3 Mose 27:17 - ŊMALƐ KRƆŊKRƆŊ LƐ

¹⁷ Kɛji Nikpɔ̃mɔ Afiyeli lɛ nɔ nɔŋŋ ni ejɔɔ eshikpɔŋ lɛ nɔ eke lɛ, shikpɔŋ lɛ jara lɛ adamɔ jara bɔ ni awo lɛ nɔ nɔŋŋ.

Ṅmãle̱ Kroṅkroṅ Le̱

¹⁷ Ke̱dši nyã́mo̱-afi le̱ no̱ edše̱ edšō̱ ešikpoṅ le̱ no̱ eke le̱, edamo̱ odšra ní oowole̱ no̱.

3 Mose 27:17 ပူးပေါင်းရင်းမြစ်များ

3 Mose 25:10

Nyɛfea afi ni ji afi nyɔŋmai enumɔ lɛ krɔŋkrɔŋ. Ashiɛ heyeli yɛ shikpɔŋ lɛ nɔ ahã enɔ bii fɛɛ. Etsɔ̃ nyamɔ afi ehã nyɛ; mɔ fɛɛ mɔ nɔ ko ni ahɔ̃ɔ lɛ, mɔ lɛ loo eshwie ko aku sɛɛ ayaŋɔ nii lɛ; ni mɔ fɛɛ mɔ hu ni ahɔ̃ɔ lɛ akɛ nyɔŋ lɛ aku esɛɛ eya ewekumɛi aŋɔɔ ekoŋŋ.

3 Mose 25:11

Nɛkɛ afi ni ji nyɔŋmai enumɔ nɛɛ atsɔ nyamɔ afi ahã nyɛ. Nyɛkadua nii yɛ enɔ; ni nyɛkakpaa niyenii ni shikpɔŋ lɛ diɛŋtsɛ baaba ahã nyɛ lɛ nyɛtoa; asaŋ nyɛkakpaa nyɛwaintsei ni akpɔlɔɔɔ amɛhe lɛ anɔ yibii lɛ hu.

3 Mose 25:13

“Nɛkɛ nyamɔ afi nɛɛ mli lɛ nyɛteŋ mɔ fɛɛ mɔ nɔ fɛɛ nɔ ni kulɛ ehɔ̃ɔ lɛ, eya ni eyaŋɔ enii ekoŋŋ.

3 Mose 25:9

Afi nɛɛ nɔ nyɔŋ ni ji kpawo lɛ nɔ gbi ni ji nyɔŋma lɛ, no ji Nikpɔ̃mɔ Gbi lɛ. Akpã tɛtɛrɛmantɛrɛ kɛfo shikpɔŋ tso muu lɛ fɛɛ nɔ yɛ Nikpɔ̃mɔ Gbi nɛɛ nɔ.

3 Mose 27:14

“Kɛji mɔ ko jɔɔ eshĩa nɔ eke Yehowa lɛ, osɔfo lɛ akwɛ nibii ni hi kɛ nibii ni ehiii fɛɛ yɛ shĩa lɛ he koni ewo ejara; ni jara ni osɔfo lɛ baawo lɛ aŋɔ nɔ nakai.

3 Mose 27:16

“Kɛji mɔ ko jɔɔ shikpɔŋ ni ji egboshinii nɔ ekɛke Yehowa lɛ, akwɛ dumɔ wui ni shikpɔŋ lɛ yeɔ falɛ kɛwo shikpɔŋ lɛ jara. Tɛ nɔ ni adamɔ kɛwo jara lɛ ji akoko kiloi nyɔŋmai enyɔ akɛhe jwiɛtɛi shekel nyɔŋma.

3 Mose 27:18

Kɛji afiyeli lɛ sɛɛ dani ejɔɔ eshikpɔŋ lɛ nɔ eke lɛ, no lɛ osɔfo lɛ abu afii abɔ ni eshwɛ dani eshɛɔ Nikpɔ̃mɔ Afi ekoŋŋ yɛ shika mli koni akɛtse jara ni awo lɛ nɔ.