

Kɛji tsina ekɛbaa afɔleshãa lɛ, ehiɛ tsinanuu ni kpa ko bɛ ehe ebahã. Ekɛ kooloo lɛ aba Kpee Buu lɛ shinaa lɛ naa koni Yehowa ahe efɔle lɛ.

3 Mose 4:28

kɛji ahã ele tɔ̃mɔ ni etɔ̃ lɛ nɔŋŋ lɛ, ekɛ abotia yoo ni kpa ko bɛ ehe aba ni ekɛbashã afɔle yɛ esha ni efee lɛ hewɔ.

3 Mose 5:6

ni ekɛ esɔ̃ afɔle abahã Yehowa yɛ esha ni efee lɛ hewɔ. Ekɛ gwantɛŋ loo too abotia yoo aba, koni osɔfo lɛ akpãtã ahã lɛ yɛ esha ni efee lɛ hewɔ.

Luka 1:35

Ni bɔfo lɛ to he ekɛɛ lɛ akɛ, “Mumɔ Krɔŋkrɔŋ aaaba onɔ. Ni Ŋwɛinyo lɛ hewalɛ aaabaha onɔ, No hewɔ lɛ, nakai bi krɔŋkrɔŋ lɛ hu ni ooofɔ lɛ, aaatsɛ lɛ Nyɔŋmɔ Bi.

Yohane 1:29

Enɔ jetsɛremɔ lɛ Yohane na Yesu miiba eŋɔɔ ni ekɛɛ, “Naa Nyɔŋmɔ Toobi lɛ ni woɔ je lɛ esha lɛ kɛyaa lɛ!

Yohane 1:36

ni be ni Yesu hoɔ lɛ, ekwɛ lɛ ni ekɛɛ, “Naa Nyɔŋmɔ Toobi lɛ!”

Efesobii 5:27

koni eŋɔ lɛ edamɔ shi ehã lɛ diɛŋtsɛ ehe akɛ anunyam asafo ni kpa ko loo nɔ kũaikũai ko loo nakai nɔ ko bɛ ehe, shi moŋ efee krɔŋkrɔŋ ni shwamɔ ko bɛ ehe lɛ.

Hebribii 7:26

Ejaakɛ Yesu lɛ Osɔfonukpa ni sa wɔ pɛ nɛ. Mɔ ni he tse, ni efɔŋ ko bɛ ehe, ni ehe bɛ kpa ko, ni etse ehe kɛjɛ esha he, ni awo enɔ ahã ekwɔ fe ŋwɛii.

Hebribii 9:14

enyiɛ nɔŋŋ ni Kristo ni tsɔ̃ naanɔ Mumɔ lɛ nɔ eŋɔ ehe ni kpa ko bɛ he lɛ ehã Nyɔŋmɔ akɛ afɔle lɛ lá lɛ tsumɔŋ wɔhenilee lɛ he kɛjɛŋ nitsumɔi gbohii amli, koni wɔsɔ̃mɔ Nyɔŋmɔ hiɛkãalɔ lɛ?

1 Petro 2:22

Lɛ mɔ ni efeee esha ni asaŋ anaaa shishiumɔ yɛ edaaŋ lɛ.

1 Petro 2:24

Kristo diɛŋtsɛ etere wɔhe eshai lɛ yɛ egbɔmɔtso lɛ mli kɛtee sɛŋmɔtso lɛ nɔ, koni wɔfee tamɔ mɛi ni egboi yɛ esha gbɛfaŋ ni wɔhiɛ akamɔ yɛ jalɛ gbɛfaŋ lɛ; lɛ ehe faji akɛtsa nyɛ lɛ.

1 Petro 3:18

Ejaakɛ Kristo hu na amanehulu yɛ eshai ahewɔ shi kome, lɛ jalɔ lɛ yɛ mɛi ni ejaaa lɛ anajiaŋ, koni ekɛ wɔ aya Nyɔŋmɔ ŋɔɔ. Ni agbe lɛ yɛ heloo gbɛfaŋ moŋ, shi ahã lɛ wala yɛ mumɔ gbɛfaŋ.

Kpojiemɔ 5:6

Ni mikwɛ, ni naa, maŋtsɛ sɛ̃i lɛ kɛ hiɛkãalɔi ejwɛ lɛ teŋ kɛ onukpai nyɔŋmai enyɔ kɛ ejwɛ lɛ teŋ lɛ, Toobi ko damɔ shi tamɔ nɔ ni agbe lɛ, ni eyɛ akloŋtoi kpawo kɛ hiŋmɛii kpawo ni ji Nyɔŋmɔ mumɔi kpawo lɛ ni atsu kɛtee shikpɔŋ lɛ fɛɛ nɔ lɛ.