3 Mose 26:31 - ŊMALƐ KRƆŊKRƆŊ LƐ

³¹ Mahã nyɛmaji lɛ atsɔ̃mɔ amaŋfɔ̃i, ni mafite nyɛjamɔhei lɛ hu; ni mihereŋ nyɛtsofakɛŋma lɛ ŋma dɔŋŋ.

Ṅmãle̱ Kroṅkroṅ Le̱

³¹ Ni mafe nyemãdši le̱ amaṅfõi, ni makpãtã nyehei kroṅkroṅi le̱ ahĩe, ni mihereṅ nyetšofã-ke̱-ṅma le̱ ṅmadšē le̱.

3 Mose 26:31 ပူးပေါင်းရင်းမြစ်များ

1 Mose 8:21

Be ni Yehowa here afɔle lɛ ŋma jurɔ lɛ, ekɛɛ ehe akɛ, “Milomɔŋ shikpɔŋ lɛ yɛ gbɔmɔ hewɔ dɔŋŋ, ejaakɛ nii ni gbɔmɔ jwɛŋɔ yɛ eyiŋ lɛ efɔŋ ni kɛjɛ egbekɛbiiashi; ni asaŋ mikpãtãŋ nɔ fɛɛ nɔ ni hiɛ kã hiɛ dɔŋŋ, tamɔ bɔ ni mifee nɛɛ.

2 Maŋtsɛmɛi 22:19

otsake otsui, ni oba ohe shi yɛ mi, Yehowa, mihiɛ, ni okɛ dɔlɛ gbala otadei yɛ ohe, ni okɛ dɔlɛ fo yɛ mihiɛ, be ni onu nɔ ni miwie yɛ biɛ kɛ biɛ nɛɛ bii ahe akɛ amɛbaatsɔ̃mɔ amaŋfɔ̃ kɛ loomɔ hewɔ lɛ, mi hu minu osɔlemɔ lɛ, mi Yehowa, mi mikɛɛ.

2 Kronika 36:19

Ema Sɔlemɔ we lɛ naa la ni eshã lɛ, ni ekumɔ Yerusalɛm he gbogbo lɛ eshwie shi. No sɛɛ lɛ, ema maŋ muu lɛ naa la ni eshã lɛ kɛ emli mɔji fɛɛfɛji lɛ kɛ jwetrii fɛɛ.

Nehemia 1:3

Amɛto he akɛ, “Mɛi ni aŋɔ amɛ nom lɛ ateŋ mɛi ni hiɛ kã lolo ni yɔɔ shikpɔŋ lɛ nɔ lɛ miina amanehulu kpele, ni amɛhiɛ eshwie shi. Yerusalɛm gbogbo lɛ akumɔ ashwie shi, ni enaa agboi lɛ ashã.

Nehemia 2:17

Shi agbɛnɛ mikɛɛ amɛ akɛ, “Nyɛ diɛŋtsɛ nyɛmiina nɔ amane mli ni wɔyɔɔ, bɔ ni Yerusalɛm ekumɔ kɛbua shi, ni ehe agboi lɛ hu ashã. Nyɛbaa ni nyɛhãa wɔtswaa Yerusalɛm gbogbo lɛ koni wɔhiɛshishwiemɔ nɛɛ sɛɛ afo.”

Nehemia 2:3

ni mikɛɛ, “Maŋtsɛ yi ana wala kɛya naanɔ! Nii, mɛɛba ni esaaa akɛ mihiɛ afee mɔbɔmɔbɔ be ni maŋ ni ji he ni mitsɛmɛi asaŋi yɔɔ lɛ etsɔ̃ amaŋfɔ̃, ni ashã ehe agboi lɛ?”

Yesaia 1:7

Nyɛjaku shikpɔŋ lɛ kã shi amaŋfɔ̃, ni amãmɔ nyɛmaji wuji lɛ anaa la ashãshãai. Gbɔi miiye nyɛshikpɔŋ lɛ nɔ nii yɛ nyɛhiɛ; amɛbutu nyɛshikpɔŋ lɛ, ni amɛhã etsɔ̃ amaŋfɔ̃.

