3 Mose 26:16 - ŊMALƐ KRƆŊKRƆŊ LƐ

¹⁶ mi hu nɔ ni mibafee nyɛ nɛ: Mibahã tsuifãa saji abahɛŋ nyɛ trukaa, ni wɔlɔmɔ kɛ atridii ni hãa hiŋmɛi fiteɔ, ni etãa gbɔmɔtso loo baaye nyɛ. Nyɛbaagbo deŋme yaka nyɛdu nii ejaakɛ nyɛhenyɛlɔi moŋ baaba abaye.

Ṅmãle̱ Kroṅkroṅ Le̱

¹⁶ mi hũ noni mafenye ne̱: mike̱ tšuifā̃ sane ke̱ hela ní wa ke̱ fulu aabaſie nyeno̱, ní aahã nyehĩṅme̱ii afite, ni nyetšui asu; ni nyeadũ nyedũmo̱nii yakatſā, edšake̱ nyehenye̱lo̱i moṅ baye.

3 Mose 26:16 ပူးပေါင်းရင်းမြစ်များ

1 Maŋtsɛmɛi 8:37

“Kɛji hɔmɔ ba shikpɔŋ lɛ nɔ, kɛji gbele hela ba shikpɔŋ lɛ nɔ, kɛji aharabata kɔɔyɔɔ ni mli edɔ la ŋala nii ni adu yɛ shikpɔŋ lɛ nɔ, ni amɛsɔle lɛ, bo toi. Kɛji baalabii baye nii lɛ jio, no hu bo amɛ toi. Kɛji omaŋbii ahenyɛlɔi basa amɛyi wo amɛmaji amli yɛ amɛshikpɔŋ nɔ, loo gbele hela ko ba lɛ,

Hiob 18:11

Ehewɔ nibii fɛɛ ni bɔle lɛ ehã ŋmiŋmi emɔ lɛ, ni amɛnyiɛ esɛɛ kpaakpa.

Hiob 20:25

Abaagbala gãi lɛ, ni ebaaje kpo yɛ egbɔmɔtso lɛ mli; gãi lɛ naa kaŋkaŋ lɛ fãa kɛjɛɔ edɔrɔ mli; ni gbele ŋmiŋmi mɔɔ lɛ.

Hiob 31:8

no lɛ nii ni madu lɛ, mɔ kroko aaaye, ni ŋmɔshinii ni aaakwɛ̃ ahã mi lɛ, afãmɔ ashwie.

Lalai 109:6

Amɛkɛɔ akɛ, “Fãa yiwalɔ ko owo ehe, hã naafolɔlɔ ko afolɔ enaa.

Lalai 73:19

Amɛhiɛ kpãtãa shwiaa, ni ŋmiŋmi loɔ amɛ kɛyaa kwrakwra.

Lalai 78:33

No hewɔ lɛ, ehã amɛwala sɛɛ fo tamɔ kɔɔyɔɔ; amɛfii lɛ yi obɔ̃ kɛ haomɔ.

2 Mose 15:26

ni ekɛɛ, “Kɛji nyɛaaye Yehowa, ni ji nyɛNyɔŋmɔ lɛ, gbee nɔ kadikadi, ni nyɛaafee nɔ ni ja gbɛ yɛ ehiɛ, ni nyɛaaye ekpɔi kɛ kitãi fɛɛ anɔ lɛ, no lɛ helai ni mihã ye Ijiptbii lɛ eko eko yeŋ nyɛ, ejaakɛ mi ji Yehowa, nyɛtsalɔ lɛ.”

Abe̱i 3:33

Yehowa loomɔ kã mɛi fɔ̃ji awe nɔ; shi jalɔi awe lɛ, ejɔɔ nɔ.

