3 Mose 3:1 - ŊMALƐ KRƆŊKRƆŊ LƐ

¹ “Kɛji mɔ ko miiba ebashã toiŋjɔlɛ naanyobɔɔ afɔle ehã Yehowa lɛ, ekɛ etsinai lɛ ateŋ eko, tsina lɛ nuu ni jio, yoo ni jio, efee kooloo ni kpa ko bɛ ehe.

Ṅmãle̱ Kroṅkroṅ Le̱

¹ Ni ke̱dši eke̱ šidā-afo̱le mība abake le̱, ke̱dši tšinai le̱ eko eke̱-ba le̱, ké̱ nū dšio, yō dšio, noni kpa ko he̱ ehe eke̱-bahã Iehowa.

3 Mose 3:1 ပူးပေါင်းရင်းမြစ်များ

1 Kronika 21:26

Kɛkɛ ni David ma afɔleshãa latɛ yɛ ŋmãagbeemɔhe lɛ. Be ni ekɛ shãa afɔlei kɛ shidaa afɔlei eba sɛɛ lɛ, esɔle etsɛ Yehowa, ni Yehowa here David nɔ, ni ehã la jɛ ŋwɛi ba, ni ebasɔo afɔlei lɛ anaa la yɛ afɔleshãa latɛ lɛ nɔ.

2 Mose 20:24

Nyɛshɔ̃a su afɔleshãa latɛ nyɛhãa mi, ni no nɔ nyɛshãa afɔlei yɛ, shãa afɔlei kɛ shidaa afɔlei kɛ gwantɛŋi kɛ tsinai lɛ yɛ. He fɛɛ he ni mato mahã nyɛ akɛ aja mi yɛ lɛ, maba nyɛŋɔɔ yɛ jɛi ni majɔɔ nyɛ.

2 Mose 24:5

Ni etsu Israelbii lɛ ateŋ oblahii komɛi, ni amɛkɛ tsina hii yashã afɔle kɛ shidaa afɔle amɛhã Yehowa.

2 Mose 29:28

Enɛ atsɔ̃ gbɛnaanii ni akã shi daa ni sa akɛ Israelbii lɛ atuu ahã Aaron kɛ ebihii lɛ. Ejaakɛ eji osɔfo gbɛnaanii ni yɔɔ nii ni Israelbii lɛ kɛbaashã Yehowa toiŋjɔlɛ afɔle lɛ mli.

Abe̱i 7:14

“Kulɛ esa akɛ mashã afɔle, shi ŋmɛnɛ nɔŋŋ lɛ miyawo mishiwoonii lɛ.

Ezekiel 43:27

Kɛji hetsuumɔ gbii lɛ anaa tã lɛ, kɛjɛ gbi ni ji kpaanyɔ lɛ nɔ lɛ kɛyaa lɛ osɔfoi lɛ ashã nyɛshãa afɔlei lɛ kɛ nyɛshidaa afɔlei lɛ yɛ afɔleshãa latɛ lɛ nɔ, kɛkɛ lɛ mana nyɛhe tsui.” Nuŋtsɔ Nyɔŋmɔ kɛɛ.

Ezekiel 45:15

Too he mla nɛ: Israel weku fɛɛ weku ajie too kome yɛ toi ohai enyɔ mli ekɛbashã afɔle. Akɛ nibii nɛɛ ashã niyenii afɔle kɛ shãa afɔle kɛ shidaa afɔle koni akɛkpãtã nyɛhe eshai lɛ aha nyɛ. Nuŋtsɔ Yehowa kɛɛ.

3 Mose 1:10

“Shi kɛji too gwantɛŋ loo abotia mɔ lɛ kɛbaa ebashã shãa afɔle lɛ, ehiɛ gwantɛŋ nuu loo abotia nuu ni kpa ko bɛ ehe kɛba.

3 Mose 1:3

Kɛji tsina ekɛbaa afɔleshãa lɛ, ehiɛ tsinanuu ni kpa ko bɛ ehe ebahã. Ekɛ kooloo lɛ aba Kpee Buu lɛ shinaa lɛ naa koni Yehowa ahe efɔle lɛ.

3 Mose 17:5

Mla nɛɛ oti ji akɛ kooloi ni Israelbii lɛ gbeɔ yɛ ŋa lɛ nɔ lɛ, agbɛnɛ amɛkɛba ni amɛkɛbahã osɔfo lɛ yɛ Yehowa Kpee Buu Krɔŋkrɔŋ lɛ shinaa lɛ naa koni amɛgbe amɛkɛshã naanyobɔɔ afɔlei amɛhã Yehowa.

3 Mose 3:6

“Kɛji mɔ lɛ miiba ebashã naanyobɔɔ afɔle ehã Yehowa kɛ gwantɛŋi loo abotiai lɛ ateŋ eko lɛ, kooloo lɛ nuu ni jio, yoo ni jio, efee kooloo ni kpa ko bɛ ehe.

3 Mose 9:18

Kɛkɛ ni egbe tsinanuu lɛ kɛ too ojwɛni lɛ ekɛshã naanyobɔɔ afɔle ehã maŋ lɛ; ebihii lɛ kɛ lá lɛ bahã lɛ, ni ekɛshwã afɔleshãa latɛ lɛ koji ejwɛ lɛ he kɛkpe.

3 Mose 9:4

ni amɛkɛ tsinanuu kɛ too ojwɛni kɛ ŋmãa afɔle ni awo mli mu ashã naanyobɔɔ afɔle. Amɛshã afɔle amɛhã Yehowa, ejaakɛ ŋmɛnɛ gbi nɛɛ nɔ Yehowa baajie ehe kpo etsɔ̃ɔ nyɛ.”

