3 Mose 4:31 - ŊMALƐ KRƆŊKRƆŊ LƐ

³¹ Ejie too lɛ mli fɔ lɛ fɛɛ tamɔ ajieɔ shidaa afɔlei akooloi amli fɔ lɛ, ni eshã fɔ lɛ yɛ afɔleshãa latɛ lɛ nɔ koni eje ŋma ewo Yehowa, koni osɔfo lɛ akpãtã ehã lɛ, ni akɛ etɔ̃mɔ lɛ baafa lɛ.

Ṅmãle̱ Kroṅkroṅ Le̱

³¹ ni edšie efo̱ le̱ fẽ, tamo̱ bo̱ni adšieo̱ *šidā-afo̱le le̱ no le̱, ni oso̱fo le̱ ašã ye̱ afo̱lešãlate̱ le̱ no̱, ní edše ṅma ewo Iehowa; ni oso̱fo le̱ akpãtã ahãle̱, ni aṅõ-fale̱. *3,14. 15.

3 Mose 4:31 ပူးပေါင်းရင်းမြစ်များ

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

Ezra 6:10

koni amɛshã afɔlei ni jeɔ ŋma amɛhã ŋwɛi Nyɔŋmɔ lɛ, ni amɛkpa fai koni maŋtsɛ kɛ ebihii lɛ ayi ana wala.

Hiob 42:8

No hewɔ lɛ, agbɛnɛ nyɛmɔmɔa tsinahii kpawo kɛ ojwɛnii hu kpawo kɛyaa mitsulɔ Hiob ŋɔɔ koni nyɛkɛyashãa shãa afɔle nyɛhãa nyɛhe. Mitsulɔ Hiob baakpa fai ehã nyɛ ni mibabo efaikpamɔ lɛ toi, ni mikɛ nyɛ yeŋ yɛ nyɛkooloofeemɔ lɛ naa, ejaakɛ nyɛwieee mihe bɔ ni ja tamɔ Hiob fee lɛ.”

2 Mose 29:18

ni oma too ojwɛni muu lɛ fɛɛ naa la yɛ afɔleshãa latɛ lɛ nɔ. Eji afɔle ni akɛ la shãa ahãa mi, Yehowa; ni misumɔɔ eŋma lɛ.

Yesaia 42:21

Esa Yehowa hiɛ, yɛ ejalɛ lɛ hewɔ akɛ egbala mla lɛ mli koni ehã mla lɛ hiɛ aba nyam.

Yesaia 53:10

“Eji Yehowa yiŋtoo akɛ atswa lɛ nɔ, ni apila lɛ. Kɛji eŋɔ ehe eshã afɔle yɛ esha hewɔ lɛ, ebaana shwiei ni ewala sɛɛ aaatsɛ, ni kɛtsɔ̃ lɛ enɔ lɛ, nɔ ni sa Yehowa hiɛ lɛ aaashwere.

3 Mose 1:13

Shi mɔ lɛ kɛ nu afɔ kooloo lɛ mlinii lɛ kɛ enaji lɛ ahe. No sɛɛ lɛ, osɔfo lɛ ni tsuɔ nii nakai gbi lɛ kɛ nomɛi hu baashi nɔ, ni eshã kooloo muu lɛ fɛɛ yɛ afɔleshãa latɛ lɛ nɔ. Shãa afɔle ni: afɔle ni ashãa fɛɛ ni ejeɔ ŋma ewoɔ Yehowa ni.

3 Mose 1:17

Emɔ loofɔlɔ lɛ fiji lɛ amli koni egba loofɔlɔ lɛ mli, shi ekakpɔlɔ efiji lɛ. Osɔfo lɛ ashã loofɔlɔ lɛ yɛ lai lɛ nɔ yɛ afɔleshãa latɛ lɛ nɔ. Shãa afɔle ni: afɔle ni ashãa fɛɛ ni ejeɔ ŋma ewoɔ Yehowa ni.”

3 Mose 1:9

Nuu lɛ kɛ nu afɔ kooloo lɛ mlinii lɛ kɛ enaji lɛ ahe; ni osɔfo lɛ ashã kooloo muu lɛ fɛɛ yɛ afɔleshãa latɛ lɛ nɔ; shãa afɔle ni, afɔle ni akɛ la shãa kooloo lɛ fɛɛ ni. Afɔle nɛɛ jeɔ ŋma woɔ Yehowa.

3 Mose 14:18

Mu ni eshwɛ yɛ osɔfo lɛ dɛŋ lɛ, efɔse eshwie mɔ ni atsuuɔ ehe lɛ yiteŋ koni osɔfo lɛ akpãtã ahã lɛ yɛ Yehowa hiɛ.

3 Mose 15:15

Osɔfo lɛ kɛ ekome afee esha afɔle ni ekɛ ekome hu afee shãa afɔle, koni ekpãtã ehã lɛ yɛ Yehowa hiɛ yɛ nu ni hoɔ lɛ hewɔ.

3 Mose 19:22

Osɔfo lɛ kɛ ojwɛni ni ji sɔ̃ afɔle lɛ akpãtã ahã nuu lɛ yɛ Yehowa hiɛ yɛ esha ni efee lɛ hewɔ, ni akɛaafa lɛ.

3 Mose 2:2

koni ekɛbahã Aaron bihii osɔfoi lɛ. Osɔfo ni yɔɔ nitsumɔ nakai gbi lɛ nɔ lɛ akpiti mã lɛ kɛ mu lɛ ekɔkɔ obɔ̃ kɛ tsofakɛŋma lɛ fɛɛ koni ashã yɛ afɔleshãa latɛ lɛ nɔ akɛ afɔle muu ni akɛbahã Yehowa he odaseyeli nɔ. Eji shãa afɔle, ni ejeɔ ŋma ewoɔ Yehowa.

