3 Mose 26:32 - ŊMALƐ KRƆŊKRƆŊ LƐ

³² Makpãtã shikpɔŋ lɛ hiɛ bɔ ni nyɛhenyɛlɔi lɛ diɛŋtsɛ ni aaabahi nɔ lɛ tete ahiɛ aaafee amɛ yaa.

Ṅmãle̱ Kroṅkroṅ Le̱

³² Ni midientše̱ po makpãtã šikpoṅ le̱ hīe, bo̱ni nyehenye̱lo̱i ni aahĩ no̱ le̱ tete ahĩe aafeame̱ yā.

3 Mose 26:32 ပူးပေါင်းရင်းမြစ်များ

1 Maŋtsɛmɛi 9:8

Nɛkɛ Sɔlemɔ we nɛɛ baabutu kwraa, bɔ ni kɛji mɔ ko baho ni ena lɛ, ehe baajɔ̃ ehe, ni eeebo, ‘tsiaa!’ Mɛi aaabi akɛ, ‘Te eba tɛŋŋ ni Yehowa fee shikpɔŋ nɛɛ kɛ Sɔlemɔ we nɛɛ nɛkɛ?’

Yesaia 24:1

Naa, Yehowa baakpãtã je lɛ hiɛ koni efee lɛ amaŋfɔ̃? Ebaatsɔ̃ je lɛ hiɛ ebu shi, ni ebaagbɛ enɔ bii lɛ eshwã.

Yesaia 5:6

Mibahã emli atsa; akpɔlɔŋ emli tsei lɛ ahe, ni ahuŋ he; kpitikpitii kɛ ŋmeii baatsa yɛ mli. Mibawo atatui lɛ kitã akɛ amɛkanɛ nu amɛshwie nɔ.”

Yesaia 5:9

Yehowa, Taiatsɛ, wie yɛ mi diɛŋtsɛ mitoiŋ akɛ, “Bɔ fɛɛ bɔ ni fee lɛ, shĩai pii baatsɔmɔ amaŋfɔ̃, shĩai wuji fɛɛfɛji baakamɔ shi ni gbɔmɛi bɛ mli.

Yesaia 6:11

Kɛkɛ ni mikɛɛ akɛ, “Ao, Nuŋtsɔ, kɛyaashi mɛɛ beyinɔ?” Eto he akɛ, “Kɛyaashi beyinɔ ni maji lɛ aaatsɔ̃mɔ amaŋfɔ̃i ni adesa ko bɛ amɛmli, ni shĩai lɛ aaajwere shi efoji ni gbɔmɛi bɛ mli, ni shikpɔŋ lɛ aaatsɔ̃ amaŋfɔ̃ kwraa.

Yesaia 64:10

Omaji krɔŋkrɔŋi lɛ etsɔmɔ ŋa nɔ: Zion etsɔ ŋa nɔ, Yerusalɛm etsɔ amaŋfɔ̃.

Yeremia 12:11

Amɛhã etsɔ̃ amaŋfɔ̃; ekã shi amaŋfɔ̃ eefo eetsɛ mi. Shikpɔŋ tso muu lɛ fɛɛ etsɔ̃ amaŋfɔ̃, shi jeee mɔ ko mɔ ko he sane ko ni.

Yeremia 18:16

Amɛhã amɛshikpɔŋ lɛ etsɔ̃ nyaŋemɔnɔ, ni abaabo lɛ ‘tsia!’ daa. Mɔ fɛɛ mɔ ni aaatsɔ̃ jɛi kɛho lɛ he aaajɔ̃ ehe, ni eeehoso eyitso.

Yeremia 19:8

Mahã maŋ nɛɛ atsɔ̃ nyaŋemɔnɔ, ni abaabo lɛ ‘tsia!’ Ni mɔ fɛɛ mɔ ni aaatsɔ̃ jɛi kɛho lɛ he aaajɔ̃ ehe, ni ebaabo ‘tsia’ yɛ amanehulu ni maŋ lɛ ena lɛ hewɔ.

Yeremia 25:11

Shikpɔŋ tso muu nɛɛ fɛɛ baatsɔ̃ amaŋfɔ̃ kɛ shiaŋa tete; ni majimaji nɛɛ baasɔ̃mɔ Babilon maŋtsɛ lɛ afii nyɔŋmai kpawo.

Yeremia 25:18

Yerusalɛm kɛ Yuda shikpɔŋ lɛ nɔ maji wuji lɛ kɛ amɛmaŋtsɛmɛi kɛ lumɛi lɛ fɛɛ koni amɛtsɔ̃mɔ amaŋfɔ̃ kɛ shiaŋa kɛ nɔ ni aboɔ lɛ ‘tsia!’ Kɛ loomɔnɔ tamɔ bɔ ni eyɔɔ ŋmɛnɛ gbi nɛɛ.

