3 Mose 26:39 - ŊMALƐ KRƆŊKRƆŊ LƐ

³⁹ Ni nyɛteŋ mɛi ni aaashwɛ lɛ, mligbigblimɔ sɔŋŋ baagbegbee nyɛ yɛ nyɛhenyɛlɔi lɛ ashikpɔji lɛ anɔ yɛ nyɛtɔ̃mɔi lɛ ahewɔ. Nakai nɔŋŋ hu nyɛaagbigbli nyɛmli tamɔ nyɛtsɛmɛi lɛ kɛyaashi nyɛaagboi tamɔ amɛ.

Ṅmãle̱ Kroṅkroṅ Le̱

³⁹ Ni mei ní aaſe̱ ye̱ nyeteṅ le̱ aatărã lō ye̱ ame̱nišaianii le̱ ahewo ye̱ nyehenye̱lo̱i le̱ ašikpõdši le̱ ano̱, ni asaṅ ame̱atărã lō ye̱ ametšemei le̱ anišaianii le̱ ahewo hũ tamo̱ ame̱ noṅṅ.

3 Mose 26:39 ပူးပေါင်းရင်းမြစ်များ

2 Kronika 34:24

‘Mi, Yehowa, mibafee biɛ nɛɛ kɛ emli bii fɛɛ efɔŋ; mahã loomɔi fɛɛ ni aŋmala yɛ wolo ni akane atsɔ̃ɔ Yuda maŋtsɛ lɛ mli lɛ fɛɛ aba mli.

Ezra 9:7

Fɔbuu kã wɔnɔ kɛjɛ wɔtsɛmɛi lɛ ayinɔ aahu kɛbashi ŋmɛnɛ. Wɔnishaianii lɛ ahewɔ lɛ ohã shikpɔji lɛ anɔ maŋtsɛmɛi lɛ anine eshɛ wɔ kɛ wɔmaŋtsɛmɛi kɛ wɔsɔfoi lɛ anɔ. Akɛ klante ekpãtã wɔhiɛ, aŋɔ wɔ nom, wɔnibii ni wɔyɔɔ lɛ aha, ni ashwie wɔhiɛ shi tamɔ bɔ ni eyɔɔ ŋmɛnɛ nɛɛ.

Nehemia 1:9

shi kɛji nyɛkpale kɛba miŋɔɔ, ni nyɛye mikitãi lɛ anɔ lɛ, kɛji mɛi ni agbɛ ashwã lɛ yaje jeŋ naagbeehe tete lɛ, mabua amɛnaa kɛaajɛ jɛi tɔ̃ɔ, ni makpala amɛ kɛaaba he ni mito ni aja mi yɛ lɛ.’

2 Mose 20:5

“Kaaja amɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi, ni miwoɔ tsɛmɛi kɛ bii anyɔmɔ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

2 Mose 34:7

mɔ ni yɔɔ suɔmɔ hã mɛi akpei abɔ, ni ekɛ tɔ̃mɔ kɛ esha faa, shi ehãaa tɔ̃lɔ ko aye ehe tswaa, ni ewoɔ bii nyɔmɔ yɛ amɛtsɛmɛi lɛ anajiaŋ yɛ tsɛmɛi lɛ atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ lɛ nɔ lɛ.”

Yesaia 14:21

Nyɛsaa gbɛhe nyɛtoa maŋtsɛ nɛɛ bii lɛ yɛ amɛtsɛmɛi anɔsha lɛ hewɔ koni amɛkate shi amɛmiiŋɔ shikpɔŋ lɛ amɛmiifee amɛnɔ, ni amɛmiimamɔ maji amɛmiiwo je lɛ mli obɔ̃.”

Yesaia 24:16

Wɔmiinu yijiemɔ kɛ Jalɔ Koome lɛ hiɛ nyamwoo lalai kɛmiijɛ shikpɔŋ lɛ naagbeehei fɛɛ. Shi mi lɛ mikɛɛ akɛ, “Miitã loo! Miitã loo! Kpoo ha mi, ejaakɛ kutumpɔfoi miiye mihe kutumpɔo! Kutumpɔfoi miiye mihe kutumpɔo waa diɛŋtsɛ!

