3 Mose 4:3 - ŊMALƐ KRƆŊKRƆŊ LƐ

³ Kɛji Osɔfonukpa lɛ ni tɔ̃ lɛ, ni no ehã maŋ muu lɛ fɛɛ etɔ̃ lɛ, ekɛ tsina oblanyo ni kpa ko bɛ ehe abashã ehe esha lɛ he afɔle ehã Yehowa.

Ṅmãle̱ Kroṅkroṅ Le̱

³ ke̱dši oso̱fo ní afo̱le mũ le̱ fe esa ni eke̱ sõ tĕrẽ maṅ le̱, no le̱ ehe eša le̱ hewo le̱ eṅõ tšinabinū ní kpa ko be̱ ehe eke̱-bašã eša-afo̱le eha Iehowa.

3 Mose 4:3 ပူးပေါင်းရင်းမြစ်များ

2 Kronika 29:21

Amɛkɛ tsinahii kpawo kɛ ojwɛnii kpawo kɛ toobii kpawo kɛ tookpakpoi hu kpawo ba koni akɛshã afɔle kɛfɔ maŋtsɛyeli lɛ kɛ He Krɔŋkrɔŋ lɛ kɛ Yuda maŋ muu lɛ fɛɛ he muji lɛ. Kɛkɛ ni maŋtsɛ lɛ fã osɔfoi lɛ, ni ji Aaron shwiei lɛ, akɛ amɛkɛ kooloi lɛ ashã afɔle yɛ Yehowa afɔleshãa latɛ lɛ nɔ.

Ezra 8:35

Mɛi ni ku amɛsɛɛ kɛba lɛ bashã shãa afɔlei amɛhã Israel Nyɔŋmɔ lɛ: tsinahii nyɔŋma kɛ enyɔ ha Israel maŋ muu lɛ fɛɛ, kɛ ojwɛnii nyɔŋmai nɛɛhu kɛ ekpaa, kɛ toobii nyɔŋmai kpawo kɛ kpawo, kɛ esha he afɔle tookpakpoi nyɔŋma kɛ enyɔ. Enɛɛmɛi fɛɛ lɛ akɛshã shãa afɔle ahã Yehowa.

2 Mose 29:14

Shi tsina lɛ loo lɛ kɛ ehe wolo lɛ kɛ ewamɔ lɛ, ayashã fɛɛ yɛ shitoohe lɛ sɛɛ. Osɔfoi lɛ ahe esha afɔle ni.

2 Mose 29:21

Agbɛnɛ ŋɔɔ lá ni yɔɔ afɔleshãa latɛ lɛ nɔ lɛ eko kɛ mɔmufɔɔ mu lɛ hu eko ni okɛshwã Aaron kɛ ehewulamɔ nibii lɛ fɛɛ nɔ; ni okɛshwã Aaron bihii lɛ hu kɛ amɛhewulamɔ nibii lɛ fɛɛ anɔ, koni okɛfee Aaron kɛ ehewulamɔ nibii lɛ kɛ ebihii lɛ hu kɛ amɛhewulamɔ nibii lɛ fɛɛ krɔŋkrɔŋ.

2 Mose 29:7

Agbɛnɛ owo mu ni akɛfɔɔ mɔ mu lɛ koni ofɔse oshwie Aaron yiteŋ ni okɛfɔ lɛ mu.

2 Mose 30:10

Aaron kɛ kooloo ni akɛkpãtãa Nyɔŋmɔ yɛ esha ni afee hewɔ lɛ lá lɛ akpa latɛ lɛ akloŋtoi lɛ ahe, ni ekɛkpãtã shi kome daa afi. Efee kpãtãmɔ nii nɛɛ shi kome daa afi yɛ afɔleshãa latɛ lɛ nɔ yɛ yinɔi fɛɛ amli. Eji nii ni yɔɔ krɔŋkrɔŋ jogbaŋŋ diɛŋtsɛ hã mi, Yehowa.”

Ezekiel 40:39

Okpɔlɔi enyɔ mamɔ agbo lɛ koi lɛ fã kome lɛ mli, ni okpɔlɔi enyɔ mamɔ afã kroko lɛ hu mli. Okpɔlɔi nɛɛ anɔ agbeɔ kooloo ni akɛshãa shãa afɔle kɛ esha afɔle kɛ sɔ̃ he afɔlei lɛ yɛ.

Ezekiel 43:19

ŋɔɔ tsina oblanyo ohã osɔfoi ni ji Levibii ni jɛ Zadok weku lɛ mli lɛ mɛi ni bɛŋkɛɔ mi ni amɛsɔmɔɔ mi lɛ, koni amɛkɛshã esha he afɔle.

Ezekiel 44:27

Gbi nɔ ni eyaa He krɔŋkrɔŋ lɛ yɛ mligbɛ kpo lɛ nɔ koni eyasɔmɔ yɛ He Krɔŋkrɔŋ lɛ, eyashã ehe esha afɔle. Mi, Nuŋtsɔ Yehowa mikɛɛ.

3 Mose 1:10

“Shi kɛji too gwantɛŋ loo abotia mɔ lɛ kɛbaa ebashã shãa afɔle lɛ, ehiɛ gwantɛŋ nuu loo abotia nuu ni kpa ko bɛ ehe kɛba.

3 Mose 1:3

Kɛji tsina ekɛbaa afɔleshãa lɛ, ehiɛ tsinanuu ni kpa ko bɛ ehe ebahã. Ekɛ kooloo lɛ aba Kpee Buu lɛ shinaa lɛ naa koni Yehowa ahe efɔle lɛ.

