3 Mose 26:41 - ŊMALƐ KRƆŊKRƆŊ LƐ

⁴¹ ni no hewɔ hu mi hu mite shi miwo amɛ, ni mihã amɛyaje amɛhenyɛlɔi shikpɔŋ nɔ lɛ, kɛji amɛtsui ni ekpiliŋ lɛ he jɔ, ni amɛba amɛhe shi, ni amɛkpɛlɛ̃ amɛnifɔɔji lɛ ahe nyɔmɔwoo lɛ nɔ lɛ,

Ṅmãle̱ Kroṅkroṅ Le̱

⁴¹ ni mi hũ midše ame̱he tšei, ni mike̱ame̱ te ame̱henye̱lo̱i ašikpoṅ le̱ no̱ le̱; ke̱dši aleenõ *ame̱fō-tšui le̱ aaba ehe ši, ni †ame̱akplẽ ame̱nifõdšianii le̱ ahe nyõmo̱wo le̱, *Ier. 9,25. †Luk. 23,41.

3 Mose 26:41 ပူးပေါင်းရင်းမြစ်များ

1 Maŋtsɛmɛi 21:29

“Ona bɔ ni Ahab humiɔ shi yɛ mihiɛ agbɛnɛ? Akɛni eba ehe shi yɛ mihiɛ hewɔ lɛ, mihaŋ efɔŋ lɛ aba yɛ eyinɔ nɛɛ; ebi yinɔ moŋ ni mahã efɔŋ lɛ aba ewe lɛ nɔ yɛ.”

2 Kronika 12:12

Akɛ ni Rehoboam ba ehe shi ehã Yehowa hewɔ lɛ, Yehowa ŋmɛɛ emli ni fu Rehoboam lɛ he, ni ekpãtãaa nibii ahiɛ tsɔ̃ ko, ni no hewɔ lɛ, nibii shwere kɛ̃ yɛ Yuda.

2 Kronika 32:26

Shi naagbee mli aahu lɛ Hezekia je ehe sɛɛ, ni lɛ kɛ Yerusalɛm fɛɛ ba amɛhe shi amɛhã Yehowa; ni no hewɔ lɛ, Yehowa gbalaaa amɛtoi yɛ Hezekia yinɔ.

2 Kronika 33:19

Manase faikpamɔ lɛ kɛ bɔ ni Nyɔŋmɔ bo lɛ toi ehã lɛ, kɛ hei grɔŋŋi ni emamɔ jemawɔji ajamɔhei yɛ lɛ, kɛ wɔŋ koi kɛ amãgãi ni efeefee fɛɛ dani eje ehe sɛɛ, ni eba ehe shi ehã Yehowa lɛ, aŋmala yɛ Gbalɔi Ahe Saji Awolo lɛ mli.

2 Kronika 33:23

Amon eyabaaa ehe shi kwraa ehãaa Yehowa tamɔ etsɛ Manase ba ehe shi lɛ, shi moŋ etɔ̃ tɔ̃mɔi babaoo.

Ezra 9:13

Nii ni ba wɔnɔ akɛ toigbalamɔ yɛ wɔnishaianii kɛ wɔfɔ kpeteŋkple ni wɔye lɛ hewɔ lɛ fɛɛ sɛɛ lɛ, bo wɔNyɔŋmɔ lɛ, owoko wɔ nyɔmɔ bɔ ni sa wɔnifɔ̃jianii lɛ, ni ohã wɔhiɛ kã.

Ezra 9:15

Yehowa, Israel Nyɔŋmɔ, jalɔ ji bo; ejaakɛ ashi wɔ akɛ mɛi ni eshwɛ ni eje hiɛkpãtãmɔ lɛ mli tamɔ bɔ ni eyɔɔ ŋmɛnɛ gbi nɛɛ. Naa, wɔyɛ ohiɛ akɛ mɛi ni eye fɔ. Ejaakɛ wɔfɔ ni wɔye lɛ hewɔ lɛ, wɔteŋ mɔ ko mɔ ko nyɛŋ ohiɛ adamɔ.”

