3 Mose 26:11 - ŊMALƐ KRƆŊKRƆŊ LƐ

¹¹ Mahi nyɛteŋ yɛ miBuu Krɔŋkrɔŋ lɛ mli, ni minyaŋeŋ nyɛ.

Ṅmãle̱ Kroṅkroṅ Le̱

¹¹ Ni maṅo mišihĩle̱he le̱ mamã nyeteṅ, ni misusuma nyãṅeṅnye.

3 Mose 26:11 ပူးပေါင်းရင်းမြစ်များ

2 Samuel 7:7

Hei fɛɛ ni mikɛ Israel fɛɛ enyiɛnyiɛ lɛ, mibiko Israel maŋ hiɛnyiɛlɔi ni mifãa amɛ akɛ amɛkura mimaŋ Israel lɛ ateŋ mɔ ko yɛ he ko pɛŋ akɛ mɛɛba po ni nyɛmako tsenedru tsu nyɛhãko mi lɛ?’

1 Maŋtsɛmɛi 6:13

Mahi shi yɛ nyɛ Israelbii ateŋ. Mikwaŋ mimaŋ Israel kɔkɔɔkɔ.”

1 Maŋtsɛmɛi 8:13

Agbɛnɛ mimã tsu mihã bo ni ohi mli, he ni ohi kɛya naanɔ!”

1 Maŋtsɛmɛi 8:27

“Aso bo Nyɔŋmɔ, ooobahi shikpɔŋ nɛɛ nɔ lo! Naa, ŋwɛi kɛ ŋwɛii amli ŋwɛi nyɛɛɛ bo ato, aahu ni Sɔlemɔtsu bibioo nɛɛ ni mimã nɛɛ!

Lalai 106:40

No hewɔ lɛ, Yehowa mli fu emaŋ lɛ, ni enyaŋe lɛ diɛŋtsɛ ewebii lɛ.

Lalai 76:2

Eshihilɛhe yɛ Salem, ni Zion Gɔŋ lɛ nɔ eyɔɔ.

Lalai 78:59

Nyɔŋmɔ mli wo la be ni ena amãgãi lɛ, no hewɔ lɛ, ekwa Israel kwrakwra.

2 Mose 25:8

Ohã Israelbii lɛ afee Kpee Buu Krɔŋkrɔŋ ko amɛhã mi koni mahi amɛteŋ.

2 Mose 29:45

Ni mahi Israelbii lɛ ateŋ, ni matsɔ̃ amɛNyɔŋmɔ.

2 Mose 29:46

Ni amɛaana amɛle akɛ mi ji Yehowa, amɛNyɔŋmɔ lɛ, mɔ ni jie amɛ kɛje Ijipt shikpɔŋ lɛ nɔ koni mahi amɛteŋ lɛ; mi Yehowa, amɛNyɔŋmɔ lɛ.”

Yeremia 14:21

Ogbɛi lɛ hewɔ lɛ, kaakwa wɔ; kaahã Yerusalɛm hiɛ miishwie shi; he ni ogbojee maŋtsɛ sɛ̃i lɛ yɔɔ lɛ. Kaimɔ kpãŋmɔ ni okɛ wɔ kpãŋ lɛ; ni okaku mli.

Yāfó 2:7

Nuŋtsɔ lɛ nyaŋe afɔleshãa latɛ lɛ; ni ekwa Ehe Krɔŋkrɔŋ lɛ, ni eŋɔ ehe mɔji fɛɛfɛji lɛ ehã henyɛlɔ lɛ. Abolɔ yɛ Yehowa we lɛ mli tamɔ abolɔɔ yɛ gbijurɔ nɔ.

Yoel 2:27

No lɛ Israelbii, nyɛaana nyɛle akɛ miyɛ nyɛteŋ; nyɛaana nyɛle akɛ mi ji nyɛNyɔŋmɔ lɛ, ni misɛɛ lɛ mɔ ko bɛ dɔŋŋ. Agbeŋ mimaŋ lɛ he guɔ kɔkɔɔkɔ dɔŋŋ.

3 Mose 20:23

Nyɛkakasea shikpɔŋ lɛ nɔ bii lɛ akusumi ni amɛfeɔ lɛ. Miishwie nɛkɛ wɔŋjalɔi nɛɛ bɔ ni afee ni nyɛnyɛ shikpɔŋ lɛ nɔ nyɛya. Amɛkɛ amɛnifɔɔjianii ni amɛfeɔ lɛ ehã minyaŋe amɛ.