Yesaia 10:4

Eshwɛŋ nɔ ko nɔ ko feemɔ fe akɛ amɛdɔ kɔmɔɔ yɛ gboklɛfoi ateŋ, aloo amɛ hu amɛnyɔnyɔi. Kɛ̃lɛ enɛ fɛɛ sɛɛ lɛ Yehowa mlifu lɛ ejɔŋ; ni etoigbalamɔ nine lɛ ekpã mli lolo.

Yesaia 62:8

Yehowa ewo ehewalɛ nine lɛ nɔ ekɛkã ehe kitã akɛ, “Anɔkwa, mikɛ obele lɛ haŋ ohenyɛlɔi amɛye dɔŋŋ, ni maŋsɛɛbii enuŋ owain ni ogbo he deŋme lɛ dɔŋŋ;

Yesaia 7:2

Be ni Yuda maŋtsɛ lɛ nu akɛ Aram kɛ Efraim efee ekome lɛ, Ahaz kɛ emaŋbii lɛ fɛɛ atsui fã, ni amɛkpokpo tamɔ kooŋ tsei ni ahum ebote amɛteŋ.

Yeremia 12:13

Mimɛi lɛ du ŋmaa; shi amɛkpa ŋmei. Amɛgbo deŋme; shi amɛnaaa he sɛɛ ko. Yehowa mlifu lɛ naawalɛ hewɔ lɛ, nii ni amɛbaakpa lɛ baafee amɛ hiɛgbele.”

Yeremia 15:3

Mi, Yehowa, miikɛɛ akɛ, mibahã nibii srɔtoi ejwɛ komɛi aba amɛnɔ. Ta baaba abakpãtã amɛhiɛ, ni gbei baashãtã amɛ, ni ŋwɛi loofɔji kɛ ŋaŋ kooloi baaye amɛloo.

Yeremia 15:8

Mihã amɛyei okulafoi ayi efa fe ŋshɔnaa shia. Mihã sane fɔŋ eye oblahii anyɛmɛi, ejaakɛ mihã hiɛkpãtãlɔ lɛ ekpãtã amɛblahii ahiɛ shwane fintiŋŋ. Mihã ŋmiŋmi kɛ tsuifãa sane eba amɛnɔ trukaa.

Yeremia 20:4

ni Yehowa diɛŋtsɛ ekɛɛ akɛ, ‘Naa, mahã otsɔ̃ gbeyeinɔ ohã bo diɛŋtsɛ ohe kɛ onanemɛi fɛɛ, ni ohiŋmɛi jwere nɔ nɛkɛ nɔŋŋ ni amɛaanyɔnyɔi yɛ amɛhenyɛlɔi aklante naa. Majɔɔ Yuda fɛɛ nɔ mawo Babilon maŋtsɛ lɛ dɛŋ, ni ebaaŋɔ maŋbii lɛ kɛaatee Babilon ni ebaaya eyagbe amɛ kɛ klante.

Yeremia 5:17

ni amɛbaaye nyɛŋmɔshinii ni nyɛkpa kɛ niyenii fɛɛ, ni amɛbaagbegbee nyɛbihii kɛ nyɛbiyei lɛ amɛye; amɛbaagbegbee nyɛtoi kɛ tsinai amɛye, ni amɛbaaye nyɛwaintsei kɛ agbãmitsei ayibii fɛɛ; ni nyɛmaji ni atswa gbogbo awo amɛhe ni nyɛhiɛ kã nɔ lɛ, amɛbaafite fɛɛ.”

Ezekiel 24:23

Nyɛbaafimɔ nyɛbɔnduku lɛ, ni nyɛtokotai lɛ aahi nyɛnaji, nyɛwoŋ yara, asaŋ nyɛfoŋ, shi moŋ yɛ nyɛnishaianii ahewɔ lɛ, nyɛaatãrã loo, ni nyɛaakɛ̃mɔ nyɛtsɔ̃ɔ nyɛhe.

