3 Mose 3:5 - ŊMALƐ KRƆŊKRƆŊ LƐ

⁵ Osɔfoi lɛ kɛshwie afɔleshãa latɛ lɛ nɔ koni ashã: shãa afɔle ni jeɔ ŋma ewoɔ Yehowa ni.

Ṅmãle̱ Kroṅkroṅ Le̱

⁵ Ni Aaron bihĩĩ le̱ ašã ye̱ afo̱lešãlate̱ le̱ ne̱ ye̱ šā̃-afo̱le le̱ ní kã lai le̱ no̱ ye̱ la le̱ no̱ le̱ no̱; afo̱le ní ake̱ la šãa ní dšeo̱ ṅma woo̱ Iehowa ni.

3 Mose 3:5 ပူးပေါင်းရင်းမြစ်များ

1 Maŋtsɛmɛi 8:64

Nakai gbi lɛ nɔ nɔŋŋ lɛ maŋtsɛ jɔɔ kpo lɛ ni yɔɔ Sɔlemɔtsu lɛ hiɛ lɛ nɔ efee lɛ krɔŋkrɔŋ, ejaakɛ jɛi eshã shãa afɔlei kɛ niyenii afɔlei kɛ kooloo muu afɔlei lɛ fɛɛ afɔi lɛ yɛ. Efee nakai ejaakɛ akɔɔble afɔleshãa latɛ ni mã Yehowa hiɛ lɛ edaaa, bɔ ni shãa afɔlei lɛ kɛ niyenii afɔlei lɛ kɛ shidaa afɔlei lɛ ahe fɔi lɛ aaaho nɔ.

2 Kronika 35:14

No sɛɛ lɛ, Levibii lɛ fee amɛ diɛŋtsɛ amɛnɔ kɛ osɔfoi lɛ hu anɔ, ejaakɛ afɔlei ni ashãa lɛ emuu kɛ kooloi lɛ amli fɔi lɛ hu ni ashãa lɛ ahewɔ lɛ, osɔfoi lɛ ni ji Aaron shwiei lɛ eyanaaa dekã kɛyashi jenamɔ. No hewɔ ni Levibii lɛ fee amɛ diɛŋtsɛ amɛniyenii kɛ osɔfoi lɛ hu anɔ lɛ.

2 Mose 29:13

Jiemɔ fɔ fɛɛ ni ha tsina lɛ mlinii lɛ ahe lɛ, kɛ mlɛbo lɛ fã ko kɛ sabai enyɔ lɛ hu, kɛ fɔ ni yɔɔ amɛhe lɛ, ni oshã yɛ afɔleshãa latɛ lɛ nɔ.

Ezekiel 44:15

“Osɔfoi lɛ ni jɛ Levi akutso lɛ mli, ni amɛ ji Zadok shwiei, mɛi ni kã he amɛsɔmɔ mi yɛ miHe krɔŋkrɔŋ lɛ, be mli ni Isrealbii lɛ du gbɛ kɛje mihe lɛ, amɛ amɛbaabɛŋkɛ mi ni amɛsɔmɔ mi. Amɛ amɛbaashã fɔ kɛ lá afɔle lɛ amɛha mi. Yehowa kɛɛ.

Ezekiel 44:7

Kɛji nyɛkɛ miniyenii afɔle ni ji fɔ kɛ lá lɛ miiba lɛ, nyɛkaŋmɛa maŋsɛɛbii ni ji tsuiŋ foolɔi lɛ gbɛ ni amɛmiiba miHe Krɔŋkrɔŋ lɛ ni amɛbule lɛ. Nyɛmusubɔɔnii fɛɛ lɛ asɛɛ lɛ, nyɛku mikpãŋmɔ lɛ hu mli nyɛfata he.

3 Mose 1:13

Shi mɔ lɛ kɛ nu afɔ kooloo lɛ mlinii lɛ kɛ enaji lɛ ahe. No sɛɛ lɛ, osɔfo lɛ ni tsuɔ nii nakai gbi lɛ kɛ nomɛi hu baashi nɔ, ni eshã kooloo muu lɛ fɛɛ yɛ afɔleshãa latɛ lɛ nɔ. Shãa afɔle ni: afɔle ni ashãa fɛɛ ni ejeɔ ŋma ewoɔ Yehowa ni.

3 Mose 1:17

Emɔ loofɔlɔ lɛ fiji lɛ amli koni egba loofɔlɔ lɛ mli, shi ekakpɔlɔ efiji lɛ. Osɔfo lɛ ashã loofɔlɔ lɛ yɛ lai lɛ nɔ yɛ afɔleshãa latɛ lɛ nɔ. Shãa afɔle ni: afɔle ni ashãa fɛɛ ni ejeɔ ŋma ewoɔ Yehowa ni.”

