3 Mose 27:26 - ŊMALƐ KRƆŊKRƆŊ LƐ

²⁶ “Shi kooloi fɛɛ akromɔbii ni ji Yehowa nii momo lɛ, mɔ ko akajɔɔ eko nɔ ekɛmiike Yehowa: tsina ni jio, too ni jio, Yehowa nɔ ni momo.

Ṅmãle̱ Kroṅkroṅ Le̱

²⁶ Ši koloi *akromo̱bii ní dši Iehowa nii momo le̱, moko akadšō̱ ame̱no̱ mīke Iehowa; tšina dšio, tō dšio, Iehowa nõ ni momo. *2 Mose 13,2.

3 Mose 27:26 ပူးပေါင်းရင်းမြစ်များ

2 Maŋtsɛmɛi 7:5

No hewɔ lɛ, gbɛkɛnaashi, be ni hiɛ bɔ̃i tuutuu feemɔ lɛ, kpitiyelɔi lɛ te shi amɛtee Siriabii lɛ ata lɛ mli; shi be ni amɛshɛɔ jɛi lɛ, mɔ ko mɔ ko bɛ jɛi.

Nehemia 10:36

Tamɔ bɔ ni aŋmã yɛ Mla lɛ mli lɛ, wɔkɛ wɔkromɔbihii kɛ wɔkooloi akromɔbii hu kɛ wɔtsinai akromɔbii kɛ wɔtoi akromɔbii aaaba wɔNyɔŋmɔ lɛ we lɛ wɔkɛbahã osɔfoi lɛ ni sɔ̃mɔɔ yɛ jɛi lɛ.

2 Mose 13:2

“Kromɔbi nuu fɛɛ kromɔbi nuu, ni ji binuu fɛɛ binuu ni gbeleɔ musu naa, yɛ Israelbii ateŋ lɛ ajɔɔ enɔ ahã mi, gbɔmɔ ni jio, kooloo ni jio, ajɔɔ enɔ ahã mi, ejaakɛ minɔ ni.”

2 Mose 22:30

Nakai nɔŋŋ hu ofee otsinai kɛ toi. Kooloo kromɔ nuu lɛ ehi enyɛ masɛi gbii kpawo, ni gbi ni ji kpaanyɔ lɛ ojɔɔ enɔ ohã mi.

3 Mose 27:27

Shi kɛji kooloi ni ahe tseee lɛ eko kromɔbi ni lɛ, no lɛ akpɔ̃ lɛ yɛ jara tɛ ni afo lɛ naa; ni akɛ eyi jara ni awo lɛ mlijaa enumɔ mli ekome ashwie jara ni awo lɛ nɔ kɛwo eyi nyɔmɔ. Shi kɛji nɔtsɛ lɛ kpɔ̃ɔɔ ekooloo lɛ, no lɛ ahɔ̃ɔ lɛ yɛ jara ni awo lɛ kɛkɛ naa.

4 Mose 18:17

Shi tsina loo gwantɛŋ loo abotia kromɔbi lɛ, okahã akpɔ̃ lɛ, ejaakɛ amɛ lɛ amɛhe tse; amɛ okɛshã afɔle okɛhã mi. Okɛ amɛlá lɛ ashwã afɔleshãa latɛ lɛ nɔ, ni oshã amɛmli fɔ lɛ koni efee afɔle ni akɛ la shãa ni jeɔ ŋma woɔ Yehowa.

4 Mose 3:13

Ejaakɛ gbi ni migbe Ijipt shikpɔŋ lɛ nɔ kromɔbii fɛɛ lɛ, mijɔɔ Israelbii akromɔbii fɛɛ anɔ mihã mihe, kɛjɛ gbɔmɔ kromɔbi nɔ kɛyashi shĩa kooloo kromɔbi nɔ. Minii ji amɛ fɛɛ. Mi ji Yehowa.”

5 Mose 15:19

“Nyɛjɔa nyɛtoi lɛ kɛ nyɛtsinai lɛ hu akromɔbii hii fɛɛ ni aaafɔ lɛ anɔ nyɛhãa Yehowa, nyɛNyɔŋmɔ lɛ. Nyɛkɛ tsinai akromɔbii lɛ akatsua nɔ ko nɔ ko; ni nyɛtoi akromɔbii lɛ hu nyɛkakua amɛhe tsɔi.