3 Mose 16:11

“Aaron kɛ etsinanuu lɛ aba akɛ esha afɔle ahã lɛ diɛŋtsɛ ehe kɛ ewe lɛ, ni egbe.

3 Mose 16:3

Nii ni Aaron kɛbote He Krɔŋkrɔŋ lɛ nɛ: tsinanuu oblanyo ni akɛfee esha afɔle kɛ ojwɛni ni akɛfee shãa afɔle.

3 Mose 16:5

Israel asafo ku lɛ ahã Aaron too kpakpoi enyɔ ni akɛbaashã esha afɔle, kɛ ojwɛni kome ni akɛbaafee eshãa afɔle.

3 Mose 16:6

Aaron kɛ tsinanuu ni ji lɛ diɛŋtsɛ enɔ lɛ abashã esha afɔle kɛjie lɛ diɛŋtsɛ ehe eshai kɛ ewe lɛ he eshai.

3 Mose 4:14

kɛji ana ale esha tɔ̃mɔ ni atɔ̃ lɛ, maŋ muu lɛ kɛ tsina oblanyo ashã esha afɔle. Akɛ tsina oblanyo lɛ aba Kpee Buu lɛ hiɛ.

3 Mose 4:23

kɛji ahã ele tɔ̃mɔ ni etɔ̃ lɛ nɔŋŋ lɛ, ekɛ too kpakpo ni kpa ko bɛ ehe aba ekɛbashã afɔle.

3 Mose 4:28

kɛji ahã ele tɔ̃mɔ ni etɔ̃ lɛ nɔŋŋ lɛ, ekɛ abotia yoo ni kpa ko bɛ ehe aba ni ekɛbashã afɔle yɛ esha ni efee lɛ hewɔ.

3 Mose 4:5

Kɛkɛ lɛ Osɔfonukpa lɛ aŋɔ tsinanuu lɛ lá lɛ eko kɛbote Kpee Buu lɛ mli,

3 Mose 5:6

ni ekɛ esɔ̃ afɔle abahã Yehowa yɛ esha ni efee lɛ hewɔ. Ekɛ gwantɛŋ loo too abotia yoo aba, koni osɔfo lɛ akpãtã ahã lɛ yɛ esha ni efee lɛ hewɔ.

3 Mose 6:18

Bei fɛɛ, yɛ yinɔi fɛɛ ni baaba lɛ mli lɛ, nuu fɛɛ nuu ni jɛ Aaron shwiei lɛ ateŋ lɛ aye akɛ egbɛfaŋnɔ yɛ ŋmãa afɔlei ni ashãa ahãa Yehowa lɛ mli. Mɔ fɛɛ mɔ ni taa he lɛ aaatsɔ̃ krɔŋkrɔŋ.”

3 Mose 8:12

Mose fɔse mufɔɔ mu lɛ eko eshwie Aaron yiteŋ, ni ekɛfɔ lɛ mu koni efee lɛ krɔŋkrɔŋ.

3 Mose 9:2

Mose kɛɛ Aaron akɛ: “Ŋɔɔ tsinanuu fioo kome ni kpa ko bɛ ehe kɛ too ojwɛni kome hu ni kpa ko bɛ ehe ni okɛshã afɔle, ohã Yehowa. Okɛ tsinanuu lɛ ashã esha afɔle ni okɛ too ojwɛni lɛ ashã shãa afɔle.

3 Mose 9:3

Kɛkɛ lɛ okɛɛ Israelbii lɛ akɛ amɛŋɔ too ojwɛni amɛkɛshã esha afɔle; amɛkɛ tsinabi ni eye afi ni kpa ko bɛ ehe kɛ too gwantɛŋbi ni eye afi ni kpa ko bɛ ehe ashã shãa afɔle;

4 Mose 16:22

Shi Mose kɛ Aaron kɛ amɛhiɛ bumɔ shi, ni amɛsɔle amɛkɛɛ akɛ, “Ao, Nyɔŋmɔ, heloo fɛɛ awala jɛɛhe! Aso mɔ kome aaafee esha, ni okɛ ehe nu aaaju maŋ muu lɛ fɛɛ he lo?”

4 Mose 8:8

Enɛ sɛɛ lɛ ohã amɛŋɔ tsina oblanyo, ni akɛ niyenii afɔle ni ji ŋmãa mamu ni awo mli mu afata he; ni bo diɛŋtsɛ hu oŋɔ̃ tsina oblanyo kroko ni okɛshã esha he afɔle.

Romabii 8:3

Ejaakɛ nɔ ni Mla lɛ nyɛɛɛ afee yɛ gbedemɔ ni heloo lɛ ehã egbede hewɔ lɛ, no Nyɔŋmɔ fee: etsu lɛ diɛŋtsɛ eBi lɛ yɛ su ni tamɔ esha heloo su mli, yɛ esha hewɔ; ni ebu esha lɛ fɔ yɛ heloo lɛ mli,

2 Korintobii 5:21

Ejaakɛ mɔ ni leee esha lɛ, wɔhewɔ lɛ ehã etsɔ̃ esha, koni wɔ lɛ wɔtsɔ̃mɔ Nyɔŋmɔ jalɛ yɛ emli.

Hebribii 5:3

Ni enɛ hewɔ lɛ ehe ehĩa akɛ eshã eshai ahe afɔle ehã ehe, tamɔ bɔ ni efeɔ ehãa maŋ lɛ.

Hebribii 9:12

ni asaŋ jeee too kpakpoi loo tsinabii alá nɔ etsɔ̃, shi moŋ etsɔ̃ lɛ diɛŋtsɛ elá lɛ nɔ ebote He Krɔŋkrɔŋ lɛ mli shi kome nyɔŋlo ekɛna naanɔ kpɔ̃mɔ lɛ.