3 Mose 2:9

Osɔfo lɛ ajie niyenii afɔle lɛ mli eko, ni eshã yɛ afɔleshãa latɛ lɛ nɔ akɛ shãa afɔle muu lɛ ni akɛbahã Yehowa he odaseyeli nɔ.

3 Mose 4:19

Tsinanuu lɛ fɔ lɛ ejie fɛɛ, ni eshã yɛ afɔleshãa latɛ lɛ nɔ.

3 Mose 4:26

Eshã too kpakpo lɛ mli fɔ lɛ fɛɛ yɛ afɔleshãa latɛ lɛ nɔ, tamɔ bɔ ni eshã naanyobɔɔ afɔlei akooloi lɛ amli fɔ lɛ koni kɛtsɔ nɛkɛ gbɛ nɔ lɛ osɔfo lɛ akpãtã ahã lɛ yɛ etɔ̃mɔ lɛ hewɔ, ni akɛbaafa lɛ.

3 Mose 4:35

Ejie too lɛ mli fɔ lɛ fɛɛ tamɔ ajieɔ naanyobɔɔ afɔle gwantɛŋ lɛ mli fɔ lɛ koni eshã no kɛ niyenii afɔlei yɛ afɔleshãa latɛ lɛ nɔ ehã Yehowa. Ni osɔfo lɛ baakpãtã ahã lɛ, ni akɛ ehe esha lɛ baafa lɛ.

3 Mose 5:10

Loofɔlɔ ni ji enyɔ lɛ ekɛfee shãa afɔle yɛ gbɛnaa ni ato lɛ naa; koni osɔfo lɛ akpãtã ahã lɛ yɛ esha ni efee lɛ hewɔ koni akɛfa lɛ.

3 Mose 5:6

ni ekɛ esɔ̃ afɔle abahã Yehowa yɛ esha ni efee lɛ hewɔ. Ekɛ gwantɛŋ loo too abotia yoo aba, koni osɔfo lɛ akpãtã ahã lɛ yɛ esha ni efee lɛ hewɔ.

4 Mose 15:25

Osɔfo lɛ akpãtã ahã Israel asafo muu lɛ fɛɛ, ni akɛ tɔ̃mɔ lɛ aaafa amɛ, ejaakɛ amɛhiɛ kãaa he, ni asaŋ, tɔ̃mɔ lɛ hewɔ ni amɛhiɛ amɛdɛŋ shãa afɔle kɛ niyenii afɔle ni akɛhãa Yehowa lɛ.

Mateo 3:17

Ni naa, gbee ko jɛ ŋwɛi kɛɛ, “Mɔ nɛ ji misuɔmɔ Bi ni mina ehe tsui lɛ.”

Efesobii 5:2

Ni nyɛnyiɛa yɛ suɔmɔ mli, tamɔ bɔ ni Kristo hu sumɔ wɔ ni ekɛ lɛ diɛŋtsɛ ehe hã yɛ wɔhewɔ akɛ nikeenii kɛ afɔle ni akɛhã Nyɔŋmɔ ni jeɔ ŋma krɔŋŋ lɛ.

Hebribii 1:3

Lɛ ji enunyam lɛ kpɛmɔ kɛ esu lɛ mfoniri lɛ, ni ekɛ lɛ diɛŋtsɛ ehewalɛ wiemɔ lɛ hiɛɔ nibii fɛɛ. Be ni ekɛ lɛ diɛŋtsɛ ehe etsuu wɔhe kɛjɛ wɔhe eshai lɛ amli lɛ, etee eyata shi yɛ anunyam-Tsɛ agbo lɛ nine jurɔ nɔ yɛ ŋwɛi,

Hebribii 10:12

Shi Kristo lɛ, lɛ lɛ, be ni eshã eshai ahe afɔle shi kome nyɔŋlo lɛ, eyata Nyɔŋmɔ ninejurɔ nɔ.

Hebribii 10:14

Ejaakɛ afɔle kome ni eshã lɛ, ekɛhã mɛi ni atsuu amɛhe lɛ ehi kɛwula shi nyɔŋlo.

Hebribii 9:12

ni asaŋ jeee too kpakpoi loo tsinabii alá nɔ etsɔ̃, shi moŋ etsɔ̃ lɛ diɛŋtsɛ elá lɛ nɔ ebote He Krɔŋkrɔŋ lɛ mli shi kome nyɔŋlo ekɛna naanɔ kpɔ̃mɔ lɛ.

1 Yohane 1:7

Shi kɛji wɔnyiɛɔ là lɛ mli, tamɔ bɔ ni lɛ diɛŋtsɛ eyɔɔ là lɛ mli lɛ, no lɛ wɔkɛ wɔhe miibɔ naanyo, ni eBi Yesu Kristo la lɛ tsumɔɔ wɔhe kɛjeɔ esha fɛɛ mli.

Kpojiemɔ 5:9

Ni amɛla lala hee ko amɛkɛɛ, “Osa akɛ oheɔ wolo lɛ ni otserɛɔ enaasɔomɔi lɛ, ejaakɛ agbe bo, ni okɛ olá lɛ ekpɔ̃ mɛi ehã Nyɔŋmɔ kɛjɛ akutso fɛɛ akutso kɛ wiemɔ fɛɛ wiemɔ kɛ jeŋmaŋ fɛɛ jeŋmaŋ mli.