Yesaia 6:11

Kɛkɛ ni mikɛɛ akɛ, “Ao, Nuŋtsɔ, kɛyaashi mɛɛ beyinɔ?” Eto he akɛ, “Kɛyaashi beyinɔ ni maji lɛ aaatsɔ̃mɔ amaŋfɔ̃i ni adesa ko bɛ amɛmli, ni shĩai lɛ aaajwere shi efoji ni gbɔmɛi bɛ mli, ni shikpɔŋ lɛ aaatsɔ̃ amaŋfɔ̃ kwraa.

Yesaia 63:18

Be fioo pɛ Ohe Krɔŋkrɔŋ lɛ hi omɛi krɔŋkrɔŋi lɛ adɛŋ; shi agbɛnɛ wɔhenyɛlɔi lɛ enaanaa Ohe Krɔŋkrɔŋ lɛ nɔ.

Yesaia 64:9

Ao Yehowa, kaaha omli miifu wɔ fe nine, ni kaakai wɔhe eshai lɛ kɛmiiya naanɔ. Omaŋbii ji wɔ; naa wɔ mɔbɔ.

Yesaia 66:3

“Mɔ ni gbeɔ tsina lɛ, etamɔ mɔ ni gbeɔ gbɔmɔ nɔŋŋ; mɔ ni kɛ toobi shãa afɔle lɛ, etamɔ mɔ ni kɛ gbee shãa afɔle nɔŋŋ; mɔ ni shãa niyenii afɔle lɛ, etamɔ mɔ ni kɛ kplotoo lá bahãa nɔŋŋ; mɔ ni shãa krɔbɔo afɔle lɛ, etamɔ mɔ ni jaa wɔŋ nɔŋŋ. Mɛi nɛɛ fɛɛ ekɔlɔ amɛ diɛŋtsɛ amɛgbɛi, ni amɛnaa nihiinii ni amɛfeɔ lɛ he miishɛɛ.

Yeremia 22:5

Shi kɛji nyɛbuuu nɛkɛ wiemɔi nɛɛ lɛ, no lɛ mi Yehowa, miikɛɛ akɛ, mikã mi diɛŋtsɛ mihe kitã akɛ maŋtsɛ we nɛɛ baatsɔ̃ amaŋfɔ̃.’ ”

Yeremia 26:6

hewɔ lɛ mafee Sɔlemɔ we nɛɛ tamɔ mifee Shilo lɛ, ni mahã maŋ nɛɛ atsɔ̃ loomɔ nɔ̃ ahã shikpɔŋ lɛ nɔ maji fɛɛ.’ ”

Yeremia 26:9

Mɛɛba ogba yɛ Yehowa gbɛi mli akɛ, ‘Nɛkɛ Sɔlemɔ we nɛɛ baatsɔ̃ tamɔ Shilo, ni maŋ nɛɛ baatsɔ̃ amaŋfɔ̃ ni gbɔmɔ ehiŋ mli dɔŋŋ lɛ?’ ” Kɛkɛ ni maŋbii lɛ fɛɛ kpe wo Yeremia he yɛ Yehowa Sɔlemɔ we lɛ.

Yeremia 4:26

Mikwɛ, ni naa, shikpɔŋ frɔ̃frɔ̃ lɛ etsɔ̃ shiaŋa, ni enɔ maji lɛ fɛɛ etsɔ̃mɔ amaŋfɔ̃i, yɛ Yehowa mlifu ni naa wa lɛ naa.

Yeremia 4:27

Ejaakɛ bɔ ni Yehowa kɛɛ nɛ; “Shikpɔŋ muu lɛ fɛɛ baatsɔ̃ amaŋfɔ̃ moŋ; shi kɛ̃lɛ mifiteŋ lɛ butuu kɛgbeŋ naa.

Yeremia 4:7

Jata ko efã kpo kɛjɛ ekoowie mli kɛmiiba, maji ahiɛkpãtãlɔ ko efã kɛmiiba; Eshi eshihilɛhe lɛ kɛmiiba, ni ebaakpãtã nyɛshikpɔŋ lɛ hiɛ, koni nyɛmaji lɛ atsɔ̃mɔ amaŋfɔ̃i, hei ni gbɔmɛi ehiŋ dɔŋŋ.

