3 Mose 26:12 - ŊMALƐ KRƆŊKRƆŊ LƐ

¹² Manyiɛ nyɛteŋ, ni matsɔ̃ nyɛNyɔŋmɔ, ni nyɛ hu nyɛaatsɔ̃ mimaŋ.

Ṅmãle̱ Kroṅkroṅ Le̱

¹² Ni manyie nyeteṅ, ni matšṍ nye-Nyoṅmo̱, ni nye hũ nyeatšṍ mimaṅ.

3 Mose 26:12 ပူးပေါင်းရင်းမြစ်များ

1 Mose 17:7

“Mahã mikpãŋmɔ ni kã mi kɛ bo teŋ lɛ ama shi shiŋŋ, ni eeetsɔ̃ naanɔ kpãŋmɔ ehã oshwiei ni aaaba yɛ osɛɛ lɛ yɛ amɛyinɔi fɛɛ mli; matsɔ̃ Nyɔŋmɔ mahã bo kɛ oshwiei ni aaaba yɛ osɛɛ lɛ.

1 Mose 17:8

Mikɛ shikpɔŋ ni obato gbɔ yɛ nɔ nɛɛ baahã bo kɛ oshwiei ni aaaba yɛ osɛɛ lɛ. Kanaan shikpɔŋ muu lɛ fɛɛ aaatsɔ̃ oshwiei anɔ kɛya naanɔ, ni matsɔ̃ amɛNyɔŋmɔ.”

1 Mose 3:8

Amɛnu Nuŋtsɔ Nyɔŋmɔ he ni enyiɛ trom lɛ mli be ni gbɛkɛnaashi kɔɔyɔɔ shwie lɛ; ni Adam kɛ eŋa lɛ tee amɛhe yɛ trom lɛ mli tsei lɛ ateŋ koni Nuŋtsɔ Nyɔŋmɔ akana amɛ.

1 Mose 5:22

ni efɔ bihii kɛ biyei krokomɛi.

1 Mose 5:24

Henok mɔ Nyɔŋmɔjamɔ mli waa, no hewɔ lɛ, Nyɔŋmɔ ŋɔ lɛ kɛtee, ni no sɛɛ lɛ anaaa lɛ dɔŋŋ.

1 Mose 6:9

Mɛnɛɛmɛi ji Noa shwiei lɛ. Noa ji jalɔ ni eye emuu yɛ eyinɔbii lɛ ateŋ; ni efeɔ Nyɔŋmɔ suɔmɔnaanii.

2 Samuel 7:7

Hei fɛɛ ni mikɛ Israel fɛɛ enyiɛnyiɛ lɛ, mibiko Israel maŋ hiɛnyiɛlɔi ni mifãa amɛ akɛ amɛkura mimaŋ Israel lɛ ateŋ mɔ ko yɛ he ko pɛŋ akɛ mɛɛba po ni nyɛmako tsenedru tsu nyɛhãko mi lɛ?’

Lalai 50:7

Oo mimɛi, nyɛboa toi, mibawie. Oo Israel, maye odase mashi bo. Mi ji Naa Nyɔŋmɔ, oNyɔŋmɔ lɛ.

2 Mose 29:45

Ni mahi Israelbii lɛ ateŋ, ni matsɔ̃ amɛNyɔŋmɔ.

2 Mose 29:46

Ni amɛaana amɛle akɛ mi ji Yehowa, amɛNyɔŋmɔ lɛ, mɔ ni jie amɛ kɛje Ijipt shikpɔŋ lɛ nɔ koni mahi amɛteŋ lɛ; mi Yehowa, amɛNyɔŋmɔ lɛ.”

2 Mose 3:6

Esaa ekɛɛ akɛ, “Mi ji otsɛmɛi aNyɔŋmɔ lɛ, Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ.” Kɛkɛ ni Mose tsĩ ehiɛ, ejaakɛ eeshe gbeyei akɛ eeekwɛ Nyɔŋmɔ.

2 Mose 6:7

Maŋɔ nyɛ mafee mi diɛŋtsɛ mimaŋ, ni matsɔ̃ nyɛNyɔŋmɔ, ni nyɛaale akɛ mi ji Yehowa, nyɛNyɔŋmɔ lɛ, ni jie nyɛ yɛ Ijipt nyɔŋyeli lɛ mli lɛ.

Yesaia 12:2

Naa Nyɔŋmɔ ji miyiwalaherelɔ. Mihiɛ baakã enɔ, ni misheŋ gbeyei ejaakɛ Nuŋtsɔ Nyɔŋmɔ ji mihewalɛ kɛ milala, ni lɛ nɔŋŋ etsɔ̃ miyiwalaheremɔ.

Yesaia 41:10

Kaashe gbeyei, shi mi mi kɛ bo yɔɔ; kaakwɛkwɛɛ ohe ejaakɛ mi ji oNyɔŋmɔ lɛ!” Mibawaje bo, mibaye mabua bo; mibahiɛ omli kɛ mikunimyeli ninejurɔ lɛ!

Yeremia 11:4

Kpãŋmɔ nɛɛ ji kpãŋmɔ ni mi kɛ nyɛtsɛmɛi lɛ kpãŋ, asaŋ ni miwo amɛ kitã yɛ he be ni mijie amɛ kɛjɛ Ijipt shikpɔŋ lɛ nɔ, he ni amɛhe dɔ la yɛ, tamɔ dade flɔnɔɔŋ lɛ. Mifã nyɛ akɛ nyɛbo migbee toi, ni nyɛye nibii ni mikɛɛ nyɛ lɛ fɛɛ nɔ, koni nyɛtsɔ̃ mimaŋ, ni mi hu matsɔ̃ nyɛNyɔŋmɔ,

Yeremia 30:22

Nyɛbaatsɔ̃ miwebii, ni mi hu mibatsɔ̃ nyɛNyɔŋmɔ.”

