3 Mose 3:16 - ŊMALƐ KRƆŊKRƆŊ LƐ

¹⁶ Osɔfo lɛ ashã fɛɛ yɛ afɔleshãa latɛ lɛ nɔ akɛ niyenii afɔle ni ashãa kɛŋma akɛhã Yehowa. Fɔ lɛ fɛɛ lɛ Yehowa nɔ ni.

Ṅmãle̱ Kroṅkroṅ Le̱

¹⁶ Ni oso̱fo le̱ ašã nii ne̱ ye̱ afo̱le-šãlate̱ le̱ no̱, ní etšṍ la niyenii ní dšeo̱ ṅma le̱; fo̱ le̱ fẽ le̱ Iehowa nõ ni.

3 Mose 3:16 ပူးပေါင်းရင်းမြစ်များ

1 Mose 4:4

Habel hu kɛ etoi lɛ akromɔbii ni ewo fɔ ba ekɛbashã afɔle. Yehowa hiɛ sɔ Habel kɛ efɔle lɛ;

2 Kronika 29:35

Bɔ ni shãa afɔle lɛ yafa babaoo diɛŋtsɛ lɛ, nakai nɔŋŋ yeli kɛ shidaa afɔle kooloi lɛ amli fɔi lɛ, kɛ agbɛnɛ shãa afɔle lɛ he dãa afɔle lɛ hu yafa babaoo. Gbɛ nɔ ni tsɔ̃ ni atsuu Yehowa We lɛ he, asaŋ ni agbele naa ekoŋŋ koni aja yɛ mli lɛ nɛ.

2 Kronika 7:7

No sɛɛ lɛ, Solomon tsuu kpo ni yɔɔ Yehowa Sɔlemɔtsu lɛ hiɛ lɛ he, ni efee lɛ krɔŋkrɔŋ ejaakɛ eshã shãa afɔlei lɛ kɛ shidaa afɔlei lɛ ahe fɔi lɛ yɛ jɛi, ejaakɛ akɔɔble afɔleshãa latɛ lɛ ni lɛ, Solomon lɛ, efee lɛ edaaa hãaa shãa afɔle lɛ kɛ niyenii afɔle lɛ kɛ fɔi lɛ fɛɛ.

2 Mose 29:13

Jiemɔ fɔ fɛɛ ni ha tsina lɛ mlinii lɛ ahe lɛ, kɛ mlɛbo lɛ fã ko kɛ sabai enyɔ lɛ hu, kɛ fɔ ni yɔɔ amɛhe lɛ, ni oshã yɛ afɔleshãa latɛ lɛ nɔ.

2 Mose 29:22

“Jiemɔ too ojwɛni lɛ fɔ lɛ kɛ elei ni ewo fɔ lɛ kɛ emlinii ahe fɔ lɛ, kɛ nɔ ni tsotsoro mlɛbo lɛ he, kɛ sabai enyɔ lɛ, kɛ fɔ ni yɔɔ amɛhe lɛ hu, kɛ too lɛ ninejurɔ shuɔ (ejaakɛ osɔfowoo afɔle too ojwɛni ni),

Yesaia 53:10

“Eji Yehowa yiŋtoo akɛ atswa lɛ nɔ, ni apila lɛ. Kɛji eŋɔ ehe eshã afɔle yɛ esha hewɔ lɛ, ebaana shwiei ni ewala sɛɛ aaatsɛ, ni kɛtsɔ̃ lɛ enɔ lɛ, nɔ ni sa Yehowa hiɛ lɛ aaashwere.

Ezekiel 44:15

“Osɔfoi lɛ ni jɛ Levi akutso lɛ mli, ni amɛ ji Zadok shwiei, mɛi ni kã he amɛsɔmɔ mi yɛ miHe krɔŋkrɔŋ lɛ, be mli ni Isrealbii lɛ du gbɛ kɛje mihe lɛ, amɛ amɛbaabɛŋkɛ mi ni amɛsɔmɔ mi. Amɛ amɛbaashã fɔ kɛ lá afɔle lɛ amɛha mi. Yehowa kɛɛ.

3 Mose 17:6

Osɔfo lɛ atsi lá lɛ eshwie afɔleshãa latɛ lɛ he, yɛ Kpee Buu lɛ shinaa lɛ shi, ni eshã fɔ lɛ koni eje ŋma ni Yehowa sumɔɔ lɛ.

3 Mose 4:26

Eshã too kpakpo lɛ mli fɔ lɛ fɛɛ yɛ afɔleshãa latɛ lɛ nɔ, tamɔ bɔ ni eshã naanyobɔɔ afɔlei akooloi lɛ amli fɔ lɛ koni kɛtsɔ nɛkɛ gbɛ nɔ lɛ osɔfo lɛ akpãtã ahã lɛ yɛ etɔ̃mɔ lɛ hewɔ, ni akɛbaafa lɛ.

3 Mose 4:31

Ejie too lɛ mli fɔ lɛ fɛɛ tamɔ ajieɔ shidaa afɔlei akooloi amli fɔ lɛ, ni eshã fɔ lɛ yɛ afɔleshãa latɛ lɛ nɔ koni eje ŋma ewo Yehowa, koni osɔfo lɛ akpãtã ehã lɛ, ni akɛ etɔ̃mɔ lɛ baafa lɛ.

3 Mose 8:25

Mose ŋɔ fɔ kɛ lei lɛ ni ewo fɔ lɛ kɛ fɔ fɛɛ ni ha mlinii kɛ mlɛbo lɛ ahe lɛ kɛ sabai enyɔ lɛ kɛ amɛhe fɔ lɛ kɛ sɛɛ nanejurɔ lɛ.

3 Mose 9:24

Trukaa lɛ Yehowa hã la ba ni ebashã shãa afɔle lɛ kɛ fɔi lɛ ni yɔɔ afɔleshãa latɛ lɛ nɔ lɛ. Be ni maŋ muu lɛ fɛɛ na lɛ, amɛbolɔ, ni amɛkɛ amɛhiɛ bumɔ shi.

Mateo 22:37

Ni Yesu kɛɛ lɛ akɛ, “Suɔmɔ Nuŋtsɔ oNyɔŋmɔ lɛ kɛ otsui muu lɛ fɛɛ kɛ osusuma muu lɛ fɛɛ kɛ ojwɛŋmɔ muu lɛ fɛɛ.