Yeremia 29:12

Nakai be lɛ nyɛaafo nyɛtsɛ mi, ni nyɛaaba nyɛbasɔle nyɛkpa mi fai, ni mibabo nyɛ toi.

Yeremia 3:25

Nyɛhãa wɔhiɛshishwiemɔ lɛ aha wɔnɔ tamɔ mama, ejaakɛ wɔ kɛ wɔtsɛmɛi lɛ, kɛjɛ wɔblahiiaŋ aahu kɛbashi ŋmɛnɛ gbi nɛɛ nɔ lɛ, wɔfee esha wɔshi Yehowa, wɔNyɔŋmɔ lɛ, ni wɔboko Yehowa, wɔNyɔŋmɔ lɛ, gbee toi.”

Yeremia 31:29

“Nakai be lɛ mli lɛ amɛkɛŋ dɔŋŋ akɛ, ‘Tsɛmɛi eye wainyibii ŋmilikitii, ni bii moŋ anyanyɔji eshɔ̃.’

Yāfó 1:3

Yuda eshi eshikpɔŋ nɔ yɛ amanehulu kɛ nyɔŋyeli tuutu hewɔ; eyahi majimaji lɛ ateŋ; shi enaaa hejɔlɛ yɛ he ko he ko. Ehenyɛlɔi ni nyiɛ esɛɛ lɛ anine eshɛ enɔ yɛ nififiaŋ.

Yāfó 4:9

Mɛi ni nyɔnyɔi yɛ ta lɛ mli lɛ anɔ hi kwraa fe mɛi ni gboɔ yɛ hɔmɔ naa lɛ, fe mɛi ni ŋmɔshi nibaanii ni amɛnaaa amɛye ni no hã amɛtã loo ni amɛpiŋ lɛ.

Ezekiel 18:19

“Kɛ̃lɛ nyɛbiɔ akɛ, ‘Mɛɛ hewɔ esaaa akɛ bi naa amanehului yɛ esha ni etsɛ efee hewɔ?’ Kɛji bi lɛ yeɔ jalɛ sane, ni efeɔ nɔ ni ja, ni eyeɔ mikpɔi lɛ fɛɛ anɔ jogbaŋŋ lɛ, no lɛ esa akɛ eyi ana wala kɛ̃.

Ezekiel 20:43

Ni jɛi nyɛaakai nyɛjeŋba kɛ nibii fɛɛ ni nyɛfee ni nyɛkɛbule nyɛhe lɛ yɛ, ni nyɛ diɛŋtsɛ nyɛhe aaafee nyɛ nyaŋemɔ yɛ nifɔɔjianii fɛɛ ni nyɛfee lɛ hewɔ.

Ezekiel 24:23

Nyɛbaafimɔ nyɛbɔnduku lɛ, ni nyɛtokotai lɛ aahi nyɛnaji, nyɛwoŋ yara, asaŋ nyɛfoŋ, shi moŋ yɛ nyɛnishaianii ahewɔ lɛ, nyɛaatãrã loo, ni nyɛaakɛ̃mɔ nyɛtsɔ̃ɔ nyɛhe.

Ezekiel 33:10

“Agbɛnɛ, bo Gbɔmɔ Adesa, kɛɛmɔ Israel we lɛ akɛ nɔ ni nyɛkɛɛ pɛŋ ji akɛ, ‘Wɔtɔ̃mɔi lɛ kɛ wɔhe eshai lɛ miisu wɔtsui, ni ehã wɔtãra loo. Te aaafee tɛŋŋ mɔ, ni wɔyi ana wala hu?’

Ezekiel 36:31

Enɛ baahã nyɛkai nyɛjeŋba fɔŋ ni nyɛba kɛ nii gbohii ni nyɛfee lɛ; ni nyɛ diɛŋtsɛ nyɛhe aaafe nyɛ nyaŋemɔ yɛ eshai ni nyɛfee lɛ kɛ musubɔɔ nii ni nyɛfeefee lɛ ahewɔ.

