3 Mose 25:9 - ŊMALƐ KRƆŊKRƆŊ LƐ

⁹ Afi nɛɛ nɔ nyɔŋ ni ji kpawo lɛ nɔ gbi ni ji nyɔŋma lɛ, no ji Nikpɔ̃mɔ Gbi lɛ. Akpã tɛtɛrɛmantɛrɛ kɛfo shikpɔŋ tso muu lɛ fɛɛ nɔ yɛ Nikpɔ̃mɔ Gbi nɛɛ nɔ.

Ṅmãle̱ Kroṅkroṅ Le̱

⁹ Ni nyõṅ ní dši kpawo le̱ no̱ gbĩ ní dši gbĩ *nyoṅma le̱ no̱ le̱ hã akpa te̱tre̱mantre̱ wä ke̱-fo ši, nyehãa akpãa te̱tre̱mantre̱ ke̱-foa ši ye̱ nyešikpoṅ mū le fẽ no̱ ye̱ ne̱ke kpãtãmo̱gbĩ ne̱ no. *23,27.

3 Mose 25:9 ပူးပေါင်းရင်းမြစ်များ

Lalai 89:15

Ajɔɔ mɛi ni le gbijurɔyeli lala lɛ, mɛi ni baa amɛjeŋ bɔ ni sa bo, Yehowa, ohiɛ lɛ;

Lalai 89:16

mɛi ni amɛmli filiɔ amɛ gbi muu fɛɛ yɛ ogbɛi lɛ hewɔ ni amɛkafoɔ ojalɛ lɛ;

Yesaia 27:13

Aaakpã tɛtɛrɛmantɛrɛ wulu ko nakai gbi lɛ, ni mɛi fɛɛ ni elaaje yɛ Asiria shikpɔŋ lɛ nɔ lɛ, kɛ mɛi ni ashwie amɛ kɛtee Ijipt shikpɔŋ lɛ nɔ lɛ aaaba, ni amɛaabaja Yehowa yɛ Gɔŋ Krɔŋkrɔŋ lɛ nɔ yɛ Yerusalɛm.

3 Mose 16:20

“Kɛ Aaron egbe He Krɔŋkrɔŋ lɛ kɛ Kpee Buu lɛ kɛ afɔleshãa latɛ lɛ jwiramɔ lɛ naa lɛ, ekɛ too kpakpo ni hiɛ kã lɛ aba.

3 Mose 16:29

“Enɛ afee akpɔ ahã nyɛ kɛmiiya naanɔ. Nyɔɔŋ ni ji kpawo lɛ nɔ gbi ni ji nyɔŋma lɛ nɔ lɛ, nyɛgbea nyɛhe hɔmɔ. Nyɛkatsua nitsumɔ ko, nyɛmaŋ lɛ mli bii jio, gbɔ ni ebato nyɛ jio.

3 Mose 16:30

Ejaakɛ nakai gbi lɛ abaakpãtã ahã nyɛ koni akɛtsuu nyɛhe ni akɛhã nyɛhe atse yɛ Yehowa hiɛ.

3 Mose 23:24

“Kɛɛmɔ Israelbii lɛ akɛ nyɔɔŋ ni ji kpawo lɛ klɛŋklɛŋ gbi lɛ, nyɛyea lɛ kpoo akɛ hejɔɔmɔ gbijurɔ. Akpã tɛtɛrɛmantɛrɛ akɛ kaimɔ nɔ kɛshiɛ gbi lɛ, koni akpe kpee krɔŋkrɔŋ kɛja.

3 Mose 23:27

“Nyɔɔŋ ni ji kpawo nɛɛ nɔ gbi ni ji nyɔŋma lɛ ji esha kpãtãmɔ gbi lɛ. Gbi nɛɛ nɔ lɛ nyɛwaa nyɛhe yi kɛ hɔmɔ; asaŋ nyɛkpea kpee krɔŋkrɔŋ kɛjaa, ni nyɛkɛ nyɛdɛŋ niyenii afɔle ni ashãa abaa abahãa Yehowa.

3 Mose 25:8

“Nyɛkanea shikpɔŋ lɛ hejɔɔmɔ afi nɛɛ toi kpawo, no ji afii kpawo kpawo toi kpawo. Enɛ feɔ afii nyɔŋmai ejwɛ kɛ nɛɛhu.

3 Mose 27:17

Kɛji Nikpɔ̃mɔ Afiyeli lɛ nɔ nɔŋŋ ni ejɔɔ eshikpɔŋ lɛ nɔ eke lɛ, shikpɔŋ lɛ jara lɛ adamɔ jara bɔ ni awo lɛ nɔ nɔŋŋ.

3 Mose 27:24

Ni Nikpɔ̃mɔ Afi lɛ nɔ lɛ akpale shikpɔŋ lɛ ahã mɔ dɛŋ ni ahe yɛ lɛ koni etsɔ̃ enɔ ekoŋŋ akɛ shikpɔŋ ni ji egboshinii.

4 Mose 10:10

Asaŋ nyɛkpãa tɛtɛrɛmantɛrɛi lɛ yɛ gbii ni nyɛmiinya hu anɔ, kɛ gbii juji ni ato lɛ kɛ nyɔŋ hee shishijee gbi lɛ hu nɔ be mli ni nyɛshãa afɔlei kɛ shidaa afɔlei lɛ yɛ mihiɛ lɛ, ni maye mabua nyɛ. Mi ji Yehowa, nyɛNyɔŋmɔ lɛ.”

4 Mose 36:4

No hewɔ lɛ, kɛji eshɛ Israelbii aNyamɔ Afiyeli be lɛ abaaŋɔ nɛkɛ amɛgbɛfaŋnɔ nɛɛ afata akutsei ni amɛtee gbãlã yɛ mli lɛ agbɛfaŋnɔ lɛ he, ni ebaaje wɔtsɛmɛi agbɛfaŋnɔ lɛ mli kwraa.”

Romabii 10:18

Shi miibi akɛ, “Aso nu amɛnuuu?” Anɔkwale mli lɛ amɛnu, tamɔ bɔ ni ŋmalɛ lɛ kɛɔ akɛ, “Amɛgbee ejije kɛtee shikpɔŋ muu lɛ fɛɛ nɔ. Ni amɛwiemɔi lɛ eshɛ jeŋ naagbeehei lɛ.”

Romabii 15:19

yɛ okadii kɛ naakpɛɛnii ahewalɛ mli, yɛ Mumɔ hewalɛ mli; bɔ ni fee nɛ ni mijɛ Yerusalɛm mibɔle shi aahu kɛyashi Ilirikum ni mishiɛ Kristo Sanekpakpa lɛ migbe naa.

1 Tesalonikabii 1:8

Ejaakɛ nyɛŋɔɔ Nuŋtsɔ lɛ wiemɔ lɛ jɛ ni egbɛ eshwã, jeee yɛ Makedonia kɛ Akaia kɛkɛ, shi moŋ nyɛhe ni nyɛheɔ Nyɔŋmɔ nɔ nyɛyeɔ lɛ ejije kɛtee he fɛɛ he, ni ehĩaaa wɔ nɔ ko kɛɛmɔ tete.

Yoshua 6:4

Osɔfoi kpawo ahiɛ bɛji kpawo ni akɛ ojwɛni akloŋto fee kɛnyiɛ Kpãŋmɔ Adeka lɛ hiɛ. Gbi ni ji kpawo lɛ nɔ lɛ, nyɛbɔlea maŋ lɛ shii kpawo be mli ni osɔfoi lɛ miikpã bɛji lɛ.