3 Mose 26:17 - ŊMALƐ KRƆŊKRƆŊ LƐ

¹⁷ Majie mihiɛ maka nyɛ, ni nyɛhenyɛlɔi baaye nyɛnɔ, ni mɛi ni hetsɛ̃ɔ nyɛ lɛ aaaye nyɛnɔ bɔ sɔŋŋ, ni nyɛbaawo foi be mli ni mɔ ko mɔ ko enyiɛɛɛ nyɛsɛɛ.

Ṅmãle̱ Kroṅkroṅ Le̱

¹⁷ Ni madšie mihĩe makanye, ni aatſia-nye nii ye̱ nyehenye̱lo̱i le̱ ahĩe, ni nye-hetšẽlo̱i le̱ aaye nyeno̱, ni nyeadšo foi, tše̱ moko woonye foi.

3 Mose 26:17 ပူးပေါင်းရင်းမြစ်များ

1 Mose 4:12

Kɛji ohu shikpɔŋ lɛ ebaŋ nii ehaŋ bo yɛ ehewalɛ naa dɔŋŋ. Kobɔlɔ kɛ shikpalɔ oootsɔ̃ yɛ shikpɔŋ lɛ nɔ!”

1 Maŋtsɛmɛi 8:33

Kɛji omaŋ Israel henyɛlɔi ye amɛnɔ yɛ esha ko ni amɛfee amɛshi bo hewɔ, ni amɛku amɛsɛɛ kɛba oŋɔɔ ekoŋŋ, ni amɛbakpa eshaifaa he fai, yɛ Sɔlemɔtsu nɛɛ mli lɛ,

2 Maŋtsɛmɛi 13:3

Ni Yehowa mli wo Israel la, ni no hewɔ lɛ, daa nɛɛ Yehowa tuɔ amɛ ewoɔ Siria Maŋtsɛ Hazael kɛ ebi Ben-Hadad dɛŋ.

2 Maŋtsɛmɛi 13:7

No hewɔ lɛ, Yehoahaz lɛ, asraafoi pɛ ni shwɛ hã lɛ ji okpɔŋɔnɔtalɔi nyɔŋmai enumɔ kɛ tayaa shwiilii nyɔŋma kɛ nanenɔnyiɛlɔi akpei nyɔŋma; ejaakɛ Siria maŋtsɛ lɛ eplene Israelbii lɛ, ni efee amɛ munyɔmunyɔ tamɔ shikpɔŋ mlu.

Lalai 44:10

Ohãa wɔjoɔ wɔhenyɛlɔi anaa foi, ni wɔhenyɛlɔi lɛ haa wɔnii.

Lalai 53:5

Naa amɛ ni ŋmiŋmi emɔmɔ amɛ, ŋmiŋmi ni anako ehenɔ dã! Ejaakɛ mɛi ni sheee Nyɔŋmɔ gbeyei lɛ, Nyɔŋmɔ baagbɛ amɛwui lɛ eshwã. Abaahã amɛhiɛ agboi ejaakɛ Nyɔŋmɔ ekwa amɛ.

Lalai 53:6

Oo, kulɛ ajɛ Zion ahere Israel yiwala! Kɛji Nyɔŋmɔ hã ewebii ba amɛblema ekoŋŋ lɛ, no lɛ Yakob aaanya, ni Israel mii aaashɛ!

Abe̱i 28:1

Mɛi fɔ̃ji joɔ foi be mli ni mɔ ko enyiɛɛɛ amɛsɛɛ, shi jalɔi lɛ amɛfeɔ ekãa tamɔ jata.

Yesaia 30:17

Gbɔmɔ kometoo yiŋaa naa lɛ, mɛi akpe aaajo foi; nyɛ fɛɛ nyɛaajo foi kɛji mɛi enumɔ ŋa nyɛyi kɛyaashi beyinɔ ni aaashwɛ mɛi fioo tamɔ aflaŋaa tso ni ma gɔŋ yiteŋ, loo tamɔ aflaŋaa ni ma gɔŋkpɔ yiteŋ.

Yesaia 63:10

Shi amɛ lɛ amɛtse atua, ni amɛfee Emumɔ Krɔŋkrɔŋ lɛ nidɔɔnii. No hewɔ lɛ, etsɔ amɛhenyɛlɔ, ni lɛ diɛŋtsɛ ekɛ amɛ wu.

Yeremia 19:7

Mahã Yudabii kɛ Yerusalɛm maŋbii ayiŋtoi fɛɛ afee yaka yɛ biɛ. Mahã amɛnyɔnyɔi yɛ klante naa yɛ amɛhenyɛlɔi kɛ mɛi ni taoɔ amɛ efɔŋ amɛfee lɛ ahiɛ. Mahã ŋwɛi loofɔji kɛ shikpɔŋ nɔ kooloi aye amɛgbohii lɛ.

