3 Mose 3:3 - ŊMALƐ KRƆŊKRƆŊ LƐ

³ Naanyobɔɔ afɔle kooloo lɛ mli nibii ni sa akɛ ashãa ahãa Yehowa ji fɔ fɛɛ ni ha mlinii lɛ he lɛ

Ṅmãle̱ Kroṅkroṅ Le̱

³ Ni šidā-afo̱le le̱ he noni eke̱ la ašã ahã Iehowa ne̱: fo̱ ní ha mlinii le̱ ahe le̱ ke̱ fo̱ fè ní yo̱ mlinii le̱ ahewo̱ le̱,

3 Mose 3:3 ပူးပေါင်းရင်းမြစ်များ

Lalai 119:70

Hewolɔi nɛɛ, amɛtsui wa, shi mi lɛ, omla lɛ he mimii shɛɔ.

2 Mose 29:13

Jiemɔ fɔ fɛɛ ni ha tsina lɛ mlinii lɛ ahe lɛ, kɛ mlɛbo lɛ fã ko kɛ sabai enyɔ lɛ hu, kɛ fɔ ni yɔɔ amɛhe lɛ, ni oshã yɛ afɔleshãa latɛ lɛ nɔ.

2 Mose 29:22

“Jiemɔ too ojwɛni lɛ fɔ lɛ kɛ elei ni ewo fɔ lɛ kɛ emlinii ahe fɔ lɛ, kɛ nɔ ni tsotsoro mlɛbo lɛ he, kɛ sabai enyɔ lɛ, kɛ fɔ ni yɔɔ amɛhe lɛ hu, kɛ too lɛ ninejurɔ shuɔ (ejaakɛ osɔfowoo afɔle too ojwɛni ni),

Abe̱i 23:26

Mibi ŋɔɔ otsui ohã mi, ni okɔ minane.

Yesaia 6:10

Kɛkɛ ni ekɛɛ mi akɛ, “Hã nɛkɛ maŋbii nɛɛ akpliŋ amɛtsui, ni ohã amɛtoi awa; asaŋ shwilamɔ amɛhiŋmɛii koni amɛkana nii; amɛkanu nii, asaŋ amɛkanu sane shishi ni amɛmiikpale ni amɛna tsamɔ.”

Ezekiel 36:26

“Mahã nyɛ tsui hee ni mikɛ mumɔ hee baawo nyɛmli, ni majie nyɛtsui ni wa tamɔ tɛ lɛ kɛje nyɛmli ni mahã nyɛ heloo tsui ni he jɔ.

Ezekiel 44:15

“Osɔfoi lɛ ni jɛ Levi akutso lɛ mli, ni amɛ ji Zadok shwiei, mɛi ni kã he amɛsɔmɔ mi yɛ miHe krɔŋkrɔŋ lɛ, be mli ni Isrealbii lɛ du gbɛ kɛje mihe lɛ, amɛ amɛbaabɛŋkɛ mi ni amɛsɔmɔ mi. Amɛ amɛbaashã fɔ kɛ lá afɔle lɛ amɛha mi. Yehowa kɛɛ.

3 Mose 1:12

Mɔ lɛ asaa loo lɛ; ni osɔfo ni yɔɔ nitsumɔ nakai be lɛ ato kooloo ni asaa lɛ: yitso lɛ kɛ emli fɔ lɛ pɛpɛɛpɛ ashwie lai lɛ nɔ yɛ afɔleshãa latɛ lɛ nɔ.

3 Mose 1:8

No sɛɛ lɛ, amɛto loo ni asaa lɛ yitso lɛ kɛ emli fɔ lɛ amɛshwie lai lɛ nɔ yɛ afɔleshãa latɛ lɛ nɔ.

3 Mose 16:25

Eshã fɔ ni yɔɔ esha afɔle lɛ he lɛ yɛ afɔleshãa latɛ lɛ nɔ.