3 Mose 26:15

ni kɛji nyɛkwa mikpɔi lɛ, ni nyɛnyaŋe mimlai lɛ, ni nyɛyeee mikitãi lɛ anɔ, ni nyɛku mi kɛ nyɛ kpãŋmɔ lɛ mli lɛ,

3 Mose 26:43

Shi ja amɛhã shikpɔŋ lɛ kã shi efolo ni ahuuu nɔ, koni shikpɔŋ lɛ ana aye ehejɔɔmɔ be lɛ. No sɛɛ lɛ, ja agbala amɛtoi kɛwo amɛ amɛnifɔɔjianii lɛ ahe nyɔmɔ, ejaakɛ amɛkwa mimlai lɛ, ni amɛnyaŋe mikpɔi lɛ.

3 Mose 26:44

Enɛ fɛɛ sɛɛ lɛ, be mli ni amɛyɔɔ amɛhenyɛlɔi lɛ ashikpɔŋ lɛ nɔ tete lɛ, mikwaŋ amɛ, ni minyaŋeŋ amɛ bɔ ni no baahã makpãtã amɛhiɛ kwraa kɛku mi kɛ amɛteŋ kpãŋmɔ lɛ mli, ejaakɛ mi ji Yehowa, amɛNyɔŋmɔ lɛ.

Zakaria 11:8

Mikpãtã tookwɛlɔi etɛ̃ ahiɛ yɛ nyɔŋ kome mli, ejaakɛ minaaa amɛhe tsui, ni amɛ hu amɛnyaŋe mi.

Efesobii 2:22

ni emli atswaa nyɛ awoɔ afee Nyɔŋmɔ shihilɛhe yɛ Mumɔ mli lɛ.

5 Mose 32:19

“Be ni Yehowa na enɛ lɛ, enyaŋe ebihii kɛ ebiyei lɛ, yɛ emli la ni amɛwo lɛ hewɔ.

Yoshua 22:19

Kɛji nyɛsusuɔ akɛ nyɛgbɛfaŋ shikpɔŋ ni akɛhã nyɛ lɛ nɔ tseee lɛ, no lɛ nyɛfoa mli kɛbaa Yehowa shikpɔŋ lɛ nɔ, he ni Yehowa Kpee Buu Krɔŋkrɔŋ lɛ yɔɔ lɛ, koni nyɛbaŋɔa shikpɔŋ lɛ eko yɛ wɔteŋ akɛ nyɛgbɛfaŋnɔ. Nyɛkwɛa kɛkɛ ni nyɛkatsea Yehowa hiɛ atua, ni nyɛkatsea wɔ hu wɔhiɛ atua koni kɛjɛ Yehowa afɔleshãa latɛ lɛ sɛɛ lɛ, nyɛma nyɛ diɛŋtsɛ nyɛfɔleshãa latɛ kroko nyɛhã nyɛhe.

Yoshua 22:31

Kɛkɛ ni Finehas, Osɔfo Eleazar bi lɛ, kɛɛ Rubenbii lɛ kɛ Gadbii lɛ kɛ Manasebii lɛ akɛ, “Wɔna wɔle ŋmɛnɛ akɛ nyɛ kɛ wɔ fɛɛ hiɛ Yehowa jamɔ lɛ mli, ejaakɛ nyɛtɔ̃ko Yehowa nɔ kɛ nɔ ni nyɛfee lɛ. No hewɔ lɛ, nyɛhere Israel yɛ etoi ni kulɛ Yehowa baagbala lɛ mli.”

Kpojiemɔ 21:3

Ni minu gbee kpeteŋkple ko jɛ maŋtsɛ sɛ̃i lɛ mli kɛɛ, “Naa, Nyɔŋmɔ shihilɛhe lɛ yɛ gbɔmɛi ateŋ, ni eeehi shi yɛ amɛteŋ, ni amɛaatsɔ̃ emaŋ, ni Nyɔŋmɔ diɛŋtsɛ kɛ amɛ aaahi shi.

Kpojiemɔ 7:15

No hewɔ ni amɛyɔɔ Nyɔŋmɔ maŋtsɛ sɛ̃i lɛ hiɛ, ni amɛjaa lɛ nyɔɔŋ kɛ shwane yɛ eSɔlemɔtsu lɛ mli lɛ; ni mɔ ni ta maŋtsɛsɛi lɛ nɔ lɛ aaashi ebuu lɛ eto amɛnɔ.