3 Mose 26:30 - ŊMALƐ KRƆŊKRƆŊ LƐ

³⁰ Mibafite hei ni nyɛjaa yɛ, yɛ gɔji lɛ anɔ, kɛ ohɛ afɔleshãa latɛi lɛ; ni mibashɛrɛ nyɛgbohii lɛ mashwie nyɛmãgãi ni akumɔ ashwie shi lɛ anɔ.

Ṅmãle̱ Kroṅkroṅ Le̱

³⁰ Ni mafite nyehei groṅṅi le̱, ni maflo̱ nyehũlũ amãgãi le̱ maſie, ni maše̱re̱ nyegbohĩĩ le̱ maſie nyewo̱dši le̱ agbohĩĩ le̱ ano̱, ni misusuma aanyãṅenye.

3 Mose 26:30 ပူးပေါင်းရင်းမြစ်များ

1 Mose 19:13

Shi wɔbaakpãtã maŋ nɛɛ hiɛ, ejaakɛ nibii ni awieɔ ashiɔ amɛ lɛ naa wa waa diɛŋtsɛ yɛ Yehowa hiɛ, ni etsu wɔ koni wɔbakpãtã maŋ lɛ hiɛ.”

1 Maŋtsɛmɛi 13:2

Yɛ Yehowa famɔ naa lɛ, gbalɔ lɛ gba eshi afɔleshãa latɛ lɛ, ni ekɛɛ akɛ, Bɔ ni Yehowa kɛɛ nɛ, “Ao afɔleshãa latɛ, afɔleshãa latɛ, naa, abaafɔ binuu ko yɛ David we lɛ, ni aaatsɛ egbɛi Yosia. Lɛ ebaagbe osɔfoi ni shãa afɔlei yɛ onɔ lɛ, ni gbɔmɛi awui tete lɛ eeeshã yɛ onɔ.”

1 Maŋtsɛmɛi 13:32

ejaakɛ wiemɔi ni Yehowa fã lɛ koni ewie eshi afɔleshãa latɛ lɛ ni yɔɔ Betel lɛ kɛ jamɔhei ni yɔɔ hei grɔŋŋi lɛ ni yɔɔ Samaria maji lɛ anɔ lɛ, bɔ fɛɛ bɔ ni fee lɛ gbalɛ wiemɔi lɛ baaba mli kɛ̃.”

2 Maŋtsɛmɛi 23:16

Ni be ni Yosia tsɔ̃ ehe lɛ, ena gbohii abui komɛi yɛ gɔŋ lɛ nɔ; ni etsu ayaloo wui lɛ kɛjɛ gbohii abui lɛ amli, ni ebashã yɛ afɔleshãa latɛ lɛ nɔ, ni ekɛbule lɛ. Efee enɛ bɔ ni afee ni wiemɔ ni Nyɔŋmɔ gbɔmɔ lɛ wie be ko lɛ aba mli.

2 Maŋtsɛmɛi 23:20

Ni egbe jamɔhei grɔŋŋi lɛ awulɔmɛi fɛɛ ni yɔɔ jɛi lɛ yɛ afɔleshãa latɛ lɛ nɔ, ni eshã gbɔmɛi awui yɛ afɔleshãa latɛi lɛ eko fɛɛ eko nɔ. Ni eku esɛɛ kɛba Yerusalɛm.

2 Maŋtsɛmɛi 23:8

Ni eyaŋɔ osɔfoi lɛ fɛɛ kɛjɛ Yuda maji lɛ amli kɛba, ni ebule jamɔhei grɔŋŋi lɛ ni osɔfoi lɛ eshãshãa tsofakɛŋma yɛ lɛ, kɛjɛ Geba kɛyashwie Beersheba. Ekumɔ amãgãi ni bɛŋkɛ agbo lɛ ni maŋ amralo Yoshua fee lɛ eshwie shi. Yoshua agbo nɛɛ yɛ maŋ agbo lɛ diɛŋtsɛ abɛkugbɛ.

