3 Mose 26:25 - ŊMALƐ KRƆŊKRƆŊ LƐ

²⁵ Mahã ta abanina nyɛ koni atsɔ̃ no nɔ kɛgbala nyɛtoi, kɛtɔ mi kɛ nyɛ teŋ kpãŋmɔ lɛ mlikuu he owele. Kɛji nyɛbua nyɛhe naa yɛ nyɛmaji wuji amli, yɛ shweshweeshwefeemɔ hewɔ hu lɛ, mibahã gbele hela abote nyɛteŋ, ni nyɛhenyɛlɔi lɛ anine aaashɛ nyɛnɔ.

Ṅmãle̱ Kroṅkroṅ Le̱

²⁵ Ni mike̱ *oweletō̱-klante aaba nyeno̱ ní eto̱ mikpãṅmo̱ le̱ he owele; ni ké̱ nyebua nyehe nā ye̱ nyemãdši le̱ amli le̱, mahã gbĕle-hela aba nyeteṅ, ni aaṅõnye awo henyelo̱ le̱ deṅ; *Ies. 1,20.

3 Mose 26:25 ပူးပေါင်းရင်းမြစ်များ

2 Samuel 24:15

No hewɔ lɛ, Yehowa hã gbele hela babote Israelbii ateŋ kɛjɛ gbi lɛ leebi lɛ kɛyashi be ni ato lɛ. Kɛjɛ Dan aahu kɛyashwie Beersheba lɛ hela nɛɛ gbe mɛi akpei nyɔŋmai kpawo.

1 Maŋtsɛmɛi 8:33

Kɛji omaŋ Israel henyɛlɔi ye amɛnɔ yɛ esha ko ni amɛfee amɛshi bo hewɔ, ni amɛku amɛsɛɛ kɛba oŋɔɔ ekoŋŋ, ni amɛbakpa eshaifaa he fai, yɛ Sɔlemɔtsu nɛɛ mli lɛ,

1 Maŋtsɛmɛi 8:37

“Kɛji hɔmɔ ba shikpɔŋ lɛ nɔ, kɛji gbele hela ba shikpɔŋ lɛ nɔ, kɛji aharabata kɔɔyɔɔ ni mli edɔ la ŋala nii ni adu yɛ shikpɔŋ lɛ nɔ, ni amɛsɔle lɛ, bo toi. Kɛji baalabii baye nii lɛ jio, no hu bo amɛ toi. Kɛji omaŋbii ahenyɛlɔi basa amɛyi wo amɛmaji amli yɛ amɛshikpɔŋ nɔ, loo gbele hela ko ba lɛ,

2 Maŋtsɛmɛi 17:3

Asiria Maŋtsɛ Shalmaneser batua Israel, ni Hoshea tsɔ̃ Shalmaneser tsulɔ, ni daa afi lɛ Hoshea woɔ too ehãa lɛ.

2 Kronika 24:24

Tabilɔi ni Siriabii lɛ kɛba ta lɛ ayikulɛ fioo, kɛ̃lɛ Yehowa hã amɛye Yuda tabilɔi babaoo lɛ anɔ kunim, ejaakɛ Yudabii lɛ ekwa Yehowa, amɛtsɛmɛi aNyɔŋmɔ lɛ. Enɛ nɔ tsɔ̃ ni agbala Maŋtsɛ Yoash toi.

Lalai 94:1

Oo Yehowa, bo Nuŋtsɔ ni otɔɔ owele, bo Nyɔŋmɔ ni otɔɔ owele, hã ana omlifu.

2 Mose 5:3

Mose kɛ Aaron to he akɛ, “Hebribii aNyɔŋmɔ lɛ ejie ehe kpo etsɔ̃ɔ wɔ. No hewɔ lɛ, wɔmiikpa bo fai koni ohã wɔya gbii etɛ̃ gbɛ yɛ ŋa lɛ nɔ, ni wɔyashã afɔle wɔhã Yehowa, wɔNyɔŋmɔ lɛ, koni ekabatua wɔ kɛ gbele hela loo ta.”

Yesaia 1:20

Shi kɛji nyɛkpɛlɛ̃ɛɛ, ni nyɛtse atua lɛ, no lɛ akɛ klante baakpãtã nyɛhiɛ. Mi, Yehowa, mikɛɛ.”

Yesaia 65:12

mibajɔɔ nyɛnɔ mahã klante. Nyɛ fɛɛ nyɛbaagbo otɔfo gbele, ejaakɛ mitsɛ nyɛ, shi nyɛhereee minɔ, miwie ni nyɛbooo toi; shi nyɛfee nɔ fɔŋ yɛ mihiɛ, ni nyɛkɔ nɔ ni nyɛle akɛ misumɔɔɔ lɛ moŋ.

