3 Mose 26:5 - ŊMALƐ KRƆŊKRƆŊ LƐ

⁵ Nyɛbaakã he nyɛgbee ŋmãa ni nyɛku aahu kɛyaashi wainyibii tsemɔ be mli, ni nyɛbaahiɛ wainyibii tsemɔ nɛkɛ aahu kɛyashi nidumɔ be mli, ni nyɛaaye nyɛboloo nyɛtɔrɔ. Nyɛaahi nyɛshikpɔŋ lɛ nɔ shweshweeshwe.

Ṅmãle̱ Kroṅkroṅ Le̱

⁵ Ni nyeṅmā̃-gbẽmo̱ aakã no̱ ke̱-ate weinyibii atšemo̱be mli, ni weinyibii atšemo̱ aakã no̱ ke̱-ate nidũmo̱be mli, ni nyeaye nyebolo nyetŏ̱ro̱, ni nyeahĩ ši ſeſēſe ye̱ nyešikpoṅ le̱ no̱. Amos 9,18.

3 Mose 26:5 ပူးပေါင်းရင်းမြစ်များ

Lalai 144:13

Wɔboŋoi lɛ ayimɔ obɔbɔ̃, kɛ niyenii srɔtoi fɛɛ; wɔtoi hu afɔfɔɔ akpekpei, kɛ akpei nyɔŋmanyɔŋmai yɛ ŋa nɔ.

Lalai 90:1

Oo Nuŋtsɔ, bo ji wɔbobaahe yɛ yinɔi fɛɛ mli.

2 Mose 16:8

Mose tee nɔ ekɛɛ amɛ akɛ, “Kɛji gbɛkɛ lɛ Yehowa hã nyɛ loo nyɛye, ni leebi lɛ ehã nyɛ aboloo nyɛye nyɛtɔrɔ, ejaakɛ enu huhuuhu wiemɔi ni nyɛwieɔ nyɛshiɔ lɛ lɛ, wɔ lɛ nɛgbɛ wɔdamɔ? Jeee wɔ nyɛwieɔ huhuuhu nyɛshiɔ lɛ, shi Yehowa mɔŋ ni.”

Abe̱i 1:33

Shi mɔ fɛɛ mɔ ni boɔ mi toi lɛ eeehi shi shweshweeshwe, ehe aaajɔ lɛ, ni esheŋ efɔŋ ko gbeyei.

Abe̱i 18:10

Mɔɔ ni wa ji Yehowa gbɛi lɛ, ni no mli jalɔ shaa foi kɛyaa, ni ehiɔ shi shweshweeshwe.

Yesaia 1:19

Kɛji nyɛmiisumɔ, ni nyɛfee toibolɔi lɛ, no lɛ nyɛbaaye shikpɔŋ lɛ nɔ nii kpakpai lɛ.

Yesaia 30:23

Eeehã nu anɛ ashwie nyɛdumɔ wui ni nyɛdu lɛ nɔ, kɛ ŋmãa ni ekwɛ̃ lɛ nɔ, ni amɛaawo yibii babaoo. Nakai be lɛ mli lɛ, nyɛtsinai lɛ aaaye nii yɛ ŋa ni lɛɛ nɔ,

Yeremia 23:6

Lɛ eyinɔ lɛ abaahere Yuda yiwala, ni Israel baahi shi shweshweeshwe; ni gbɛi ni akɛbaatsɛ lɛ ji, ‘Yehowa ji wɔjalɛ.’ ”

Hosea 2:18

“Nakai be lɛ mli lɛ, mikɛ ŋaŋ kooloi kɛ loofɔji kɛ shikpɔŋ lɛ nɔ nibii ni wamɔɔ fɛɛ aaakpãŋ yɛ nyɛhewɔ koni amɛkaye nyɛ awui; ni makumɔ gãi kɛ klante amli, ni mahã tawuu sɛɛ afo yɛ shikpɔŋ lɛ nɔ, ni nyɛbaahi shi shweshweeshwe.

Hosea 2:20

Maye mishiwoo nɔ, ni mafee bo miŋa, ni ooole akɛ mi ji Yehowa.

Yoel 2:19

Ehere amɛ nɔ, ni ekɛɛ amɛ akɛ, “Agbɛnɛ mibahã nyɛ abele kɛ wain kɛ mu, koni nyɛye nyɛtɔrɔ; maji krokomɛi ebɔŋ nyɛ ahora dɔŋŋ.

Yoel 2:22

Nyɛ ŋaŋ kooloi, nyɛkashea gbeyei, ejaakɛ niyelihe lɛ jwɛifɔ lɛ miifrɔke, ni tsei miiwo amɛyibii, agbãmi kɛ waintso hu ewo pii.

Yoel 2:26

Agbɛnɛ nyɛaana nii pii nyɛaaye nyɛaatɔrɔ. Nyɛaajie Yehowa, nyɛNyɔŋmɔ lɛ, gbɛi lɛ yi, ejaakɛ etsu naakpɛɛ nii ehã nyɛ. Agbeŋ mimaŋ lɛ he guɔ dɔŋŋ.

Amos 9:13

“Naa, gbii miiba,” Yehowa kɛɛ “ni nidulɔi kɛ nidumɔ baanina nikpalɔ ni ekpako nii egbeko naa; ni wain yibii baawo babaoo bɔ ni wainŋalɔ nyɛŋ fɛɛ eŋa, ni wain baatsere kɛbaajɛ gɔji lɛ amli, ni eeeho yɛ gɔŋkpɔi lɛ anɔ tamɔ faa.

Mateo 23:37

“Yerusalɛm, Yerusalɛm, bo ni ogbeɔ gbalɔi lɛ ni otswiaa mɛi ni atsuɔ amɛ oŋɔɔ lɛ atɛi; shii enyiɛ mitao akɛ kulɛ mabua obii anaa tamɔ bɔ ni wuɔ buaa ebii anaa ewoɔ efiji ashishi lɛ, ni nyɛkpɛlɛ̃ɛɛ!

Bɔfoi 14:17

Shi kɛ̃lɛ efɔɔɔ lɛ diɛŋtsɛ ehe odaseyeli, shi moŋ efeɔ ejurɔ ni ehãa nu jɛɔ ŋwɛi nɛɔ hãa nyɛ, kɛ bei ni nii baa pii hu, ni ehãa nyɛtɔrɔɔ, ni miishɛɛ yiɔ nyɛtsuiiaŋ obɔ̃bɔ̃.”

5 Mose 11:15

Ŋa nɔ jwɛi afu ahã nyɛkooloi. Nyɛbaana nii nyɛye ni nyɛtɔrɔ.

1 Timoteo 6:17

Niiatsɛmɛi ni yɔɔ je nɛɛŋ lɛ, wo amɛ kitã ni amɛkabu amɛhe tsɔ̃, ni amɛkɛ amɛhiɛ akafɔ̃ ninamɔ ni anyɛ̃ɛɛ akɛ he afɔ̃ nɔ lɛ nɔ, shi moŋ amɛkɛfɔ̃ Nyɔŋmɔ, mɔ hu ni kɛ nibii fɛɛ hãa wɔ babaoo, akɛ wɔye mliŋɔɔmɔ lɛ nɔ.

1 Petro 1:5

Ni atsɔ̃ɔ hemɔkɛyeli nɔ abuɔ nyɛhe yɛ Nyɔŋmɔ hewalɛ naa atoɔ yiwalaheremɔ ni asaa ato ni abaajie kpo yɛ naagbee be lɛ mli lɛ.