Yeremia 44:2

Yehowa Taiatsɛ, Israel Nyɔŋmɔ lɛ, kɛɛ Yeremia akɛ, “Bɛ nyɛ diɛŋtsɛ nyɛna sane fɔŋ ni mihã eye Yerusalɛm kɛ Yuda maji lɛ fɛɛ? Naa, ŋmɛnɛ amɛtsɔ̃mɔ amaŋfɔ̃i, ni mɔ ko mɔ ko ehiii amɛmli,

Yeremia 44:6

No hewɔ lɛ, mifɔse mimlila lɛ kɛ mimlifu lɛ mishwie amɛnɔ, ni ehere tamɔ la, ni eshã Yuda maji lɛ kɛ Yerusalɛm blohui lɛ tete; kɛkɛ ni amɛtsɔ̃mɔ amaŋfɔ̃i bɔ ni amɛyɔɔ kɛ ŋmɛnɛ nɛɛ.

Yeremia 52:13

ni eshã Yehowa Sɔlemɔ we lɛ kɛ maŋtsɛ we lɛ kɛ Yerusalɛm shĩai fɛɛ. Eshã shĩa wulu fɛɛ shĩa wulu,

Yeremia 9:11

Kɛkɛ ni Yehowa kɛɛ akɛ, “Mahã Yerusalɛm atsɔ̃ maŋ koikoi, ebaatsɔ̃ ŋaŋgbei ashihilɛhe. Yuda maji lɛ baatsɔ̃ amaŋfɔ̃ ni mɔ ko mɔ ko ehiŋ jɛi.”

Yāfó 1:1

Kwɛ bɔ ni maŋ ni kulɛ emli bii fa babaoo lɛ, ta shi ekometoo! Kwɛ bɔ ni etsɔ̃ tamɔ okulafo; lɛ maŋ ni kulɛ eje agbo yɛ majimaji ateŋ lɛ. Lɛ ni kulɛ lumɔ ji lɛ yɛ maji ateŋ lɛ, ŋmɛnɛ, etsɔ̃ mɔ ni atsuɔ lɛ onia.

Yāfó 1:10

Ehenyɛlɔ ekpã enine mli ewo Yuda nibiiaŋ, ni eloo ejwetri ni jara wa fɛɛ kɛtee. Ena jeŋbii bote Sɔlemɔ we lɛ, mɛi ni ogu amɛ owebii ateŋ futumɔ tete po lɛ.

Yāfó 2:6

Ekumɔ ejamɔhe lɛ eshwie shi tamɔ trom mli asese. Ekpãtã he ni ayeɔ lɛ diɛŋtsɛ egbiijuji ni eto yɛ lɛ hiɛ. Yehowa efo gbii juji kɛ hejɔɔmɔ gbii asɛɛ yɛ Zion, ni ekwa maŋtsɛ kɛ osɔfo fɛɛ yɛ mlifu ni naa wa lɛ naa.

Yāfó 2:7

Nuŋtsɔ lɛ nyaŋe afɔleshãa latɛ lɛ; ni ekwa Ehe Krɔŋkrɔŋ lɛ, ni eŋɔ ehe mɔji fɛɛfɛji lɛ ehã henyɛlɔ lɛ. Abolɔ yɛ Yehowa we lɛ mli tamɔ abolɔɔ yɛ gbijurɔ nɔ.

Ezekiel 12:20

Maji ni ahi mli dã lɛ fɛɛ baatsɔ̃ amaŋfɔ̃, ni shikpɔŋ lɛ hu aaatsɔ̃ shiaŋa, ni amɛkɛaale akɛ mi, mi ji Yehowa.”

Ezekiel 21:15

koni amɛshe gbeyei, ni mɛi babaoo agbeegbee shi hewɔ mitsɔ̃ klante lɛ naa mihã maŋ lɛ agboi lɛ anaa. Mikɛ klante ni kpɛlɛɔ tamɔ srawa lɛ ehã. Ehe miikpɛ tamɔ srawa. Asha he kɛha mɔgbee.

Ezekiel 21:7

Ni kɛji amɛbi bo akɛ, ‘Mɛni hewɔ ohũɔ lɛ?’ Okɛɛ akɛ, ‘Saji ni minu lɛ hewɔ ni. Kɛji eba mli lɛ, mɔ fɛɛ mɔ baashe gbeyei, ni kɔ̃ɔji fɛɛ baakplɔke, ni mɔ fɛɛ mɔ baatsɔ̃ feetɔ, ni nakutsei fɛɛ tswɛm baakpokpo tamɔ ayawaŋ nu. Naa, be lɛ eshɛ, ni ebaaba mli kɛ̃;’ ” Nuŋtsɔ Yehowa kɛɛ.