Yeremia 19:7

Mahã Yudabii kɛ Yerusalɛm maŋbii ayiŋtoi fɛɛ afee yaka yɛ biɛ. Mahã amɛnyɔnyɔi yɛ klante naa yɛ amɛhenyɛlɔi kɛ mɛi ni taoɔ amɛ efɔŋ amɛfee lɛ ahiɛ. Mahã ŋwɛi loofɔji kɛ shikpɔŋ nɔ kooloi aye amɛgbohii lɛ.

Yeremia 24:10

Mibahã ta kɛ hɔmɔ kɛ gbele hela abote amɛteŋ kɛyashi abaakpãtã amɛ fɛɛ amɛhiɛ yɛ shikpɔŋ ni mikɛhã amɛ kɛ amɛtsɛmɛi lɛ nɔ.”

Yeremia 50:28

“Naa, mɛi ni eje gbele mli lɛ ejo foi kɛjɛ Babilon shikpɔŋ lɛ nɔ kɛtee Yerusalɛm, ni amɛmiigba akɛ Yehowa, wɔNyɔŋmɔ lɛ, etɔ eSɔlemɔ we lɛ he owele.

Yeremia 51:11

“Yehowa etsiɛ Mediabii amaŋtsɛmɛi lɛ amumɔ hiɛ, ejaakɛ yiŋ ni eto yɛ Babilon maŋ lɛ he ji akɛ ebaakpãtã ehiɛ, ejaakɛ ekɛ no baatɔ eSɔlemɔ we lɛ he owele. Tabilɔi ni eba maŋ lɛ tuamɔ lɛ asafoiatsɛmɛi lɛ fã akɛ, ‘Nyɛjɔa gãimlibii lɛ anaa, ni nyɛkɔlɔa tsɛŋi!’

Yeremia 9:16

Mibagbɛ amɛ mashwã maji anɔ, hei ni amɛ kɛ amɛtsɛmɛi lɛ tete leee; mahã henyɛlɔi afã klante kɛnyiɛ amɛsɛɛ kɛyashi beyinɔ ni maplenee amɛ kwraa.”

Yāfó 2:21

Gbekɛbii kɛ onukpai fɛɛ jwere mlu mli yɛ blohuiaŋ; miblayei kɛ miblahii lɛ enyɔnyɔi yɛ klante naa. Oye awui yɛ omlifu gbi lɛ nɔ; ogbe amɛ ni mɔbɔnalɛ bɛ mli.

Ezekiel 14:17

“Aloo kɛji mifã klante miwo nakai shikpɔŋ lɛ nɔ bii, ni mikɛɛ akɛ, akɛ klante akpa shikpɔŋ lɛ nɔ, ni mikpãtã gbɔmɛi kɛ kooloi fɛɛ ahiɛ kɛje shikpɔŋ lɛ nɔ lɛ,

Ezekiel 20:37

“Maha nyɛtsɔ̃ kplamɔtso lɛ shishi, ni makane nyɛ ekomekome mawo kpãŋmɔ mli.

Ezekiel 29:8

No hewɔ lɛ, bɔ ni Nuŋtsɔ Yehowa kɛɔ nɛ, naa, mafã klante mawo bo, ni maplene omli gbɔmɛi kɛ kooloi fɛɛ.

Ezekiel 33:2

“Gbɔmɔ Adesa, kɛ omaŋbii lɛ awie ni okɛɛ amɛ akɛ, kɛji mihã ta ba shikpɔŋ ko nɔ, ni shikpɔŋ lɛ nɔ bii lɛ fã amɛteŋ mɔ kome akɛ bulɔ,

Ezekiel 5:17

Mibahã hɔmɔ kɛ kooloi awuyelɔi aba nyɛnɔ ni amɛaakpakpaa obii lɛ yɛ ohe kɛya, ni gbele hela kɛ láshishwiemɔ hu aaaba, ni mikɛ ta aaabakpãtã ohiɛ. Mi, Yehowa, mikɛɛ.”

Ezekiel 6:3

Nyɛ Israel gɔji, nyɛboa Nuŋtsɔ Nyɔŋmɔ wiemɔ toi. Nɔ ni Nuŋtsɔ Nyɔŋmɔ kɛɔ gɔji kɛ gɔŋkpɔi kɛ nujɔi kɛ jɔi voovoi lɛ nɛ. Naa, mi diɛŋtsɛ mafã klante mawo nyɛ, ni mafite nyɛjamɔhei grɔŋgrɔŋŋ lɛ.