Yeremia 25:38

Yehowa eshi emɛi lɛ tamɔ jata shiɔ ebu efɔ̃ɔ shi; ejaakɛ amɛshikpɔŋ lɛ etsɔ̃ amaŋfɔ̃ yɛ klante ni henyɛlɔ fã yɛ amɛnɔ kɛ Yehowa mlifu ni naa wa lɛ hewɔ.”

Yeremia 33:10

Yehowa kɛɛ akɛ, “Biɛ nɛɛ ni nyɛkɛɔ yɛ he akɛ ehiɛ ekpãtã, ni gbɔmɔ loo kooloo bɛ biɛ dɔŋŋ, kɛ Yuda maji lɛ kɛ Yerusalɛm blohuiaŋ ni etsɔ̃mɔ amaŋfɔ̃i, ni gbɔmɛi loo kooloi bɛ amɛmli lɛ, abaanu

Yeremia 44:2

Yehowa Taiatsɛ, Israel Nyɔŋmɔ lɛ, kɛɛ Yeremia akɛ, “Bɛ nyɛ diɛŋtsɛ nyɛna sane fɔŋ ni mihã eye Yerusalɛm kɛ Yuda maji lɛ fɛɛ? Naa, ŋmɛnɛ amɛtsɔ̃mɔ amaŋfɔ̃i, ni mɔ ko mɔ ko ehiii amɛmli,

Yeremia 44:22

No hã be ni Yehowa nyɛɛɛ nifɔɔji kɛ musubɔɔ nibii ni nyɛfeɔ lɛ dɔŋŋ lɛ, ehã nyɛshikpɔŋ lɛ tsɔ̃ amaŋfɔ̃, shikpɔŋ ni hiɛ ekpãtã, ni mɔ ko mɔ ko bɛ jɛi, ni atsɛɔ egbɛi akɛlomɔɔ kɛ ŋmɛnɛ nɛɛ lɛ.

Yeremia 9:11

Kɛkɛ ni Yehowa kɛɛ akɛ, “Mahã Yerusalɛm atsɔ̃ maŋ koikoi, ebaatsɔ̃ ŋaŋgbei ashihilɛhe. Yuda maji lɛ baatsɔ̃ amaŋfɔ̃ ni mɔ ko mɔ ko ehiŋ jɛi.”

Yāfó 4:12

Je lɛ mli maŋtsɛmɛi heee yeee, ni gbɔmɛi ni yɔɔ jeŋ hu heee yeee, akɛ henyɛlɔ ko aaanyɛ Yerusalɛm agboi amli ebote.

Yāfó 5:18

Ejaakɛ Zion Gɔŋ lɛ nɔ kã shi amaŋfɔ̃. Jɛi etsɔ̃ ŋaŋgbei ashikpaahe.

Ezekiel 5:15

“Kɛ mikɛ mlifu kɛ mlila kojo bo lɛ, magbala otoi, ni oootsɔ̃ ahorabɔɔ nɔ kɛ heguɔgbee nɔ kɛ kɔkɔbɔɔ nɔ kɛ hejɔ̃mɔ nɔ ohã jeŋmaji ni bɔle ohe kɛkpe lɛ. Mi, Yehowa, miwie enɛ.

Daniel 9:18

Ao! MiNyɔŋmɔ, ofainɛ ni obo mi toi; wo ohiɛ nɔ koni okwɛ wɔmaŋfɔ̃i lɛ kɛ maŋ ni akɛ ogbɛi ewo lɛ lɛ. Ejaakɛ wɔbaaa ohiɛ kɛ wɔfaikpamɔ yɛ wɔjalɛ naa; shi moŋ wɔmiikpa bo fai yɛ omusuŋtsɔlɛ kpeteŋkple lɛ hewɔ.

Daniel 9:2

Eklɛŋklɛŋ afi lɛ mli, be ni, mi Daniel, mihiɛ woji amli kwɛmɔ lɛ, mina akɛ afii abɔ ni Yehowa kɛɛ Gbalɔ Yeremia akɛ Yerusalɛm baakã shi amaŋfɔ̃ kɛyashi lɛ ji afii nyɔŋmai kpawo.

Habakuk 3:17

Eyɛ mli akɛ agbãmi tso gbaŋ afofro, ni yibii ehiŋ wain tsei anɔ; eyɛ mli akɛ mu tsei ayibii baafee yaka, ni anaŋ ŋmɔshi niyenii; eyɛ mli akɛ toi fɛɛ aaagboi, ni tsinai aaatã yɛ tsina tsui amli nɛ.

Luka 21:20

“Shi kɛ nyɛna akɛ tai ebɔle Yerusalɛm lɛ, belɛ nyɛnaa nyɛlea akɛ efitemɔ lɛ eshɛ.

5 Mose 28:37

Oootsɔ̃ gbeyei nɔ kɛ naakpɛɛ nɔ ni akɛbaabu abɛ yɛ maji amli he ni Yehowa kɛ bo aaatee lɛ.