Ezekiel 24:21

“Yehowa kɛɛ mi akɛ, Kɛɛmɔ Israel we lɛ akɛ, bɔ ni Nuŋtsɔ Yehowa kɛɔ nɛ, Naa, mibabule mihekrɔŋkrɔŋ lɛ, ni ji nyɛhewalɛ ni nyɛkɛwoɔ nyɛhe nɔ lɛ; he krɔŋkrɔŋ ni ji nyɛhiŋmɛiŋ ajaŋmalaatɛ lɛ kɛ nyɛsusumai ashwee lɛ. Nyɛbihii kɛ nyɛbiyei ni nyɛshi yɛ Yerusalɛm lɛ, akɛ klante baagbe amɛ.

Ezekiel 6:6

Hei fɛɛ ni nyɛyɔɔ lɛ nyɛmaji lɛ aaatsɔmɔ amaŋfɔ̃i, ni aaafite nyɛfɔleshãa latɛi kɛ nyɛjamɔhei grɔŋgrɔŋŋ lɛ. No hewɔ lɛ, abaafite nyɛfɔleshãa latɛi lɛ, ni amɛhiɛ baakpãtã. Abaakumɔ nyɛmãgãi lɛ, ni abaakpãtã hiɛ, ni nyɛtsofakɛŋma afɔleshãa latɛ lɛ, abaakumɔ, ni nyɛnitsumɔi lɛ abaagu.

Ezekiel 9:6

Nyɛgbea onukpai kɛ oblahii kɛ oblayei kɛ gbekɛbii kɛ yei blublu, shi mɔ fɛɛ mɔ ni akadi ehiɛnaa lɛ, lɛ lɛ nyɛkataa ehe. Nyɛjea shishi kɛjɛa mihe krɔŋkrɔŋ lɛ.” No hewɔ lɛ, amɛbɔi kɛjɛ onukpai lɛ ni yɔɔ Sɔlemɔ we lɛ hiɛ lɛ anɔ.

Daniel 2:46

Kɛkɛ ni Maŋtsɛ Nebukadnezar kɛ ehiɛ bu shi, ni eja Daniel, ni efã akɛ ashã afɔle kɛ tsofakɛŋma ahã Daniel.

Amos 7:9

Hei ni Isak shwie lɛ jaa yɛ lɛ baatsɔ̃mɔ amaŋfɔ̃, ni hei ni Israelbii jaa yɛ lɛ hu baafee koikoi; ni mibafã ta mawo Yeroboam we lɛ.”

Mika 3:12

No hewɔ lɛ, yɛ nyɛhewɔ lɛ, aaatsa Zion ashwie shi tamɔ atsaa ŋa akɛfeɔ ŋmɔ. Yerusalɛm aaatsɔ̃ tsu koi ni bua shi tamɔ gɔŋ, ni Sɔlemɔ we lɛ gɔŋ lɛ nɔ aaatsa atsɔ̃ koo hayii.

Zefania 3:6

Yehowa kɛɛ akɛ, “Mikpãtã maji ahiɛ dã. Mikumɔ amɛtabilɔi atasui lɛ mishwie shi; ni amɛblohui amli kamɔ shi efoji, ni mɔ ko mɔ ko hooo yɛ mli; afite amɛmaji lɛ bɔ ni mɔ ko mɔ ko bɛ mli, ni mɔ ko mɔ ko ehiŋ amɛmli dɔŋŋ.

Luka 21:24

Ni amɛaanyɔnyɔɔ yɛ klante naa, ni aaaŋɔ amɛ nom kɛaatee jeŋmaji fɛɛ mli, ni jeŋmaji lɛ aaanaanaa Yerusalɛm nɔ kɛyashi beyinɔ ni jeŋmaji abe lɛ aaashɛ.”

Bɔfoi 6:14

ejaakɛ wɔnu akɛ ekɛɛ akɛ Yesu, Nazarenyo lɛ, aaafite biɛ, ni eeetsake kusumi ni Mose kɛhã wɔ lɛ.”

Hebribii 10:26

Ejaakɛ kɛ kwa wɔkwaa wɔfeɔ esha, be ni wɔna wɔle anɔkwale lɛ sɛɛ lɛ, belɛ eshai ahe afɔle ko bɛ dɔŋŋ;