3 Mose 26:6 - ŊMALƐ KRƆŊKRƆŊ LƐ

⁶ “Mahã jeŋ ajɔ yɛ nyɛshikpɔŋ lɛ nɔ; ni nyɛaakamɔ shi nyɛwɔ ni mɔ ko mɔ ko woŋ nyɛhe gbeyei. Mahã kooloi fɔ̃ji atã yɛ nyɛshikpɔŋ lɛ nɔ, ni awuŋ ta yɛ jɛi.

Ṅmãle̱ Kroṅkroṅ Le̱

⁶ Ni mahã dšeṅ adšo̱ ye̱ šikpoṅ le̱ no̱, ni *nyeawo, ni mokomoko woṅ nyehe gbeyei, ni mahã koloi fõdši ase̱ afo ye̱ nyešikpoṅ le̱ no̱, ni klante hũ tšṍṅ nye-šikpoṅ le̱ no̱. Hiob 11,19.

3 Mose 26:6 ပူးပေါင်းရင်းမြစ်များ

2 Maŋtsɛmɛi 2:24

Elisha tsɔ̃ ehe, ni ekwɛ amɛ, ni ekɛ Yehowa gbɛi lomɔ amɛ. Kɛkɛ ni oshishibrishi yei enyɔ jɛ koo lɛ mli ba, ni amɛbatserɛ gbekɛbii hii lɛ ateŋ mɛi nyɔŋmai ejwɛ kɛ enyɔ mli.

1 Kronika 22:9

Naa, obaafɔ binuu ko. Toiŋjɔlɛ baaba yɛ eyinɔ, ejaakɛ maha ehenyɛlɔi fɛɛ ni bɔle lɛ lɛ ahã ena toiŋjɔlɛ. Abaatsɛ lɛ Solomon, ni mahã Israel ana toiŋjɔlɛ yɛ eyinɔ.

2 Kronika 20:30

Enɛ hewɔ lɛ, Yehoshafat ye emaŋtsɛ lɛ yɛ hejɔlɛ mli ejaakɛ eNyɔŋmɔ lɛ hã heihei ni bɔle lɛ fɛɛ wooo lɛ naagba ko.

Hiob 11:19

Oookã shi, ni mɔ ko woŋ ohe gbeyei; mɛi babaoo aaababi odɛ̃ŋ wamɔ.

Hiob 5:23

Tɛi ehiŋ shikpɔŋ ni ohuɔ nɔ, ni ŋaŋ kooloi kɛ bo aaahi shi kpoo.

Lalai 144:14

Wɔtsinai hu afɔ babaoo; amɛkasharake, ni amɛkalaaje; akanu haomɔ blɔmɔ ko yɛ wɔblohuiaŋ.

Lalai 147:14

Ehãa ohusui anɔ jɔɔ; ehãa otɔɔ kɛ ŋmãa kpakpa.

Lalai 29:11

Yehowa aaahã ewebii lɛ hewalɛ; Yehowa aaajɔɔ emaŋ lɛ kɛ toiŋjɔlɛ.

Lalai 3:5

Mikãa shi miwɔɔ, ni mihiɛ tsɛ̃ɔ; ejaakɛ Yehowa buɔ mihe nyɔɔŋnyɔɔŋ fɛɛ.

Lalai 4:8

Hejɔlɛ mli makã shi mawɔ yɛ, ejaakɛ bo, Yehowa, okoome pɛ ohãa mihiɔ shi shweshweeshwe.

Lalai 85:8

Hã mabo nɔ ni Nuŋtsɔ Nyɔŋmɔ aaawie toi, ejaakɛ ekɛ emaŋ lɛ kɛ ehetselɔi lɛ kɛ mɛi ni kuɔ amɛsɛɛ kɛbaa eŋɔɔ kɛ amɛtsui fɛɛ lɛ, baawie hejɔlɛ wiemɔ.

2 Mose 23:29

Shi moŋ mishwieŋ amɛ yɛ nyɛhiɛ yɛ afi kome nɔ koni shikpɔŋ lɛ akabatsɔ̃ amaŋfɔ̃, koni ŋaŋ kooloi ayi bafa yɛ nɔ wo nyɛ.

Abe̱i 3:24

Kɛ oho okã shi lɛ, osheŋ gbeyei; shi moŋ oookã shi, ni owɔ lɛ aaaŋɔɔ.

Abe̱i 6:22

Kɛji onyiɛ lɛ eeetsɔ̃ɔ bo gbɛ; kɛji okã shi owɔ lɛ, eeebu ohe, ni kɛji ohiɛ tsɛ̃ lɛ, ekɛ bo aaagba sane.