Ezekiel 33:10

“Agbɛnɛ, bo Gbɔmɔ Adesa, kɛɛmɔ Israel we lɛ akɛ nɔ ni nyɛkɛɛ pɛŋ ji akɛ, ‘Wɔtɔ̃mɔi lɛ kɛ wɔhe eshai lɛ miisu wɔtsui, ni ehã wɔtãra loo. Te aaafee tɛŋŋ mɔ, ni wɔyi ana wala hu?’

Amos 5:11

Akɛni nyɛnaanaa ohiafo nɔ, ni nyɛtsuɔ lɛ abele onia fe bɔ ni sa hewɔ lɛ, nyɛkɛ tɛ ni ako emamɔ shĩai; shi moŋ nyɛhiŋ amɛmli; ni nyɛfeefee wain tromi fɛɛfɛji moŋ, shi nyɛnuŋ amɛmli wain.

Mika 6:15

Nyɛaadu nii, shi nyɛkpaŋ eko. Nyɛaaŋa mu, shi nyɛnaŋ mu nyɛkpa, ni nyɛaaŋa wain hu, shi nyɛnuŋ wain.

Hagai 1:6

Nyɛduɔ nii babaoo, shi fioo pɛ nyɛnaa nyɛkpaa. Nyɛyeɔ nii, shi nyɛtɔrɔɔɔ; ni nyɛnuɔ dãa shi nyɛtɔrɔɔɔ dãa. Nyɛbuɔ mama, shi mɔ ko mɔ ko he efeee kulɔɔ. Ni mɔ ni yeɔ apaa ni awoɔ lɛ nyɔmɔ hu lɛ, ekɛwoɔ kotoku ni shishi egbulɔ mli.”

Zakaria 14:12

Majimaji fɛɛ ni baafa tã kɛtua Yerusalɛm lɛ bɔ ni Yehowa kɛ amɛ baaye ahã nɛ: amɛheloo baakpɔtɔ be mli ni amɛhiɛ kamɔ; amɛhiŋmɛii baakpɔtɔ yɛ amɛyitsei ahe, ni amɛlilɛii baakpɔtɔ yɛ amɛdaaŋ.

Maleaki 2:3

Naa, mibakã nyɛshwiei ahiɛ, ni mikɛ nyɛfɔleshãa kooloi lɛ awamɔ lɛ aaakpa nyɛhiɛ; ni aaaloo nyɛ kɛ wamɔ lɛ fɛɛ ayashwie tumo nɔ.

5 Mose 28:51

Amɛbaaye otsinai abii kɛ oŋmɔshi nibaanii kɛyaashi aaakpãtã ohiɛ; amɛshiŋ abele loo wain loo mu loo otsinabii loo otoobii lɛ eko amɛhaŋ bo kɛyaashi amɛaakpãtã ohiɛ.

5 Mose 32:25

Klante aaanu lá yɛ blohui amli, ni piai amli baafee gbeyei. Ebaakpãtã oblanyo kɛ oblayoo kɛ bi fufɔoo kɛ wajiatsɛ fɛɛ hiɛ.

Hebribii 10:31

Nyɔŋmɔ hiɛkãalɔ lɛ dɛŋ gbeemɔ yɛ gbeyei pam.

Kojolɔi 6:11

Agbɛnɛ Yehowa bɔfo lɛ ba ebata Yoash, Abiezernyo lɛ, blɔfo yɔɔyitso ni yɔɔ Ofra lɛ shishi. Nakai be lɛ, Yoash bi Gideon lɛ miigbee ŋmãa yɛ wainbu mli, bɔ ni afee ni Midianbii lɛ akana.

1 Samuel 2:33

Ni owekunyo ni mahã ashwɛ ni esɔmɔ yɛ afɔleshãa latɛ lɛ naa lɛ tete, ehiŋmɛii baajwara, ni ebaaye awerɛho kɛteke nɔ; ni shwiei fɛɛ ni abaawo yɛ owe lɛ baagbo akranaŋ naa gbele.