Hosea 11:6

Taitai baate shi yɛ amɛmaji lɛ anɔ, ni abaakumɔ amɛmaji lɛ agboi lɛ asɛɛ adabaŋi lɛ. Aaakpãtã amɛhiɛ ejaakɛ amɛkɛ amɛhe fɔ̃ amɛ diɛŋtsɛ amɛnilee nɔ.

3 Mose 26:6

“Mahã jeŋ ajɔ yɛ nyɛshikpɔŋ lɛ nɔ; ni nyɛaakamɔ shi nyɛwɔ ni mɔ ko mɔ ko woŋ nyɛhe gbeyei. Mahã kooloi fɔ̃ji atã yɛ nyɛshikpɔŋ lɛ nɔ, ni awuŋ ta yɛ jɛi.

Amos 4:10

“Mihã gbele hela tamɔ Ijipt hela lɛ bote nyɛteŋ, ni mihã nyɛblahii lɛ nyɔnyɔɔ yɛ ta mli, ni ashɔ̃shɔ̃ɔ nyɛkpɔŋɔi yɛ nyɛdɛŋ kɛtee. Mihã nyɛgbohii ni jwere nyɛnsrai amli lɛ je fu wo nyɛ. Shi fɛɛ lɛ nyɛkpaleko kɛbako miŋɔɔ.”

Habakuk 3:5

Tsɛŋemɔ hela nyiɛɔ ehiɛ, ni gbele hela nyiɛ esɛɛ tuuŋtu.

4 Mose 14:12

Mibahã gbele hela ababote amɛteŋ koni mikɛkpãtã amɛhiɛ; shi mahã oshwiei atsɔ̃ maŋ kpeteŋkple ni he wa fe maŋ nɛɛ.”

4 Mose 16:49

Gbɔmɛi ni gbele hela lɛ gbe lɛ ayikulɛ fee akpei nyɔŋma kɛ ejwɛ kɛ ohai kpawo, soro mɛi ni gboi yɛ Kora sane lɛ hewɔ lɛ.

4 Mose 31:3

No hewɔ lɛ, Mose kɛɛ Israelbii lɛ akɛ, “Nyɛteŋ hii lɛ asaa amɛhe ahã tayaa, koni amɛkɛ Midianbii lɛ ayawu, ejaakɛ Yehowa baatɔ ehe owele yɛ amɛnɔ.

Luka 21:11

ni shikpɔŋ hosomɔi ni naa wa aaaba hei srɔtoi fɛɛ, kɛ hɔ̃ji kɛ gbele helai, ni gbeyei nibii kɛ okadii wuji aaajɛ ŋwɛi aba.

5 Mose 28:21

Yehowa aaahã oye gbele hela kɛyaashi beyinɔ ni eeekpãtã ohiɛ yɛ shikpɔŋ ni oyaa koni oyaŋɔ okɛfee onɔ lɛ nɔ.

5 Mose 32:25

Klante aaanu lá yɛ blohui amli, ni piai amli baafee gbeyei. Ebaakpãtã oblanyo kɛ oblayoo kɛ bi fufɔoo kɛ wajiatsɛ fɛɛ hiɛ.

5 Mose 32:35

Oweletɔɔ kɛ toigbalamɔ lɛ, mi minɔ ni; amɛhiɛkpãtãmɔ be lɛ ebɛŋkɛ, nɔ ni baaba amɛnɔ lɛ miiba shwiaa.

5 Mose 32:41

kɛji mijɔ miklante lɛ naa, ni ekpɛ kaŋkaŋ ni miwo jalɛ saneyeli nɔ lɛ, mibatɔ mihe owele yɛ mihenyɛlɔi anɔ, ni mibagbala mɛi ni nyɛɔ mi lɛ toi.

Kojolɔi 15:11

No hewɔ lɛ, Yuda hii akpei etɛ̃ yiŋ amɛtee tɛkplo ni yɔɔ Etam tɛsaa lɛ mli lɛ mli, ni amɛyakɛɛ Samson akɛ, “Ani oleee akɛ Filistibii lɛ amɛ amɛ ji mɛi ni yeɔ wɔnɔ lo? Hewɔ lɛ, mɛni ofee wɔ nɛɛ?” Eto he akɛ, “Bɔ ni amɛfee mi lɛ, nakai mi hu mifee amɛ lɛ.”