2 Kronika 23:17

Kɛkɛ ni agbɛnɛ maŋbii lɛ yabote jemawɔji ajamɔhei lɛ, ni amɛyakumɔ jemawɔji lɛ amãgãi lɛ kɛ jemawɔji lɛ afɔleshãa latɛi lɛ kɛ jemawɔji lɛ ajamɔhei lɛ diɛŋtsɛ fɛɛ amɛshwie shi. Naagbee mli lɛ amɛgbe Matan ni ji jemawɔji lɛ awulɔmɔ lɛ amɛfata he.

2 Kronika 31:1

Be ni agbe gbijurɔ lɛ yeli naa lɛ, Israelbii fɛɛ ni baye gbijurɔ lɛ teetee Yuda kɛ Benyamin maji lɛ amli, ni amɛyakumɔ jemawɔji amãgãi lɛ fɛɛ, ni amɛgba Asherim jemawɔŋ lɛ koi lɛ fɛɛ, ni amɛfitefitee hei grɔŋgrɔŋŋ ni ajaa jemawɔji yɛ lɛ fɛɛ, kɛ afɔleshãa latɛi fɛɛ ni yɔɔ jɛi lɛ hu. Amɛyafite nibii nɛɛ ahenɔi fɛɛ ni yɔɔ Efraim kɛ Manase hu fɛɛ kɛyashi eshwɛɛɛ ekome folo. Kɛkɛ ni Israelbii lɛ fɛɛ hu ku amɛsɛɛ kɛtee amɛkutsei ashikpɔji lɛ anɔ, ni mɔ fɛɛ mɔ tee ewe.

Lalai 106:40

No hewɔ lɛ, Yehowa mli fu emaŋ lɛ, ni enyaŋe lɛ diɛŋtsɛ ewebii lɛ.

Lalai 89:38

Shi agbɛnɛ okwa lɛ, ni oshɛ lɛ ofɔ̃; omli efu mɔ ni ofɔ lɛ mu lɛ.

Yesaia 27:9

No hewɔ lɛ, kɛji Yakob gbɛlɛ afɔleshãa latɛi lɛ amli tɛi lɛ munyɔmunyɔ tamɔ kaaloo tɛi ni afuflu, ni Ashera wɔŋkoi kɛ tsofakɛŋmashãa latɛi bɛ he ko he ko dɔŋŋ lɛ, no nɔ baatsɔ̃ ni akɛ Yakob tɔ̃mɔ lɛ baafa lɛ, ni no aaatsɔ̃ yibii ni etɔ̃mɔkɛfaa lɛ aaawo ahã lɛ.

Yeremia 14:19

Yehowa, aso oshɛ Yuda ofɔ̃ kwrakwra? Ani onyaŋe Zionbii lo? Mɛɛba mɔ otswia wɔ nii ni opila wɔ bɔ ni ehiii tsamɔ nɛɛ? Wɔkwɛ hejɔlɛ gbɛ, shi nɔ kpakpa ko baaa; wɔhiɛ kã tsamɔ nɔ; shi gbeyei nii moŋ ba.

Yeremia 16:18

Mibawo tɔ̃mɔi ni amɛtɔ̃ kɛ eshai ni amɛfee lɛ ahe nyɔmɔ toi enyɔ, ejaakɛ amɛkɛ amɛyakayaka amãgãi foji lɛ ebule mishikpɔŋ lɛ; amɛhã enɔ eyi tɔ kɛ amɛmusubɔɔ nii lɛ.”

Ezekiel 16:39

Ni maŋɔ bo mawo osuɔlɔi lɛ adɛŋ, ni amɛbaakumɔ opiai lɛ, ni amɛbaafite ohei grɔŋŋi ni oja yɛ lɛ. Osuɔlɔi lɛ aaakpɔlɔ ohe atadei hu, ni amɛaaŋɔ ojwinei fɛɛfɛji lɛ, ni amɛaashi bo kɛ ohe yayai kɛ ohe pasaa.”

