3 Mose 27:30 - ŊMALƐ KRƆŊKRƆŊ LƐ

³⁰ “Shikpɔŋ lɛ nɔ nibaanii fɛɛ lɛ, ŋmãa ni jio, aduawai ni jio, amɛmlijaa nyɔŋma mli ekome lɛ Yehowa nɔ ni; nɔ krɔŋkrɔŋ ni.

Ṅmãle̱ Kroṅkroṅ Le̱

³⁰ Ni šikpoṅ le̱ no̱ nibii amlidšāi nyoṅma mli ekome le̱, dũmo̱nii dsio, tšei ayibii dšio, Iehowa nõ ni; efe kroṅkroṅ ehã Iehowa. 4 Mose 18,21.

3 Mose 27:30 ပူးပေါင်းရင်းမြစ်များ

1 Mose 14:20

ni ajie Ŋwɛi Flooflo Nyɔŋmɔ lɛ ni hã oye ohenyɛlɔi lɛ anɔ kunim lɛ yi.” Ni Abram hã Melkizedek nii lɛ fɛɛ mlijai nyɔŋma mli ekome.

1 Mose 28:22

ni nɛkɛ tɛ nɛɛ ni mikɛma shi mikɛto okadi nɛɛ aaatsɔ̃ Nyɔŋmɔ we; ni maŋɔ nibii fɛɛ ni ooohã mi lɛ amlijaa nyɔŋma kome mahã bo.”

1 Mose 47:24

Kɛ shɛ nikpamɔbe lɛ, nyɛbaaja nyɛŋmɔshinii lɛ mli enumɔ; Farao baaŋɔ ekome; ni nyɛbaaŋɔ ejwɛ lɛ. No eko nyɛbaadu, ni no nɔŋŋ eko nyɛbaaye, no nɔŋŋ eko nyɛwebii baaye, ni no nɔŋŋ eko nyɛbii bibii lɛ baaye.”

1 Mose 47:26

No hewɔ lɛ, Yosef ŋɔ enɛ efee akpɔ efɔ̃ shi yɛ Ijipt shikpɔŋ lɛ nɔ kɛbashi ŋmɛnɛ akɛ aja ŋmɔshinii mli enumɔ ni Farao aŋɔ ekome. Osɔfoi lɛ ashikpɔŋ lɛ kɛkɛ ni tsɔ̃ɔɔ Farao nɔ.

2 Kronika 31:12

kɛkɛ ni aloo nikeenii lɛ kɛ nibii ni ajɔɔ nɔ ake lɛ fɛɛ tswɛm akɛyato tsui nɛɛ amli. Mɔ ni ato lɛ nibii nɛɛ anɔkwɛlɔnukpa ji Konania, Levinyo lɛ; ni enyɛminuu Shimei ji esɛɛmɔ.

Nehemia 12:44

Nakai gbi lɛ nɔ nɔŋŋ lɛ, afamɔ hii komɛi ato nitoohei lɛ anɔ: nitoohei nɛɛ ji hei ni akɛ nɔwomɔ afɔlei kɛ klɛŋklɛŋ yibii afɔlei lɛ kɛ nibii amlijai nyɔŋma mli ekomekome lɛ toɔ. Afamɔ hii nɛɛ koni amɛbua ŋmɔji ni yɔɔ maji lɛ ahe lɛ amli nii lɛ amlijai nyɔŋma ni mla lɛ to lɛ naa amɛwo nitoohei lɛ amli amɛhã osɔfoi lɛ kɛ Levibii lɛ. Yuda shikpɔŋ lɛ nɔ bii na osɔfoi lɛ kɛ Levibii ni damɔɔ shi sɔmɔɔ lɛ ahe miishɛɛ;

Nehemia 13:12

Kɛkɛ ni Yuda maŋ muu lɛ fɛɛ bɔ̃i abele kɛ wain kɛ mu mlijai nyɔŋma mli ekomekome lɛ kɛ nitoohei lɛ amli woo ekoŋŋ.

Nehemia 13:5

Eliashib saa tsu kpeteŋkple ko ehã Tobia ni ehi mli. Tsu nɛɛ, sa lɛ akɛ nibii komɛi toɔ mli. Nibii nɛɛ ji niyenii afɔlei kɛ krɔbɔo kɛ Sɔlemɔ we tsɛnsii kɛ ŋmɔshinii ni ji abele kɛ wain kɛ mu mlijai nyɔŋma mli ekomekome lɛ, ni awo he kitã akɛ akɛhã Levibii lɛ kɛ Sɔlemɔ we lalɔi lɛ kɛ agbonaakwɛlɔi lɛ. Nɔ ni fata nibii ni akɛtoɔ tsu nɛɛ mli lɛ he ji afɔlei ni akɛhãa osɔfoi lɛ.

3 Mose 27:29

Gbɔmɔ adesa tete ni akɛ lɛ eke koni akpãtã ehiɛ kɛje gbɔmɛi ateŋ lɛ, akakpɔ̃ lɛ; ana agbe lɛ kɛ̃.

3 Mose 27:31

Kɛji mɔ ko sumɔ akɛ ekpɔ̃ egbɛfaŋ nibii lɛ mlijaa nyɔŋma mli ekome lɛ eko lɛ, no lɛ ekɛ mlijaa enumɔ mli ekome agbe yi kɛwo nyɔmɔ.

Mateo 23:23

“Kpoo hã nyɛ, mlatsɔɔlɔi kɛ Farisifoi, osatofoi! Nyɛhãa kowɛ kɛ anisi kɛ kumino mlijaa nyɔŋmanyɔŋma, shi Mla lɛ mli nii ni he jaraa ni ji jalɛ saneyeli kɛ mɔbɔnalɛ kɛ hemɔkɛyeli lɛ nyɛshiɔ; enɛɛmɛi sa akɛ nyɛfeɔ kɛshiɔ ekrokomɛi lɛ anɔ.

Luka 11:42

Shi kpoo hã nyɛ, Farisifoi, akɛ nyɛhãa kowɛ kɛ shwie kɛ bai srɔtoi fɛɛ mlijaa nyɔŋmanyɔŋma, ni nyɛshiɔ jalɛ saneyeli kɛ suɔmɔ ni akɛsumɔɔ Nyɔŋmɔ lɛ! Kulɛ esa akɛ nyɛfeɔ enɛɛmɛi hu nyɛkɛshiɔ ekrokomɛi lɛ anɔ.

Luka 18:12

mihiɔ ŋmaa shii enyɔ yɛ otsi mli, miŋɔɔ nibii fɛɛ ni minaa lɛ mlijaa nyɔŋma mihãa.’

5 Mose 18:8

Ekɛ enyɛmimɛi osɔfoi krokomɛi lɛ ana afɔleshãa latɛ lɛ naa niyenii lɛ pɛpɛɛpɛ; shi nii ni eeena kɛjɛ etsɛmɛiawe lɛ ekome enɔ ni.

5 Mose 26:12

“Afi ni ji etɛ̃ lɛ nɔ, ni ji mlijai nyɔŋma mli ekomekome hãmɔ afi lɛ, kɛji okɛ oŋmɔshi nii mlijai nyɔŋma mli ekomekome lɛ ehã Levibii lɛ kɛ gbɔi lɛ kɛ awusãi lɛ kɛ okulafoi lɛ ogbe naa, koni amɛna nii amɛye yɛ nyɛmaji lɛ amli lɛ,