3 Mose 26:18 - ŊMALƐ KRƆŊKRƆŊ LƐ

¹⁸ “Ni kɛji enɛɛmɛi fɛɛ asɛɛ lɛ, nyɛbooo mi toi lolo lɛ, no lɛ mibagbala nyɛtoi ekoŋŋ shii kpawo yɛ nyɛtɔ̃mɔi lɛ ahewɔ,

Ṅmãle̱ Kroṅkroṅ Le̱

¹⁸ Ni ke̱dši ene̱mei fẽ ase̱ ni nyeboomi toi lolo le̱, no le̱ magbla nyetoi šii kpawo mafata he ye̱ nyehe ešai le̱ ahewo̱,

3 Mose 26:18 ပူးပေါင်းရင်းမြစ်များ

Lalai 119:164

Mijieɔ oyi shii kpawo daa gbi, yɛ ojalɛ mlai lɛ ahewɔ.

2 Mose 9:14

ejaakɛ agbɛnɛ lɛ mahã haomɔi srɔtoi fɛɛ aba bo diɛŋtsɛ kɛ otsuji lɛ kɛ omaŋbii lɛ anɔ koni okɛna ole akɛ mɔ ko mɔ ko bɛ ni tamɔ mi yɛ je lɛ mli fɛɛ.

Abe̱i 24:16

Ejaakɛ jalɔ gbeɔ shi shii kpawo, ni eteɔ shi ekoŋŋ; shi efɔŋfeelɔ lɛ amanehulu butuɔ lɛ kwrakwra.

Yesaia 5:25

Enɛ hewɔ lɛ, Yehowa mli fu ewebii lɛ, ni ewo enine nɔ yɛ amɛnɔ, ni egbala amɛtoi. Gɔji lɛ hoso, ni amɛgbohii lɛ jwere blohui amli oookɛɛ shĩaŋ jwɛi ni abɛɛ ashwie. Shi fɛɛ sɛɛ lɛ Yehowa mlifu lɛ naa bako shi, shi ekpã enine lɛ mli lolo.

Yeremia 14:4

Akɛni nu enɛɛɛ, ni shikpɔŋ egbi keketee hewɔ lɛ, okwaafoi ahiɛ egboi; no hewɔ lɛ, amɛkɛ amɛnine etsi amɛhiɛ.

Daniel 3:19

Kɛkɛ ni Maŋtsɛ Nebukadnezar mli wo la fe nine, ni ehiɛ tsake ewo Shadrak kɛ Meshak kɛ Abednego. Amrɔ nɔŋŋ pɛ ni efã akɛ awo flɔnɔɔ lɛ mli la koni edɔ toi kpawo fe bɔ ni ahãa edɔɔ daa lɛ.

3 Mose 26:21

“Kɛji nyɛfeee nɔ ni mi mitaoɔ, ni nyɛtee nɔ nyɛbooo mi toi lɛ, mayanɔ magbala nyɛtoi shii kpawo fe tsutsu lɛ yɛ nyɛtɔ̃mɔi lɛ anaa.

3 Mose 26:24

no lɛ mi hu mate shi mawo nyɛ, ni magbala nyɛtoi shii kpawo fe tsutsu lɛ yɛ nyɛtɔ̃mɔi lɛ ahewɔ.

3 Mose 26:28

no lɛ mi hu mate shi mawo nyɛ kɛ mlila, ni magbala nyɛtoi shii kpawo fe tsutsu lɛ yɛ nyɛtɔ̃mɔi lɛ ahewɔ.

1 Samuel 2:5

Mɛi ni kulɛ amɛyeɔ nii amɛtɔrɔɔ lɛ, amɛmiiye apaa yɛ daaŋ ŋmãa hewɔ, ni mɛi ni kulɛ amɛwɔɔ hɔmɔ lɛ, amɛwɔɔɔ hɔmɔ dɔŋŋ. Naa, kene lɛ efɔ kpawo, ni biianyɛ lɛ moŋ etsɔ̃ mɔ kome mɔ.