Ezekiel 43:7

Ekɛɛ mi akɛ, “Gbɔmɔ Adesa, mimaŋtsɛ sɛi lɛ shimaahe ji biɛ nɛɛ, ni biɛ nɛɛ nɔŋŋ ji minane maahe. Biɛ nɛɛ mahi yɛ Israelbii lɛ ateŋ kɛaatee naanɔ; ni Israel we lɛ woŋ migbɛi krɔŋkrɔŋ lɛ he muji dɔŋŋ. Amɛ, loo amɛmaŋtsɛmɛi lɛ kɛ wɔji krokomɛi ajamɔ kɛ amɛmaŋtsɛmɛi agbohii buleŋ migbɛi krɔŋkrɔŋ lɛ dɔŋŋ.

Ezekiel 6:13

Ni nyɛaana nyɛle mi, akɛ mi ji Yehowa, be ni nyɛ mɛi ni enyɔnyɔɔ lɛ jwere nyɛwɔji lɛ ateŋ yɛ amɛfɔleshãa latɛi lɛ ahe fɛɛ kɛkpe; ekomɛi aaajwere gɔŋkpɔ fɛɛ gɔŋkpɔ ni kwɔ nɔ, kɛ gɔji fɛɛ ayiteiaŋ hu, kɛ tso fɛɛ tso ni ebu kusuu shishi, kɛ blɔfo oduŋ tso fɛɛ blɔfo oduŋ tso kusuu shishi; he fɛɛ he ni amɛshãa tsofakɛŋma amɛhãa amɛwɔji lɛ fɛɛ yɛ lɛ mɛi aaajwere jɛi.

Hosea 10:2

Amɛyeee anɔkwa, ni no hewɔ lɛ, agbɛnɛ, amɛbaana he nyɔmɔwoo. Yehowa baakumɔ amɛfɔleshãa latɛi lɛ eshwie shi, ni ebaafite amɛshiui lɛ.

3 Mose 20:23

Nyɛkakasea shikpɔŋ lɛ nɔ bii lɛ akusumi ni amɛfeɔ lɛ. Miishwie nɛkɛ wɔŋjalɔi nɛɛ bɔ ni afee ni nyɛnyɛ shikpɔŋ lɛ nɔ nyɛya. Amɛkɛ amɛnifɔɔjianii ni amɛfeɔ lɛ ehã minyaŋe amɛ.

3 Mose 26:11

Mahi nyɛteŋ yɛ miBuu Krɔŋkrɔŋ lɛ mli, ni minyaŋeŋ nyɛ.

3 Mose 26:15

ni kɛji nyɛkwa mikpɔi lɛ, ni nyɛnyaŋe mimlai lɛ, ni nyɛyeee mikitãi lɛ anɔ, ni nyɛku mi kɛ nyɛ kpãŋmɔ lɛ mli lɛ,

Amos 6:8

Nuŋtsɔ Nyɔŋmɔ lɛ ekã lɛ diɛŋtsɛ ehe kitã. Yehowa, Taiatsɛ lɛ, kɛɛ akɛ, “Miihi Israelbii ahewoo lɛ; ni miinyaŋe amɛmɔji fɛɛfɛji lɛ; no hewɔ lɛ, maŋɔ amɛmaŋ lɛ kɛ emli nii lɛ fɛɛ mahã.”

Amos 7:9

Hei ni Isak shwie lɛ jaa yɛ lɛ baatsɔ̃mɔ amaŋfɔ̃, ni hei ni Israelbii jaa yɛ lɛ hu baafee koikoi; ni mibafã ta mawo Yeroboam we lɛ.”

5 Mose 32:19

“Be ni Yehowa na enɛ lɛ, enyaŋe ebihii kɛ ebiyei lɛ, yɛ emli la ni amɛwo lɛ hewɔ.