Yesaia 35:8

Gbɛjegbɛ aaakã jɛi, ni aaatsɛ gbɛ lɛ, “Gbɛ Krɔŋkrɔŋ.” Mɔ ko ni he tseee enyiɛŋ nɔ, ni kwashiai tete eduŋ gbɛ yɛ nɔ.

Yesaia 35:9

Jata ko jata ko ehiŋ jɛi; kooloo kakawua ko kwraa tsɔŋ jɛi kɛhoŋ, akɛ ja mɛi ni Yehowa ehere amɛyiwala lɛ kɛkɛ.

Yesaia 45:7

Mi mihãa la kɛ duŋ fɛɛ baa; mihãa anaa hejɔlɛ, ni mihãa jaramɔ baa. Mi ji Yehowa, mɔ ni feɔ enɛɛmɛi fɛɛ lɛ.”

Yesaia 9:7

Emaŋtsɛyeli lɛ shweremɔ kɛ edɛŋ toiŋjɔlɛ lɛ, esɛɛ efoŋ yɛ David maŋtsɛ sɛi lɛ nɔ, kɛ emaŋtsɛyeli hei fɛɛ. Ekɛ jalɛ saneyeli kɛ nɔ ni ja feemɔ baahã emaŋtsɛyeli lɛ ama shi kɛya naanɔ. Yehowa, Taiatsɛ lɛ, kɛ hiɛdɔɔ baafee enɛ.

Yeremia 30:10

“No hewɔ lɛ, bo, mitsulɔ Yakob, kaashe gbeyei; ni Israel, otsui akafã, ejaakɛ mibahere nyɛ kɛ nyɛshwiei hu, kɛjɛ shɔŋŋ shikpɔŋ lɛ nɔ, kɛjɛ amɛnomŋɔɔ shikpɔŋ lɛ nɔ. Yakob baaku esɛɛ eba ni ebahi shi yɛ toiŋjɔlɛ kɛ hejɔlɛ mli; ni mɔ ko mɔ ko woŋ ehe gbeyei. Mi, Yehowa, mikɛɛ.

Yeremia 31:26

Kɛkɛ ni mihiɛ tsɛ̃, ni mina akɛ miwɔ wɔ kpakpa.

Ezekiel 14:15

“Kɛji miha kooloi awuyelɔi bakpa shikpɔŋ lɛ nɔ̃ ni amɛplenee enɔ bii lɛ fɛɛ, ni etsɔ̃ amaŋfɔ̃, bɔ ni mɔ ko mɔ ko tsɔ̃ɔɔ nɔ kɛhooo yɛ kooloi lɛ ahewɔ lɛ,

Ezekiel 14:17

“Aloo kɛji mifã klante miwo nakai shikpɔŋ lɛ nɔ bii, ni mikɛɛ akɛ, akɛ klante akpa shikpɔŋ lɛ nɔ, ni mikpãtã gbɔmɛi kɛ kooloi fɛɛ ahiɛ kɛje shikpɔŋ lɛ nɔ lɛ,

Ezekiel 14:21

Bɔ ni Nuŋtsɔ Yehowa kɛɛ nɛ, “Te eeetamɔ tɛŋŋ kɛji miha nibii ejwɛ ni mikɛgbalaa toi, ni ji klante kɛ hɔmɔ kɛ kooloi awuiyelɔi kɛ gbele hela lɛ ba Yerusalɛm, ni miha amɛkpãtã gbɔmɛi kɛ kooloi ahiɛ yɛ mli?

Ezekiel 34:25

Mikɛ amɛ baakpãŋ kpãŋmɔ ni baahã amɛhe ajɔ amɛ, ni mashwie kooloi awuiyelɔi yɛ shikpɔŋ lɛ nɔ koni amɛhi shi shweshweeshwe yɛ ŋa nɔ; amɛaawɔ yɛ koo mli.

Ezekiel 34:27

Kɛkɛ lɛ ŋa nɔ tsei baawo amɛyibii ni shikpɔŋ lɛ baaba nii babaoo, ni amɛaahi shi shweshweeshwe yɛ amɛshikpɔŋ lɛ nɔ. Kɛji mikumɔ amɛkɔŋtsei ni akɛbɔ amɛ apã lɛ, ni mijie amɛ kɛjɛ mɛi ni yeɔ amɛ nyɔŋ lɛ adɛŋ lɛ, no amɛkɛaale akɛ mi, mi ji Yehowa.

Ezekiel 5:17

Mibahã hɔmɔ kɛ kooloi awuyelɔi aba nyɛnɔ ni amɛaakpakpaa obii lɛ yɛ ohe kɛya, ni gbele hela kɛ láshishwiemɔ hu aaaba, ni mikɛ ta aaabakpãtã ohiɛ. Mi, Yehowa, mikɛɛ.”