Yeremia 44:11

“No hewɔ lɛ, mi, Yehowa Taiatsɛ, Israel Nyɔŋmɔ lɛ, nɔ ni mikɛɔ ji akɛ, Naa, mibajie mihiɛ maka nyɛ, ni mibaplenee Yuda muu fɛɛ.

Yāfó 1:5

Ehenyɛlɔi lɛ etsɔ̃ yitso agbɛnɛ, ni amɛmiishwere, ejaakɛ Yehowa ehã eena nɔ yɛ etɔ̃mɔi babaoo lɛ ahewɔ. Ebii etee; amɛnyiɛ henyɛlɔi ahiɛ kɛtee akɛ nomii.

Yāfó 2:4

Egbala egãi tamɔ henyɛlɔ feɔ; ekɛ eninejurɔ eta gãi lɛ tamɔ henyɛlɔi, ni egbe mɛi fɛɛ ni ji wɔshwãanii. Ejie emlifu kpo etsɔ̃ɔ yɛ Yerusalɛm shĩai lɛ amli tamɔ la.

Ezekiel 15:7

Majie mihiɛ maka amɛ, ni kɛji amɛje la lɛ mli tete lɛ, la lɛ nɔŋŋ kɛ̃ baakpãtã amɛhiɛ. No ni nyɛaale akɛ mi, mi ji Yehowa, kɛji mijie mihiɛ mika amɛ lɛ.

3 Mose 17:10

Israelnyo fɛɛ Israelnyo loo gbɔ ni ebato Israelbii akaye loo lɛ mli lá, no lɛ majie mihiɛ maka nakai gbɔmɔ lɛ, ni mi kɛ lɛ baafo takoŋ.

5 Mose 28:25

“Yehowa aaahã henyɛlɔi aye onɔ. Ooonyiɛ gbɛ kome nɔ kɛyatua amɛ; shi gbɛi kpawo nɔ oootsɔ̃ ojo foi kɛje amɛhiɛ. Osane lɛ baahã shikpɔŋ lɛ nɔ nɔyelihei fɛɛ atsui afã.

Yoshua 7:4

No hewɔ lɛ, maŋbii lɛ ateŋ hii aaafee akpei etɛ̃ kɛkɛ yi mli kɛtee, shi amɛyanyɛɛɛ Aibii lɛ ahiɛ amɛdamɔ.

Kojolɔi 2:14

No hewɔ lɛ, Yehowa mli wo Israelbii lɛ la ni ehã ofɔ̃yelɔi baye amɛ ofɔ̃. Asaŋ ekɛ Israelbii lɛ wo amɛhenyɛlɔi ni bɔle amɛ kɛkpe lɛ ahewalɛ shishi, ni amɛnyɛɛɛ amɛhenyɛlɔi lɛ ahiɛ amɛdamɔ dɔŋŋ.

Kojolɔi 3:14

Israelbii lɛ sɔ̃mɔ Moab maŋtsɛ Eglon afii nyɔŋma kɛ kpaanyɔ.

Kojolɔi 3:8

No hewɔ lɛ, Yehowa mli wo Israelbii lɛ ala, ni ehã Mesopotamia maŋtsɛ Kushan-Rishataim ye amɛnɔ kunim ni amɛsɔmɔ lɛ afii kpaanyɔ.

Kojolɔi 6:2

Midianbii lɛ anineshi wa naakpa yɛ Israelbii lɛ anɔ. Midianbii lɛ ahewɔ lɛ, Israelbii lɛ tao bui yɛ gɔji lɛ anɔ, kɛ tɛkploi kɛ mɔji amɛhã amɛhe.

1 Samuel 12:15

Shi kɛji nyɛyayeee Yehowa gbee nɔ; shi nyɛtse ekitã lɛ hiɛ atua lɛ no lɛ Yehowa baagbala nyɛ kɛ nyɛmaŋtsɛ lɛ fɛɛ toi.

1 Samuel 31:1

Filistibii lɛ kɛ Israelbii lɛ wu ta, ni Filistibii lɛ anine tsɔ̃ Israelbii lɛ anɔ, ni amɛgbe Israelbii lɛ amɛshwie Gilboa Gɔŋ lɛ nɔ.

1 Samuel 4:10

Lɛɛlɛŋ akɛ Filistibii lɛ wu ta lɛ ekãa naa, ni amɛye Israelbii lɛ anɔ kunim, ni Israelbii lɛ jo foi yɛ Filistibii lɛ ahiɛ kɛtee amɛbuui amli. Agbe mɛi babaoo diɛŋtsɛ, ejaakɛ Israel tabilɔi aaafee akpei nyɔŋmai etɛ̃ ni nyiɛɔ amɛnane nɔ nyɔnyɔɔi.