3 Mose 26:19 - ŊMALƐ KRƆŊKRƆŊ LƐ

¹⁹ ni maku nyɛhe ni nyɛwoɔ kɛ kuɛŋtilɛ lɛ naa, ni mahã ŋwɛi agbi tamɔ dade, ni nyɛshikpɔŋ lɛ hu nɔ aaagbi tamɔ akɔɔble,

Ṅmãle̱ Kroṅkroṅ Le̱

¹⁹ ni makũme̱ nyehewō ke̱ nyekue̱ṅwale̱ le̱, ni mahã *nyeṅwei le̱ atšṍ tamo̱ dade, ni nyešikpoṅ le̱ hũ aatšṍ tamo̱ akō̱ble. *5 Mose 11,17. 1 Maṅ. 17,1.

3 Mose 26:19 ပူးပေါင်းရင်းမြစ်များ

1 Maŋtsɛmɛi 17:1

Gbalɔ ko ni gbɛi ji Elia, Tishbinyo ni ejɛ Gilead, lɛ kɛɛ Maŋtsɛ Ahab akɛ, “Miikɛɛ bo, yɛ Yehowa, Israel Nyɔŋmɔ hiɛkãalɔ lɛ, mɔ ni misɔ̃mɔɔ lɛ, gbɛi mli akɛ bɔ enyɔŋ, ni nu hu enɛŋ kɛyashi biɛ afii enyɔ loo afii etɛ̃, bɛja mi, miwie dã.”

1 Maŋtsɛmɛi 8:35

“Kɛji omaŋ Israelbii fee esha, ni no hewɔ otsi nunɛmɔ naa, ni omaŋbii lɛ basɔle yɛ biɛ, ni amɛbo amɛtsɛ bo, ni amɛshwa amɛhe yɛ piŋmɔ ni opiŋ amɛ hewɔ lɛ,

Yesaia 2:12

Ejaakɛ Yehowa, Taiatsɛ lɛ, yɛ gbi ko ni eto ni ekɛbaaba ntɛŋfeemɔ kɛ henɔwomɔ kɛ hetsɔ̃ɔmɔ fɛɛ shi.

Yesaia 25:11

Nɛkɛ be mli lɛ Moabbii aaakpã amɛniji amli yɛ bu lɛ mli tamɔ serelɔ kpãa eniji amli ekɛsereɔ lɛ. Shi fɛɛ sɛɛ lɛ Yehowa baaba Moab hewoo kɛ edeŋmegbomɔ lɛ fɛɛ shi.

Yesaia 26:5

Ejaakɛ eba mɛi ni tara hei grɔŋŋi lɛ ashi; ni maŋ ni kwɔ lɛ, eba lɛ shi, ni ekɛ shikpɔŋ eye egbɔ; ewo lɛ etswa mlu mli.

Yesaia 28:1

Kpoo hã Israel dãatɔlɔi hewolɔi lɛ! Kpoo hã Israel anunyam fɔfɔi fɛɛfɛo ni kã ekuɛ lɛ! Kpoo hã fɔfɔi akekre ni yɔɔ Israel lumɛi ni etɔrɔ kɛ ŋmãa kɛ wain lɛ ayitsei ahe lɛ.

Yeremia 13:9

“Bɔ ni mi, Yehowa, mikɛɔ nɛ. Nɛkɛ pɛpɛɛpɛ ji bɔ ni mibafo Yuda hewoo lɛ kɛ Yerusalɛm hu hewoo babaoo lɛ sɛɛ mahã.

Yeremia 3:3

No hewɔ ni atsi nunɛmɔ naa; ni gbo nu enɛɛɛ nɛɛ; shi ohiɛ yoo ajwamãŋ hiŋmɛi lolo, ni ohiɛ gbooo he.

Ezekiel 24:21

“Yehowa kɛɛ mi akɛ, Kɛɛmɔ Israel we lɛ akɛ, bɔ ni Nuŋtsɔ Yehowa kɛɔ nɛ, Naa, mibabule mihekrɔŋkrɔŋ lɛ, ni ji nyɛhewalɛ ni nyɛkɛwoɔ nyɛhe nɔ lɛ; he krɔŋkrɔŋ ni ji nyɛhiŋmɛiŋ ajaŋmalaatɛ lɛ kɛ nyɛsusumai ashwee lɛ. Nyɛbihii kɛ nyɛbiyei ni nyɛshi yɛ Yerusalɛm lɛ, akɛ klante baagbe amɛ.