Ezekiel 4:17

Mafee enɛ koni aboloo kɛ nu he ahia amɛ, ni amɛbaakwɛkwɛɛ amɛhe kɛ hejɔ̃mɔ, ni amɛaatãra loo yɛ amɛtoigbalamɔ mli.”

Ezekiel 6:9

no lɛ nyɛteŋ mɛi ni eje gbele mli lɛ aaakai mi yɛ majimaji lɛ ateŋ hei ni aŋɔ amɛ nom kɛtee lɛ. Kɛji mikumɔ amɛyiŋ flɛflɛ tsuii ni hã amɛkɛ yiŋ flɛflɛ yanyiɛ amɛmãgãi lɛ asɛɛ lɛ, amɛaanyaŋe amɛ diɛŋtsɛ amɛhe yɛ nifɔɔjianii kɛ musubɔɔ nii ni amɛfee lɛ fɛɛ ahewɔ.

Hosea 5:15

“Mibagbala mihe shi mashi amɛ kɛyaashi amɛaakpɛlɛ̃ amɛtɔ̃mɔ nɔ, ni amɛaabatao misɛɛgbɛ. Ekolɛ fimɔ be lɛ mli lɛ amɛaatao mi.”

Zakaria 10:9

Migbɛ amɛ mishwã maŋsɛɛ maji anɔ moŋ; shi kɛ̃lɛ, amɛaakai mi, yɛ hei ni amɛyɔɔ yɛ shɔŋŋ lɛ. Amɛ kɛ amɛbii fɛɛ yi aaana wala, ni amɛaaku amɛsɛɛ amɛaaba ekoŋŋ.

4 Mose 14:18

‘Mi, Yehowa, mimli fuuu mra, ni mimɔbɔnalɛ hu fa; ni mikɛ tɔ̃mɔ kɛ efɔŋfeemɔ faa; shi kɛ̃lɛ mihãaa tɔ̃lɔ aŋɔ ehe aye, ni miwoɔ bii anyɔmɔ yɛ tsɛmɛi atɔ̃mɔi ahewɔ kɛyashiɔ yinɔ ni ji etɛ̃ kɛ yinɔ ni ji ejwɛ tete nɔ.’

5 Mose 28:65

Onaŋ hejɔlɛ, ni asaŋ onaŋ nanemaahe hu yɛ maji nɛɛ ateŋ; aaahã otsui afã, ni ooofee yeyeeye kɛ tsuiyeli yɛ jɛi;

5 Mose 30:1

“Mikɛ saji nɛɛ ni ji jɔɔmɔ kɛ loomɔ miishwie nyɛhiɛ; kɛ ena eba nyɛnɔ beiaŋ ni nyɛyɔɔ maji anɔ fɛɛ ni Yehowa, nyɛNyɔŋmɔ lɛ, eshwie nyɛ kɛtee lɛ, ni nyɛaakai nɔ ni mikɛɛ nyɛfee lɛ,

5 Mose 5:9

Kaaja nibii nɛɛ, ni kaasɔ̃mɔ amɛ hu, ejaakɛ mi Yehowa, oNyɔŋmɔ lɛ, Nyɔŋmɔ ni yeɔ awuŋã ji mi; ni miwoɔ tsɛmɛi kɛ bii nyɔmɔ yɛ tsɛmɛi lɛ atɔ̃mɔi lɛ ahewɔ, kɛyashiɔ yinɔ ni ji etɛ̃ kɛ yinɔ ni ji ejwɛ tete ni nyɛɔ mi lɛ nɔ.

5 Mose 8:20

Bɔ ni Yehowa baahã maji ni nyɛkɛaakpe lɛ ahiɛ akpãtã lɛ, nakai nɔŋŋ nyɛ hu nyɛhiɛ aaakpãtã kɛji nyɛbooo Yehowa, nyɛNyɔŋmɔ lɛ wiemɔ toi lɛ.”