Nehemia 9:33

Shi bo lɛ, saji ni eba wɔnɔ nɛɛ fɛɛ mli lɛ, onɔ ja, ejaakɛ bo lɛ oye anɔkwa, shi wɔ lɛ wɔfee efɔŋ.

Lalai 39:9

Mitɔ mu: mitswaaa misɛŋ, ejaakɛ bo ohã mipiŋ.

2 Mose 10:3

Kɛkɛ ni Mose kɛ Aaron tee Farao ŋɔɔ, ni amɛyakɛɛ lɛ akɛ, “Bɔ ni Yehowa, Hebribii aNyɔŋmɔ lɛ, kɛɛ nɛ, ‘Mɛɛ beyinɔ po oookpɛ̃lɛ koni oba ohe shi ohã mi? Hã mimaŋ lɛ aya koni amɛyaja mi.

Yeremia 4:4

Nyɛjiea nyɛtsuii amli muji lɛ nyɛshwiea tamɔ afoɔ ketia kɛjieɔ foo koni nyɛkɛ nyɛhe ahã Yehowa. Nyɛ Yudahii kɛ nyɛ Yerusalɛmbii, kɛjeee nakai lɛ mimlila lɛ baanina nyɛ tamɔ la yɛ nyɛnifɔɔjianii lɛ ahewɔ, ni ebaashã nii, mɔ ko bɛ ni aaanyɛ agbe.”

Yeremia 6:10

“Namɛi mikɛaawie, ni mabɔ amɛ kɔkɔ, ni amɛaabo mi toi? Naa, amɛtoii etsimɔ no hewɔ lɛ, amɛnuuu nɔ. Naa, Yehowa wiemɔ lɛ etsɔ̃ hefɛoyeli sane ehã amɛ, ni amɛnaaa he miishɛɛ.

Ezekiel 14:23

Kɛji nyɛna amɛjeŋba kɛ amɛnifeemɔnii lɛ pɛ nyɛbaanu shishi, no aaahã nyɛle akɛ nii fɛɛ ni mifee Yerusalɛm lɛ mifee ni shishinumɔ yɛ he.” Nuŋtsɔ Yehowa kɛɛ.

Ezekiel 20:43

Ni jɛi nyɛaakai nyɛjeŋba kɛ nibii fɛɛ ni nyɛfee ni nyɛkɛbule nyɛhe lɛ yɛ, ni nyɛ diɛŋtsɛ nyɛhe aaafee nyɛ nyaŋemɔ yɛ nifɔɔjianii fɛɛ ni nyɛfee lɛ hewɔ.

Ezekiel 44:7

Kɛji nyɛkɛ miniyenii afɔle ni ji fɔ kɛ lá lɛ miiba lɛ, nyɛkaŋmɛa maŋsɛɛbii ni ji tsuiŋ foolɔi lɛ gbɛ ni amɛmiiba miHe Krɔŋkrɔŋ lɛ ni amɛbule lɛ. Nyɛmusubɔɔnii fɛɛ lɛ asɛɛ lɛ, nyɛku mikpãŋmɔ lɛ hu mli nyɛfata he.

Ezekiel 44:9

“Maŋsɛɛbii fɛɛ ni yɔɔ Israelbii ateŋ lɛ ateŋ mɔ ko mɔ ko ni ji tsuiŋ foolɔ kɛ helooŋ foolɔ akabote miHe krɔŋkrɔŋ lɛ.”

Ezekiel 6:9

no lɛ nyɛteŋ mɛi ni eje gbele mli lɛ aaakai mi yɛ majimaji lɛ ateŋ hei ni aŋɔ amɛ nom kɛtee lɛ. Kɛji mikumɔ amɛyiŋ flɛflɛ tsuii ni hã amɛkɛ yiŋ flɛflɛ yanyiɛ amɛmãgãi lɛ asɛɛ lɛ, amɛaanyaŋe amɛ diɛŋtsɛ amɛhe yɛ nifɔɔjianii kɛ musubɔɔ nii ni amɛfee lɛ fɛɛ ahewɔ.

3 Mose 26:24

no lɛ mi hu mate shi mawo nyɛ, ni magbala nyɛtoi shii kpawo fe tsutsu lɛ yɛ nyɛtɔ̃mɔi lɛ ahewɔ.