Ezekiel 30:6

“Bɔ ni Yehowa kɛɔ nɛ, mɛi fɛɛ ni fi Ijipt sɛɛ lɛ aaaplene, ni ehewalɛ ni ekɛshwãa lɛ baaba shi kɛjɛ Migdol ni yɔɔ kooyigbɛ lɛ kɛyashi Aswan yɛ wuoyigbɛ lɛ; amɛaanyɔnyɔi yɛ klante naa. Mi, Yehowa miwie.

Ezekiel 33:28

Makpãtã shikpɔŋ lɛ hiɛ ni ebaatsõ amaŋfɔ̃; ni ehewalɛ ni ekɛshwãa lɛ sɛɛ baafo; ni Israel gɔji lɛ anɔ baatsɔ̃ amaŋfɔ̃, bɔ ni mɔ ko mɔ ko tsɔŋ jɛi kɛhoŋ.

Ezekiel 7:24

mahã majimaji lɛ ateŋ mɛi fɔ̃ji fe fɛɛ abaŋɔ amɛshĩai lɛ amɛfee amɛnɔ. Mibafo amɛhewalɛ ni amɛkɛshwãa lɛ sɛɛ; ni aaabule amɛhei krɔŋkrɔŋi lɛ.

Daniel 4:37

“No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

Zefania 3:11

Nakai gbi lɛ nɔ lɛ, nyɛhiɛ gboŋ dɔŋŋ yɛ nibii ni nyɛfeefee nyɛkɛtse mihiɛ atua lɛ ahewɔ, ejaakɛ majie ntɛŋfeelɔi ni woɔ amɛhe nɔ fɛɛ yɛ nyɛteŋ, ni nyɛwoŋ nyɛhe nɔ dɔŋŋ yɛ migɔŋ krɔŋkrɔŋ lɛ nɔ,

Luka 4:25

Shi miikɛɛ nyɛ anɔkwale akɛ okulafoi pii yɛ Israel yɛ Elia yinɔ, be mli ni aŋa ŋwɛi naa afii etɛ̃ kɛ nyɔji ekpaa sɔŋŋ ni hɔ̃mɔ kpele ba shikpɔŋ lɛ fɛɛ nɔ lɛ;

5 Mose 11:17

Kɛji nyɛfee nɛkɛ nɔ ko lɛ, Yehowa mli baafu nyɛ, ni ebaatsi nu naa, ni nu enɛŋ, ni shikpɔŋ lɛ baŋ nii, ni nyɛhiɛ baakpãtã oya yɛ shikpɔŋ kpakpa ni Yehowa kɛhã nyɛ lɛ nɔ.

5 Mose 28:23

Ŋwɛi ni yɔɔ oyiteŋ nɛɛ aaatsɔ̃ tamɔ akɔɔble, ni shikpɔŋ aaatsɔ̃ tamɔ dade.

1 Samuel 4:11

Nyɔŋmɔ Kpãŋmɔ Adeka lɛ ashɔ̃, ni Hofni kɛ Finehas, Eli bihii enyɔ lɛ, nyɔ.

1 Samuel 4:3

Be ni Israel tabilɔi lɛ ku amɛsɛɛ kɛjɛ ta lɛ naa kɛba amɛshitoohe lɛ, Israel maŋ onukpai lɛ kɛɛ akɛ, “Mɛɛ hewɔ ni Yehowa ŋmɛ gbɛ ni Filistibii lɛ anine tsɔ̃ wɔnɔ ŋmɛnɛ nɛkɛ? Nyɛhãa ni wɔyaŋɔa Yehowa Kpãŋmɔ Adeka lɛ yɛ Shilo kɛbaa biɛ koni ebahi wɔteŋ, koni ehere wɔyiwala yɛ wɔhenyɛlɔi lɛ adɛŋ.”