3 Mose 26:7 - ŊMALƐ KRƆŊKRƆŊ LƐ

⁷ Nyɛaawo nyɛhenyɛlɔi foi, ni amɛaanyɔnyɔi yɛ nyɛhiɛ yɛ klante naa.

Ṅmãle̱ Kroṅkroṅ Le̱

⁷ Ni nyeawo nyehenye̱lo̱i le̱ afoi, ni ame̱anyõnyõi ye̱ nyehĩe ye̱ klante nā.

3 Mose 26:7 ပူးပေါင်းရင်းမြစ်များ

1 Kronika 19:15

Be ni Amonbii lɛ na akɛ Siriabii lɛ ejo foi lɛ, amɛ hu amɛjo Abishai naa foi ni amɛyabote amɛmaŋ lɛ mli. Kɛkɛ ni Yoab ku esɛɛ ni eba Yerusalɛm.

Ester 9:16

Yudafoi krokomɛi ni yɔɔ maŋtsɛ lɛ nɔyelihei krokomɛi lɛ anɔ lɛ hu buabua amɛhe naa kuikui ni amɛfã amɛwala he, ni amɛgbegbee amɛhenyɛlɔi lɛ ateŋ mɛi akpei nyɔŋmai kpawo kɛ enumɔ, ni amɛna hejɔlɛ yɛ amɛdɛŋ. Shi moŋ amɛhaaa mɛi anii.

Lalai 81:15

Mɛi ni nyɛɔ Yehowa lɛ, aaaba abakoto lɛ, ni amɛtoigbalamɔ lɛ aaakã he aya nɔ kɛaatee naanɔ tɔ̃ɔ.

3 Mose 26:36

“Ni nyɛteŋ mɛi ni baashwɛ yɛ nyɛhenyɛlɔi lɛ ashikpɔji lɛ anɔ lɛ, mahã nyɛtsɔ̃mɔ gbeyeilɔi feetɔi, mɛi ni baa ni etse kɛyaagbee shi gbɛɛmɔ kɛkɛ po baawo amɛ foi, ni amɛbaajo foi tamɔ ajoɔ klante naa foi, ni amɛaanyɔnyɔi, tsɛbelɛ mɔ ko mɔ ko enyiɛɛɛ amɛsɛɛ.

3 Mose 26:6

“Mahã jeŋ ajɔ yɛ nyɛshikpɔŋ lɛ nɔ; ni nyɛaakamɔ shi nyɛwɔ ni mɔ ko mɔ ko woŋ nyɛhe gbeyei. Mahã kooloi fɔ̃ji atã yɛ nyɛshikpɔŋ lɛ nɔ, ni awuŋ ta yɛ jɛi.

3 Mose 26:8

Nyɛteiaŋ gbɔmɛi enumɔ kɛkɛ aaawo henyɛlɔi oha foi, ni nyɛmɛi oha hu aaawo henyɛlɔi akpei nyɔŋma foi. Nyɛhenyɛlɔi lɛ aaanyɔnyɔi yɛ nyɛhiɛ yɛ klante naa.

5 Mose 28:7

“Yehowa aaahã oplene ohenyɛlɔi ni aaabatua bo. Amɛaanyiɛ gbɛ kome nɔ kɛaabatua bo, shi amɛaatsɔ̃ gbɛi kpawo nɔ amɛaajo foi kɛaaje ohiɛ.

5 Mose 32:30

Te feɔ tɛŋŋ ni gbɔmɔ kome kɛkɛ woɔ mɛi akpe foiŋ, ni gbɔmɛi enyɔ kɛkɛ hu woɔ mɛi akpei nyɔŋma foiŋ? Nɔ ni kɛba ji amɛTɛsaa lɛ ekwa amɛ, ni Yehowa eŋmɛɛ amɛhe ehã.

Yoshua 23:10

Nyɛteŋ gbɔmɔ kome aaashwie mɛi akpe kɛ foi. Ejaakɛ Yehowa, nyɛNyɔŋmɔ lɛ, lɛ ji mɔ ni wuɔ nyɛta lɛ ehãa nyɛ tamɔ bɔ ni ewo nyɛ shi eto lɛ.

Kojolɔi 15:15

Kɛkɛ ni ena teji kadaa ŋmɔŋ ko. Ekpã enine mli ekɔ, ni ekɛgbe hii akpe.

Kojolɔi 4:16

Barak kɛ emɛi lɛ tiu shwiilii lɛ kɛ tabilɔi lɛ kɛtee Jeŋbii amaŋ Haroshet lɛ, ni Sisera tabilɔi lɛ fɛɛ nyɔnyɔɔ yɛ klante naa; eshwɛɛɛ mɔ kome nɛkɛ folo.

Kojolɔi 7:23

Ayatsɛ Israel hii lɛ kɛjɛ Naftali kɛ Asher kɛ Manase fɛɛ, ni amɛtiu Midianbii lɛ.

1 Samuel 14:13

Yonatan nyiɛ yɛ eniji kɛ enaji anɔ kɛkwɔ tɛsaa lɛ, ni etawuuniihiɛlɔ lɛ hu fee nakai nɔŋŋ kɛnyiɛ esɛɛ. Yonatan yatua Filistibii lɛ ni eku mɛi fɛɛ ni baje hiɛ lɛ eshwie shi, bɛlɛ etawuuniihiɛlɔ lɛ hu miigbe mɛi kɛnyiɛ esɛɛ.