Amos 5:22

Nyɛshãa shãa afɔlei kɛ nyɛniyenii afɔlei tete nyɛhãa mi nɛ, shi miheee. Shidaa afɔlei ni nyɛkɛ nyɛkooloi ni eshwishwii shãa lɛ hu, mikwɛɛɛ po.

Maleaki 1:14

Alomɔ shishiulɔ ni yɔɔ too nuu yɛ etoo ku mli, shi kɛji ewo shi lɛ, ekɛ kooloo ni kpa yɔɔ ehe moŋ bashãa afɔle ehãa Yehowa lɛ, ejaakɛ Maŋtsɛ kpeteŋkple ji mi,’ Yehowa, Taiatsɛ lɛ, kɛɛ, ‘Ni jeŋ majimaji anɔ bii fɛɛ sheɔ mi gbeyei.’ ”

Maleaki 1:8

Kɛji nyɛkɛ kooloi shwilafoi bashã afɔle lɛ aso ejeee nɔ fɔŋ lo? Ni kɛji nyɛkɛ kooloo akpaketsɛ loo helatsɛ bashã afɔle lɛ, no hu ejeee nɔ fɔŋ lo? Kɛji omɔ nakai kooloo okɛyake amralo lɛ, ani eeena ohe tsuijurɔ, aloo eeekwɛ ohiɛ?”

4 Mose 15:8

Shi kɛji akɛ tsina oblanyo baashã shãa afɔle loo gbee afɔle akɛ akɛmiiye shiwoo ko nɔ loo akɛ shidaa afɔle akɛhã mi, Yehowa, lɛ,

4 Mose 6:14

Ehiɛ edɛŋ toi etɛ̃ ni kpa ko bɛ amɛhe ni akɛshã afɔle akɛhã Yehowa nɛkɛ: ekɛ gwantɛŋ binuu ni eye afi ni kpa ko bɛ ehe ashã shãa afɔle, ni ekɛ gwantɛŋ yoo kome ni eye afi ni kpa ko bɛ ehe ashã esha he afɔle, ni ekɛ too ojwɛni kome ni kpa ko bɛ ehe ashã shidaa afɔle.

4 Mose 7:17

kɛ kooloi nɛɛ hu ni akɛbaashã shidaa afɔle: tsinai enyɔ kɛ too ojwɛnii enumɔ kɛ too kpakpoi enumɔ kɛ too gwantɛŋi enumɔ ni eko fɛɛ eko eye afi. Nahashon, Aminadab bi lɛ nikeenii lɛ nɛ.

4 Mose 7:59

kɛ kooloi nɛɛ hu ni akɛbaashã shidaa afɔle: tsinai enyɔ kɛ ojwɛnii enumɔ kɛ too kpakpoi enumɔ kɛ too gwantɛŋ bii enumɔ, ni eko fɛɛ eko eye afi. Gamaliel ni ji Pedazur bi lɛ nikee nii lɛ nɛ.

5 Mose 12:27

koni kooloo afɔle ni ashãa lɛ loo lɛ kɛ lá lɛ fɛɛ lɛ, nyɛshã yɛ Yehowa, nyɛNyɔŋmɔ lɛ, afɔleshãa latɛ lɛ nɔ. Shi afɔlei krokomɛi lɛ agbɛfaŋ lɛ, nyɛtsia lá lɛ nyɛshwiea afɔleshãa latɛ lɛ nɔ; shi loo lɛ nyɛyea.

Kolosebii 1:20

Nyɔŋmɔ tsɔ̃ esɛŋmɔtso nɔ lá lɛ nɔ ekɛ hejɔlɛ ba, ni etsɔ̃ enɔ ekɛ nibii fɛɛ kpãtã, nii ni yɔɔ shikpɔŋ lɛ nɔ kɛ nii ni yɔɔ ŋwɛi lɛ.

Hebribii 10:22

nyɛhãa wɔkɛ anɔkwa tsui ababɛŋkɛa yɛ hemɔkɛyeli ni wɔyɔɔ hewalɛ yɛ nɔ lɛ mli, kɛ tsui hu ni atsuu he ni ebɛ henilee fɔŋ ko dɔŋŋ, kɛ gbɔmɔtso ni akɛ nu ni mli tse eju he.

1 Yohane 1:3

Nɔ ni wɔna ni wɔnu lɛ, no wɔjajeɔ wɔtsɔ̃ɔ nyɛ hu, koni nyɛ hu nyɛkɛ wɔ abɔ naanyo. Shi wɔnaanyobɔɔ lɛ, Tsɛ lɛ kɛ eBi Yesu Kristo lɛ wɔkɛbɔɔ.

Kojolɔi 20:26

Kɛkɛ ni Israelbii lɛ fɛɛ ni ji ta muu lɛ fɛɛ yiŋ kɛtee Betel ni amɛyafo. Amɛho amɛtara shi yɛ jɛi yɛ Yehowa hiɛ, ni amɛhi ŋmãa nakai gbi lɛ kɛyashi gbɛkɛ. Amɛshãshãa shãa afɔlei kɛ shidaa afɔlei yɛ Yehowa hiɛ.

Kojolɔi 21:4

Enɔ jetsɛremɔ lɛ, maŋ lɛ te shi maŋkɛ mra, ni amɛma afɔleshãa latɛ yɛ jɛi. Amɛshã shãa afɔlei kɛ hejɔlɛ afɔlei.