Hosea 2:18

“Nakai be lɛ mli lɛ, mikɛ ŋaŋ kooloi kɛ loofɔji kɛ shikpɔŋ lɛ nɔ nibii ni wamɔɔ fɛɛ aaakpãŋ yɛ nyɛhewɔ koni amɛkaye nyɛ awui; ni makumɔ gãi kɛ klante amli, ni mahã tawuu sɛɛ afo yɛ shikpɔŋ lɛ nɔ, ni nyɛbaahi shi shweshweeshwe.

Hosea 2:20

Maye mishiwoo nɔ, ni mafee bo miŋa, ni ooole akɛ mi ji Yehowa.

3 Mose 25:18

“Nyɛyea mikpɔi kɛ mimlai lɛ anɔ; nyɛbaa nyɛjeŋ ekpakpa, ni nyɛaahi shi yɛ shikpɔŋ lɛ nɔ shweshweeshwe.

3 Mose 25:19

Shikpɔŋ lɛ aaaba eniyenii, ni nyɛaaye nyɛtɔrɔ; ni nyɛaahi nɔ shweshweeshwe.

3 Mose 26:22

Maŋmɛɛ ŋaŋ kooloi ahe mawo nyɛteŋ, ni amɛbaagbegbee nyɛbii, ni amɛbaakpãtã nyɛshĩa kooloi ahiɛ, ni amɛbaahã nyɛ nɔ agbɔ, bɔ ni nane baaje nyɛgbɛjegbɛi anɔ.

3 Mose 26:25

Mahã ta abanina nyɛ koni atsɔ̃ no nɔ kɛgbala nyɛtoi, kɛtɔ mi kɛ nyɛ teŋ kpãŋmɔ lɛ mlikuu he owele. Kɛji nyɛbua nyɛhe naa yɛ nyɛmaji wuji amli, yɛ shweshweeshwefeemɔ hewɔ hu lɛ, mibahã gbele hela abote nyɛteŋ, ni nyɛhenyɛlɔi lɛ anine aaashɛ nyɛnɔ.

3 Mose 26:7

Nyɛaawo nyɛhenyɛlɔi foi, ni amɛaanyɔnyɔi yɛ nyɛhiɛ yɛ klante naa.

Mika 4:4

Mɔ fɛɛ mɔ aaata lɛ diɛŋtsɛ ewaintsei kɛ lɛ diɛŋtsɛ egbãmitsei ashishi yɛ hejɔlɛ mli. Yehowa, Taiatsɛ lɛ ni kɛɛ enɛ.

Zefania 3:13

amɛ mɛi ni baashwɛ yɛ Israel lɛ. Amɛfeŋ nɔfɔŋ lɛ, amɛmaleŋ lɛ, mɔshishiumɔ wiemɔ ko ejeŋ amɛnaa. Amɛbaahi shi, ni amɛbaashwere, ni mɔ ko woŋ amɛhe gbeyei.”

Hagai 2:9

Sɔlemɔ we nɛɛ sɛɛkpee anunyam lɛ baafe etsutsu anunyam lɛ, ni biɛ majɛ mahã miwebii lɛ ashwere, Mi Yehowa, Taiatsɛ lɛ, mikɛɛ.”

Zakaria 9:10

Makpãtã ta shwiilii fɛɛ ni aaajɛ Efraim aba lɛ ahiɛ; ni majie ta okpɔŋɔ lɛ hu kɛje Yerusalɛm. Makumɔ tawuu gãii lɛ amli dukuduku. Eeeshi maji lɛ toiŋjɔlɛ ni elumɔyeli aaajɛ ŋshɔnaa kɛyagbee ŋshɔnaa. Ni eeejɛ Eufrate Faa lɛ naa kɛyashi je lɛ naagbee hei tɔ̃ɔ.

Yohane 14:27

“Hejɔlɛ mishiɔ mahã nyɛ, hejɔlɛ ni ji minɔ lɛ mikɛhãa nyɛ, jeee bɔ ni je lɛ hãa lɛ mihãa nyɛ nɛɛ. Nyɛtsui akayea, ni asaŋ nyɛkashea gbeyei.

Bɔfoi 12:6

Shi gbi ni Herode taoɔ akɛ ekɛ Petro aba maŋ lɛ hiɛ lɛ, nakai nyɔɔŋ lɛ mli nɔŋŋ lɛ, ekã asraafoi enyɔ teŋ eewɔ, ni awo lɛ kɔsɔŋkɔsɔi enyɔ, ni bulɔi hu damɔ shinaa lɛ naa amɛmiibu tsu lɛ he.

Romabii 5:1

Agbɛnɛ akɛni adamɔ hemɔkɛyeli nɔ abu wɔ bem hewɔ lɛ, wɔ kɛ Nyɔŋmɔ teŋ yɛ hejɔlɛ kɛtsɔ̃ wɔNuŋtsɔ Yesu Kristo nɔ.