3 Mose 3:16

Osɔfo lɛ ashã fɛɛ yɛ afɔleshãa latɛ lɛ nɔ akɛ niyenii afɔle ni ashãa kɛŋma akɛhã Yehowa. Fɔ lɛ fɛɛ lɛ Yehowa nɔ ni.

3 Mose 3:2

Mɔ lɛ kɛ enine aŋmɛ tsina lɛ yitso nɔ, ni egbe kooloo lɛ yɛ Kpee Buu lɛ shinaa lɛ naa, ni Aaron bihii osɔfoi lɛ kɛ kooloo lɛ lá lɛ abashwã afɔleshãa latɛ lɛ he koji ejwɛ lɛ he kɛkpe.

3 Mose 3:4

kɛ esabai enyɔ lɛ kɛ fɔ ni yɔɔ amɛhe lɛ, kɛ loo ni tsa mlɛbo lɛ. Ajie loo nɛɛ akɛfata sabai lɛ ahe.

3 Mose 4:10

tamɔ ajieɔ nibii nɛɛ yɛ toiŋjɔlɛ afɔleshãa tsinanuu lɛ loo lɛ he lɛ, koni eshã fɛɛ yɛ shãa afɔle afɔleshãa latɛ lɛ nɔ.

3 Mose 7:30

Ehiɛ yɛ lɛ diɛŋtsɛ edɛŋ kɛba akɛ niyenii afɔle. Akɛ kooloo lɛ fɔ lɛ kɛ etsitsi lɛ fɛɛ aba ni ekɛbahã Yehowa akɛ nikeenii titri ko hã Yehowa.

3 Mose 7:5

Osɔfo lɛ ashã fɛɛ yɛ afɔleshãa latɛ lɛ nɔ ahã Yehowa akɛ niyenii afɔle ni akɛ la shãa. Sɔ̃ afɔle ni.

3 Mose 9:10

Kɛkɛ ni eshã fɔ lɛ kɛ sabai lɛ kɛ mlɛbo lɛ he loo ni tsotsoro shi lɛ yɛ afɔleshãa latɛ lɛ nɔ, tamɔ bɔ ni Yehowa wo Mose kitã lɛ.

Mateo 13:16

“Shi nyɛ lɛ, ajɔɔ nyɛhiŋmɛii lɛ, akɛ amɛmiina nii, kɛ nyɛtoii lɛ, akɛ amɛmiinu nii.

Mateo 15:8

‘Maŋ nɛɛ kɛ amɛnaabu woɔ mi; shi amɛtsui etsi ehe kɛjɛ mihe kɛtee shɔŋŋ.

Romabii 5:5

ni hiɛnɔkãmɔ lɛ efeee efolo; ejaakɛ atsɔ̃ Mumɔ Krɔŋkrɔŋ ni akɛhã wɔ lɛ nɔ afɔse Nyɔŋmɔ suɔmɔ awo wɔtsuii amli.

Romabii 6:6

ejaakɛ wɔle enɛ akɛ asɛŋ wɔgbɔmɔ momo lɛ kɛ lɛ, koni esha gbɔmɔtso lɛ hiɛ akpãtã ni wɔkasɔ̃mɔ esha lɛ dɔŋŋ.

5 Mose 30:6

Yehowa, nyɛNyɔŋmɔ lɛ, aaahã nyɛ kɛ nyɛshwiei hu atsake nyɛtsui bɔ ni afee ni nyɛkɛ nyɛtsui kɛ nyɛnyɛmɔ fɛɛ asumɔ Yehowa, nyɛNyɔŋmɔ lɛ, koni nyɛyi ana wala.

1 Samuel 2:15

Shi agbɛnɛ be mli ni anako ashã loo lɛ mli fɔ lɛ tete lɛ, osɔfo lɛ tsulɔ lɛ baa ni ebakɛɔ mɔ ni shãa afɔle lɛ akɛ, “Jiemɔ loo ohã ni ayashã ahã osɔfo lɛ ejaakɛ esumɔɔɔ loo ni ahoo lɛ, eetao loo lɛ eŋmɔŋ.”