3 Mose 26:13 - ŊMALƐ KRƆŊKRƆŊ LƐ

¹³ Mi ji Yehowa, nyɛNyɔŋmɔ lɛ, mɔ ni jie nyɛ yɛ Ijipt shikpɔŋ lɛ nɔ koni nyɛkahi shi akɛ amɛnyɔji dɔŋŋ lɛ. Mikumɔ tsei ni akɛwo nyɛ apã lɛ, ni mihã nyɛnyiɛ ni apã kãaa nyɛkuɛ.”

Ṅmãle̱ Kroṅkroṅ Le̱

¹³ Midši Iehowa, nye-Nyoṅmo̱ le̱, moni dšienye ke̱-dše̱ Mizraim šikpoṅ le̱ no̱, koni nyekafe ame̱nyṍdši doṅṅ, ni mikũmo̱ nyepã-tšei le̱, ni mihã nyenyie trõmō̃ le̱.

3 Mose 26:13 ပူးပေါင်းရင်းမြစ်များ

Lalai 116:16

Oo Yehowa, otsulɔ ji mi; otsulɔ kɛ oweyoo bi ji mi. Okpɔlɔ migboklɛi lɛ.

2 Mose 14:8

Shi Yehowa hã Ijipt maŋtsɛ Farao kpliŋ etsui, ni etiu Israelbii lɛ ni Yehowa hewalɛ nine ni tsii lɛ hiɛ amɛ kɛyaa lɛ.

2 Mose 20:2

“Mi ji Yehowa, oNyɔŋmɔ lɛ, ni mi mijie bo yɛ nyɔŋyeli mli kɛjɛ Ijipt shikpɔŋ lɛ nɔ lɛ.

2 Mose 6:7

Maŋɔ nyɛ mafee mi diɛŋtsɛ mimaŋ, ni matsɔ̃ nyɛNyɔŋmɔ, ni nyɛaale akɛ mi ji Yehowa, nyɛNyɔŋmɔ lɛ, ni jie nyɛ yɛ Ijipt nyɔŋyeli lɛ mli lɛ.

Yesaia 51:23

Maŋɔ maha nyɛhaolɔi lɛ, mɛi ni kɛɔ nyɛ akɛ, ‘Nyɛkamɔa shi koni wɔnyiɛa nyɛnɔ kɛhoa.’ Ni nyɛtsɔ tamɔ gbɛjegbɛ koni wɔnyiɛ nyɛnɔ lɛ.”

Yesaia 9:3

Ohã maŋbii lɛ ayi efa, Ohã amɛnyamɔ efa. Amɛmiinya yɛ ohiɛ tamɔ anyaa yɛ nikpamɔ be mli, loo tamɔ mɛi nyaa kɛji amɛmiija haanii.

Yeremia 2:20

“Blema ko beebe ni oku opã lɛ, ni otserɛ kpãi ni fimɔ bo lɛ mli, ni okɛɛ akɛ, ‘Misɔ̃mɔɔɔ mɔ ko mɔ ko!’ Shi gɔŋkpɔ fɛɛ gɔŋkpɔ yiteŋ kɛ tso fɛɛ tso ni ebu kusuu shishi oyakotoɔ shi ojaa, ni okwaa mi yɛ.

Yeremia 28:2

“Bɔ ni Yehowa Taiatsɛ, Israel Nyɔŋmɔ lɛ, kɛɛ nɛ, ‘Mifite Babilon maŋtsɛ hewalɛ ni tamɔ apã ni kã nyɛkuɛ lɛ.

Yeremia 28:4

Asaŋ Yuda Maŋtsɛ Yekonia, Yehoiakim bi lɛ, kɛ Yudabii fɛɛ ni aŋɔ amɛ nom kɛjɛ Yuda kɛtee Babilon lɛ, mikɛ amɛ baaku sɛɛ kɛba biɛ nɛɛ ekoŋŋ, ejaakɛ mibafite Babilon maŋtsɛ lɛ hewalɛ ni tamɔ apã lɛ. Mi Yehowa, mikɛɛ.’ ”

Ezekiel 30:18

Duŋ baawo shwane yɛ Tehafnehes, gbi nɔ ni mafite Ijipt nɔyeli hewalɛ lɛ, ni ehewalɛ ni ekɛwoɔ ehe lɛ sɛɛ baafo. Atatu ko baaha Ijipt nɔ, ni abaaŋɔ emaŋbii lɛ fɛɛ nom.

Ezekiel 34:27

Kɛkɛ lɛ ŋa nɔ tsei baawo amɛyibii ni shikpɔŋ lɛ baaba nii babaoo, ni amɛaahi shi shweshweeshwe yɛ amɛshikpɔŋ lɛ nɔ. Kɛji mikumɔ amɛkɔŋtsei ni akɛbɔ amɛ apã lɛ, ni mijie amɛ kɛjɛ mɛi ni yeɔ amɛ nyɔŋ lɛ adɛŋ lɛ, no amɛkɛaale akɛ mi, mi ji Yehowa.

Hosea 11:4

Mikɛ suɔmɔ kɛ mlitsɔlɛ gbala amɛ kɛba miŋɔɔ; ni mitsɔ̃ tamɔ mɔ ni fãa amɛdaaŋ manyoflɛ, ni mikɛ niyenii ma amɛhiɛ.”

3 Mose 25:38

Mi ji Yehowa, nyɛNyɔŋmɔ lɛ, mɔ ni jie nyɛ kɛje Ijipt shikpɔŋ lɛ nɔ koni maŋɔ Kanaan shikpɔŋ lɛ mahã nyɛ, ni matsɔ̃ nyɛNyɔŋmɔ lɛ.”

3 Mose 25:42

Ejaakɛ Israelbii lɛ mitsuji ni mijie amɛ kɛje Ijipt shikpɔŋ lɛ nɔ ji amɛ; no hewɔ lɛ, ebɛ akɛ ahɔ̃ɔ amɛteŋ mɔ ko akɛ nyɔŋ.

3 Mose 25:55

Ejaakɛ Israelbii lɛ mitsuji ni; amɛ ji mitsuji ni mijie yɛ Ijipt shikpɔŋ lɛ nɔ lɛ. Mi ji Yehowa, nyɛNyɔŋmɔ lɛ.”

Nahum 1:13

Agbɛnɛ, apã lɛ ni Asiria kɛfɔ̃ nyɛkuɛ lɛ mibakumɔ mli; ni mibatserɛ kpãai ni fimɔ nyɛ lɛ amli.”