Yeremia 31:33

Kpãŋmɔ hee ni mikɛ Israel baakpãŋ yɛ nakai gbi lɛ sɛɛ nɛ: Mibaŋɔ mimla lɛ mawo amɛmli, ni mibaŋmã mlai lɛ mawo amɛtsuii amli, ni mibatsɔ̃ amɛNyɔŋmɔ, ni amɛbaatsɔ mimaŋ.

Yeremia 32:38

ni amɛbaatsɔ̃ miwebii, ni mibatsɔ̃ amɛNyɔŋmɔ.

Yeremia 7:23

Shi moŋ miwo amɛ kitã akɛ, ‘Nyɛyea migbee nɔ, ni matsɔ̃ nyɛNyɔŋmɔ, ni nyɛ hu nyɛbaatsɔ̃ mimaŋ; nyɛbaa nyɛjeŋ yɛ kitãi ni miwo nyɛ lɛ anaa, bɔ ni afee ni ahi ahã nyɛ.’

Ezekiel 11:20

bɔ ni afee ni amɛba amɛjeŋ yɛ mikpɔi lɛ anaa, ni amɛye mimlai lɛ anɔ, koni amɛtsɔ̃ miwebii ni mi hu matsɔ̃ amɛNyɔŋmɔ.

Ezekiel 36:38

Mahã maji wuji ni etsɔmɔ amaŋfɔ̃i lɛ amli aaayimɔ obɔ̃bɔ̃ kɛ gbɔmɛi babaoo tamɔ toi kui ni akɛyaashã afɔle yɛ Yerusalɛm yɛ egbii juji lɛ anɔ lɛ. Enɛ amɛkɛaale akɛ mi, mi ji Yehowa.”

Yoel 2:27

No lɛ Israelbii, nyɛaana nyɛle akɛ miyɛ nyɛteŋ; nyɛaana nyɛle akɛ mi ji nyɛNyɔŋmɔ lɛ, ni misɛɛ lɛ mɔ ko bɛ dɔŋŋ. Agbeŋ mimaŋ lɛ he guɔ kɔkɔɔkɔ dɔŋŋ.

Zakaria 13:9

Nɛkɛ mlijaa etɛ̃ mli ekome ni aaashwɛ nɛɛ lɛ, mikɛ amɛ baawo la mli ni matsuu amɛhe, tamɔ akɛ la tsuɔ jwiɛtɛi he; makpa amɛ shi makwɛ tamɔ akpaa shika shi akwɛɔ lɛ. Amɛaasɔle kɛtsɛ mi, ni mahere amɛ nɔ. Makɛɛ akɛ, ‘Mimɛi ji amɛ,’ ni amɛ hu amɛaakɛɛ akɛ, ‘Yehowa ji wɔNyɔŋmɔ.’ Mi Yehowa, Taiatsɛ, mikɛɛ.”

4 Mose 5:3

Nuu kɛ yoo fɛɛ, nyɛjiea amɛ kɛyaa koni amɛkabule shitoohe lɛ he ni mihiɔ nyɛteŋ yɛ lɛ.”

Mateo 22:32

‘Mi lɛ, Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ ji mi lɛ?’ Nyɔŋmɔ lɛ jeee gbohii aNyɔŋmɔ ni, shi moŋ hiɛkãalɔi aNyɔŋmɔ ni.”

2 Korintobii 6:16

Ni asaŋ mɛɛ ekomefeemɔ yɔɔ Nyɔŋmɔ Sɔlemɔtsu kɛ amãgãi ateŋ? Ejaakɛ Nyɔŋmɔ hiɛkãalɔ lɛ Sɔlemɔtsu ji nyɛ, tamɔ bɔ ni Nyɔŋmɔ kɛɛ akɛ, “Mahi amɛmli, ni manyiɛ yɛ amɛteŋ. Ni matsɔ̃ amɛNyɔŋmɔ, ni amɛ hu amɛaatsɔ̃ mimaŋ.”

5 Mose 23:14

Yehowa, nyɛ Nyɔŋmɔ lɛ, kɛ nyɛ yɛ jɛi bɔ ni afee ni ebu nyɛhe, ni asaŋ ehã nyɛye nyɛhenyɛlɔi lɛ anɔ kunim. No hewɔ lɛ, muji nɔ ko akahi shitoohe lɛ mli koni ehã Yehowa kpa yɛ nyɛsɛɛ.”

5 Mose 23:15

“Kɛji nyɔŋ ko jo foi yɛ enuŋtsɔ ŋɔɔ, ni ebaba Israelbii abo lɛ, akakpale nyɔŋ lɛ ayahã enuŋtsɔ lɛ.

Hebribii 11:16

Shi agbɛnɛ lɛ amɛmiitao maŋ ni hi fe no, ni ji ŋwɛi nɔ lɛ. No hewɔ lɛ, efeee Nyɔŋmɔ hiɛgbele akɛ aaatsɛ lɛ amɛNyɔŋmɔ, ejaakɛ esaa maŋ eto amɛ.

Kpojiemɔ 2:1

“Efeso asafo lɛ bɔfo lɛ; ŋmaa oyaha lɛ akɛ, ‘Nii ni mɔ ni hiɛ ŋulamii kpawo lɛ yɛ eninejurɔ ni enyiɛɔ shika kanetsei kpawo lɛ ateŋ lɛ kɛɛ nɛ.

Kpojiemɔ 21:7

Kunimyelɔ lɛ aaatsɔ̃ nɛkɛ nii nɛɛ fɛɛ yelɔ, ni matsɔ eNyɔŋmɔ ni lɛ hu eeetsɔ̃ mibi.