3 Mose 26:20 - ŊMALƐ KRƆŊKRƆŊ LƐ

²⁰ ni nyɛaagbo yaka deŋme ejaakɛ nyɛshikpɔŋ lɛ baŋ niyenii, ni enɔ tsei lɛ hu woŋ yibii.

Ṅmãle̱ Kroṅkroṅ Le̱

²⁰ Ni nyeagbo yaka deṅme, edšake̱ nyešikpoṅ le̱ baṅ edeṅ nibale̱, ni šikpoṅ le̱ no̱ tšei le̱ woṅ yibii.

3 Mose 26:20 ပူးပေါင်းရင်းမြစ်များ

1 Mose 4:12

Kɛji ohu shikpɔŋ lɛ ebaŋ nii ehaŋ bo yɛ ehewalɛ naa dɔŋŋ. Kobɔlɔ kɛ shikpalɔ oootsɔ̃ yɛ shikpɔŋ lɛ nɔ!”

1 Maŋtsɛmɛi 18:2

No hewɔ lɛ, Elia yi mli etee koni ekɛ ehe ayatsɔ̃ɔ Ahab. Hɔmɔ lɛ naa wa naakpa yɛ Samaria.

Hiob 31:40

no lɛ ŋmei akwɛ̃ yɛ ŋmãa najiaŋ, ŋmei gbohii akwɛ̃ yɛ abele najiaŋ.” Hiob wiemɔ lɛ naagbee nɛ.

Lalai 107:34

Ehãa shikpɔŋ ni baa nii tsɔ̃ɔ ŋoo shikpɔŋ yɛ mɛi ni hiɔ jɛi lɛ anifeemɔnii hewɔ.

Lalai 127:1

Kɛjeee Yehowa ni mãa tsu lɛ, no lɛ yakatswaa mɛi ni mãa lɛ gboɔ he deŋme lɛ! Kɛjeee Yehowa ni buɔ maŋ lɛ he lɛ, no lɛ yakatswaa bulɔ lɛ shiɔ he kpe lɛ.

Yesaia 17:10

Israel, ohiɛ ekpa oyiwalaheremɔ Nyɔŋmɔ lɛ nɔ, ni okaiii obobaa Tɛsaa lɛ. No hewɔ lɛ, yɛ mli akɛ oootɛo tsei fɛɛfɛji, ni ooofee wɔŋkoo oha maŋsɛɛ wɔŋ,

Yesaia 17:11

ni ooohã tsei nɛɛ ahere gbi nɔŋŋ ni otɛo amɛ lɛ, ni ooohã tsei nɛɛ agba afofro gbi leebi lɛ nɔŋŋ ni otɛo amɛ lɛ nɔ, shi nikpamɔ lɛ baaje odɛ̃ŋ, ni gbi lɛ aaatsɔ ŋkɔmɔyeli kɛ hejaramɔ ni naa wa gbi.

Yesaia 49:4

Shi mi lɛ mikɛɛ akɛ, “Migbo deŋme yakatswaa; mifite mihewalɛ efolo yakatswaa.” Kɛ̃lɛ mihiɛ kã Yehowa nɔ, ni minyɔmɔwo yɛ miNyɔŋmɔ lɛ dɛŋ.

Yeremia 12:13

Mimɛi lɛ du ŋmaa; shi amɛkpa ŋmei. Amɛgbo deŋme; shi amɛnaaa he sɛɛ ko. Yehowa mlifu lɛ naawalɛ hewɔ lɛ, nii ni amɛbaakpa lɛ baafee amɛ hiɛgbele.”

Hosea 2:11

Mafo mliflimɔ gbii juji ni eyeɔ lɛ fɛɛ asɛɛ, nyɔji hei kɛ afi gbii juji lɛ, kɛ hejɔɔmɔ gbii lɛ.

3 Mose 26:4

mahã nu anɛ ahã nyɛ yɛ be ni sa mli, ni shikpɔŋ lɛ baaba nii babaoo ahã nyɛ, ni ŋmɔshi tsei hu baawo yibii.

Habakuk 2:13

Naa, aso jeee Yehowa, Taiatsɛ lɛ, dɛŋ sane nɛ, akɛ gbɔmɔ atsu nii, ni là abakpãtã hiɛ lo, ni majimaji lɛ agbo deŋme yaka lo?

Hagai 2:16

te nyɛyaa ŋmãakuu, ni be mli ni nyɛmiikwɛ gbɛ akɛ nyɛbaana ŋmãa kei ohai enyɔ lɛ, nyɛyaninaa kei oha pɛ? Mɔ ni baa wain bu naa akɛ eeba ebayɛ wain gbɛi oha lɛ, ebaninaa wain gbɛi nyɔŋmai enumɔ pɛ?

1 Korintobii 3:6

Mi lɛ, mitɛo; Apolo shwie nɔ nu; shi Nyɔŋmɔ hã eda.

Galatabii 4:11

Miishe gbeyei akɛ ekolɛ yakatswaa migba mihe naa yɛ nyɛhe lɛ.

5 Mose 11:17

Kɛji nyɛfee nɛkɛ nɔ ko lɛ, Yehowa mli baafu nyɛ, ni ebaatsi nu naa, ni nu enɛŋ, ni shikpɔŋ lɛ baŋ nii, ni nyɛhiɛ baakpãtã oya yɛ shikpɔŋ kpakpa ni Yehowa kɛhã nyɛ lɛ nɔ.

5 Mose 28:18

“Aaalomɔ omusuŋ bii kɛ oŋmɔshi nibaanii kɛ otsinai abii kɛ otoi abii.

5 Mose 28:42

Otsei lɛ kɛ oŋmɔshi nibaanii lɛ baalabii aaaye fɛɛ.

5 Mose 32:22

Ejaakɛ mimlifu ehã la ko ehere, ni eetso kɛmiiya gbohiiaje tɔ̃ɔ; ebaashã je lɛ kɛ enɔ nibii, ni ebaashã gɔji lɛ ashishitoi diɛŋtsɛ.