3 Mose 26:28

no lɛ mi hu mate shi mawo nyɛ kɛ mlila, ni magbala nyɛtoi shii kpawo fe tsutsu lɛ yɛ nyɛtɔ̃mɔi lɛ ahewɔ.

4 Mose 5:7

no lɛ ejaje esha ni efee lɛ, ni eto mɔ ni efee lɛ esha lɛ najiaŋ; asaŋ ekɛ nii ni ekɛtoɔ mɔ lɛ najiaŋ lɛ mlijaa enumɔ mli ekome afata he ehã mɔ lɛ.

Mateo 23:12

Mɔ fɛɛ mɔ ni aaawo ehe nɔ lɛ, aaaba lɛ shi; ni mɔ fɛɛ mɔ ni aaaba ehe shi lɛ, aaawo enɔ.

Luka 14:11

Ejaakɛ mɔ fɛɛ mɔ ni woɔ ehe nɔ lɛ, aaaba lɛ shi, ni mɔ ni baa ehe shi lɛ, aaawo enɔ.”

Luka 18:14

Miikɛɛ nyɛ akɛ, nɛkɛ nuu nɛɛ yiŋ etee ewe ni abu lɛ bem fe mɔ kome lɛ. Ejaakɛ mɔ fɛɛ mɔ ni woɔ ehe nɔ lɛ aaaba lɛ shi, shi mɔ ni baa ehe shi lɛ, aaawo enɔ.”

Bɔfoi 7:51

“Nyɛ kuɛŋtilɔi kɛ tsuiiaŋ kɛ toiiaŋ foolɔi! Nyɛ lɛ, daa nɛɛ nyɛkuɔ Mumɔ Krɔŋkrɔŋ lɛ naa; bɔ ni nyɛtsɛmɛi lɛ fee lɛ, nakai nyɛ hu nyɛfeɔ.

Galatabii 5:6

Ejaakɛ Kristo Yesu mli lɛ, jeee ketiafoo, ni asaŋ jeee foo hu ni nyɛɔ nɔ ko efeɔ, shi moŋ hemɔkɛyeli ni tsɔ̃ɔ suɔmɔ nɔ etsuɔ nii lɛ.

5 Mose 10:16

No hewɔ lɛ, nyɛtsakea nyɛtsui ni nyɛkpliŋ lɛ, ni nyɛkafea nyɛhe kuɛŋtilɔi dɔŋŋ.

5 Mose 30:6

Yehowa, nyɛNyɔŋmɔ lɛ, aaahã nyɛ kɛ nyɛshwiei hu atsake nyɛtsui bɔ ni afee ni nyɛkɛ nyɛtsui kɛ nyɛnyɛmɔ fɛɛ asumɔ Yehowa, nyɛNyɔŋmɔ lɛ, koni nyɛyi ana wala.

5 Mose 31:21

Kɛji saji fɔ̃ji kɛ hejaramɔ babaoo eba amɛnɔ lɛ, lala nɛɛ aaaye mi kɛ amɛteŋ odase, ejaakɛ amɛshwiei ahiɛ kpaŋ lala nɛɛ nɔ, ni lala lɛ aaahi amɛdaaŋ daa. Amrɔmrɔ nɛɛ po, dani mikɛ amɛ aaaya ayashɛ shikpɔŋ lɛ ni mikã he kitã akɛ mikɛbaahã amɛ lɛ nɔ lɛ, mile yiŋ ni amɛtoɔ momo.”

Filipibii 3:3

Ejaakɛ wɔ moŋ wɔji ketiafolɔi lɛ, wɔ mɛi ni wɔjaa Nyɔŋmɔ yɛ mumɔ naa, ni wɔshwãa wɔfɔ̃ɔ Kristo Yesu nɔ, ni wɔkɛ wɔhiɛ efɔ̃ɔɔ gbɔmɔtso nifeemɔ nɔ lɛ,

Kolosebii 2:11

Lɛ emli afolɔ nyɛ ketia hu yɛ, jeee ketia ni akɛ nine fo, shi moŋ ketiafoo ni ji heloo gbɔmɔtso lɛ jiemɔ yɛ Kristo ketiafoo lɛ mli.