3 Mose 1:9

Nuu lɛ kɛ nu afɔ kooloo lɛ mlinii lɛ kɛ enaji lɛ ahe; ni osɔfo lɛ ashã kooloo muu lɛ fɛɛ yɛ afɔleshãa latɛ lɛ nɔ; shãa afɔle ni, afɔle ni akɛ la shãa kooloo lɛ fɛɛ ni. Afɔle nɛɛ jeɔ ŋma woɔ Yehowa.

3 Mose 3:11

Osɔfo ni yɔɔ nitsumɔ nakai gbi lɛ nɔ lɛ ashã yɛ afɔleshãa latɛ lɛ nɔ akɛ niyenii afɔle ni aashã akɛhã Yehowa.

3 Mose 3:4

kɛ esabai enyɔ lɛ kɛ fɔ ni yɔɔ amɛhe lɛ, kɛ loo ni tsa mlɛbo lɛ. Ajie loo nɛɛ akɛfata sabai lɛ ahe.

3 Mose 4:31

Ejie too lɛ mli fɔ lɛ fɛɛ tamɔ ajieɔ shidaa afɔlei akooloi amli fɔ lɛ, ni eshã fɔ lɛ yɛ afɔleshãa latɛ lɛ nɔ koni eje ŋma ewo Yehowa, koni osɔfo lɛ akpãtã ehã lɛ, ni akɛ etɔ̃mɔ lɛ baafa lɛ.

3 Mose 4:35

Ejie too lɛ mli fɔ lɛ fɛɛ tamɔ ajieɔ naanyobɔɔ afɔle gwantɛŋ lɛ mli fɔ lɛ koni eshã no kɛ niyenii afɔlei yɛ afɔleshãa latɛ lɛ nɔ ehã Yehowa. Ni osɔfo lɛ baakpãtã ahã lɛ, ni akɛ ehe esha lɛ baafa lɛ.

3 Mose 6:12

La lɛ ni yɔɔ afɔleshãa latɛ lɛ nɔ lɛ akã he atso daa; akahã egbo gbi ko gbi ko. Daa leebi lɛ osɔfo lɛ kɛ lai ashwie afɔleshãa latɛ lɛ nɔ. Eto shãa afɔle lɛ gbɛjianɔ eshwie nɔ ni eshã toiŋjɔlɛ afɔlei ahe fɔi lɛ yɛ nɔ.

3 Mose 7:28

Yehowa kɛɛ Mose

3 Mose 9:17

Ekɛ niyenii afɔle lɛ ba; ni ekpiti emli eko ekɔkɔ obɔ̃ ni ekɛfata shãa afɔle ni ashãa daa leebi lɛ he, ni eshã yɛ afɔleshãa latɛ lɛ nɔ.

4 Mose 15:8

Shi kɛji akɛ tsina oblanyo baashã shãa afɔle loo gbee afɔle akɛ akɛmiiye shiwoo ko nɔ loo akɛ shidaa afɔle akɛhã mi, Yehowa, lɛ,

4 Mose 18:17

Shi tsina loo gwantɛŋ loo abotia kromɔbi lɛ, okahã akpɔ̃ lɛ, ejaakɛ amɛ lɛ amɛhe tse; amɛ okɛshã afɔle okɛhã mi. Okɛ amɛlá lɛ ashwã afɔleshãa latɛ lɛ nɔ, ni oshã amɛmli fɔ lɛ koni efee afɔle ni akɛ la shãa ni jeɔ ŋma woɔ Yehowa.

4 Mose 28:12

Niyenii afɔle ni ji ŋmãa mamu ni akɛ fɔ ekpɔtɔ ni akɛfata kooloi lɛ ahe nɛ: tsinanuu kome lɛ mamu kiloi etɛ̃, ojwɛni lɛ mamu kiloi enyɔ,

4 Mose 28:3

“Gbi fɛɛ gbi lɛ ahã gwantɛŋbii enyɔ ni eye afiafi asaŋ ni kpa ko bɛ amɛhe koni akɛshã afɔle ahã mi.

1 Petro 2:5

Ni nyɛ hu nyɛhãa atswaa nyɛ akɛ tɛi ni hiɛ kãmɔ afea mumɔŋ tsu ni afee nyɛ osɔfoi aweku krɔŋkrɔŋ, koni akɛshã mumɔŋ afɔlei ni sa Nyɔŋmɔ hiɛ yɛ Yesu Kristo hewɔ.