3 Mose 27:13 - ŊMALƐ KRƆŊKRƆŊ LƐ

¹³ Shi kɛji mɔ lɛ miisumɔ akɛ ekpɔ̃ ekooloo lɛ, no lɛ ekɛ kooloo lɛ jara lɛ mlijaa enumɔ mli ekome ashwie kooloo lɛ yi jara ni awo lɛ nɔ kɛwo eyi nyɔmɔ.

Ṅmãle̱ Kroṅkroṅ Le̱

¹³ Ši ké̱ ēsumo̱ ake̱ ekpõ le̱, no le̱ eṅõ edšra le̱ mlidšāi enumo̱ mli ekome eſie no̱.

3 Mose 27:13 ပူးပေါင်းရင်းမြစ်များ

3 Mose 22:14

“Kɛji mɔ ko ni jɛɛɛ osɔfoi aweku mli leee ehe be ni eyaye nɔ krɔŋkrɔŋ lɛ eko lɛ, eto najiaŋ ni ekɛ mlijai enumɔ mli ekome ashi nɔ.

3 Mose 27:10

Mɔ ni wo shi lɛ bɛ hegbɛ akɛ ekɛ kooloo kroko toɔ najiaŋ aloo etsakeɔ; ekɛ kooloo kpakpa akato kooloo gbonyo najiaŋ lɛ, ekɛ kooloo gbonyo akatsake ekpakpa. Kɛji ekɛ kooloo tee emomo lɛ tsakemɔ lɛ, no lɛ klɛŋklɛŋ kooloo momo lɛ kɛ kooloo hee ni ekɛba tsakemɔ lɛ fɛɛ baatsɔ̃ Yehowa nii.

3 Mose 27:12

Osɔfo lɛ akwɛ kpa ni yɔɔ kooloo lɛ he kɛ ehiɛ fɛɛ koni ewo eyi jara. Jara ni osɔfo lɛ baawo lɛ, aŋɔ nɔ nakai.

3 Mose 27:14

“Kɛji mɔ ko jɔɔ eshĩa nɔ eke Yehowa lɛ, osɔfo lɛ akwɛ nibii ni hi kɛ nibii ni ehiii fɛɛ yɛ shĩa lɛ he koni ewo ejara; ni jara ni osɔfo lɛ baawo lɛ aŋɔ nɔ nakai.

3 Mose 27:15

Ni kɛji mɔ ni jɔɔ eshĩa nɔ eke lɛ miisumɔ akɛ ekpɔ̃ eshĩa lɛ, no lɛ ekɛ shĩa lɛ jara ni awo lɛ mlijaa enumɔ mli ekome ashwie jara ni awo lɛ nɔ kɛwo shĩa lɛ he nyɔmɔ, ni shĩa lɛ baatsɔ̃ enɔ ekoŋŋ.

3 Mose 27:19

Kɛji mɔ ni jɔɔ eshikpɔŋ lɛ nɔ eke lɛ sumɔ akɛ ekpɔ̃ shikpɔŋ lɛ, ekɛ shikpɔŋ lɛ jara ni awo lɛ mlijaa enumɔ mli ekome ashwie jara ni awo lɛ nɔ kɛwo nyɔmɔ, ni ebaatsɔ̃ enɔ ekoŋŋ.

3 Mose 27:27

Shi kɛji kooloi ni ahe tseee lɛ eko kromɔbi ni lɛ, no lɛ akpɔ̃ lɛ yɛ jara tɛ ni afo lɛ naa; ni akɛ eyi jara ni awo lɛ mlijaa enumɔ mli ekome ashwie jara ni awo lɛ nɔ kɛwo eyi nyɔmɔ. Shi kɛji nɔtsɛ lɛ kpɔ̃ɔɔ ekooloo lɛ, no lɛ ahɔ̃ɔ lɛ yɛ jara ni awo lɛ kɛkɛ naa.

3 Mose 5:16

Mɔ ni efee esha yɛ onia krɔŋkrɔŋ ko gbɛfaŋ lɛ ato onia ni ehãaa lɛ najiaŋ, ni ekɛ mlijaa enumɔ mli ekome afata he. Ekɛhã osɔfo lɛ. Osɔfo lɛ kɛ too ojwɛni lɛ akpãtã akɛ sɔ̃ afɔle ahã lɛ, koni akɛ esha ni efee lɛ afa lɛ.