3 Mose 24:7 - ŊMALƐ KRƆŊKRƆŊ LƐ

⁷ Okɛ krɔbɔo krɔŋŋ afata aboloo ku kome fɛɛ ku kome he, koni no afee kaimɔ nɔ ni akɛbahã akɛ afɔle ni ashã ahã Yehowa.

Ṅmãle̱ Kroṅkroṅ Le̱

⁷ Ni oke̱ kro̱bo̱o kro̱ṅṅ afõ klẽmpẽ-fẽ-klẽmpẽ no̱, ni efe abolo le̱ kaimo̱nõ, afo̱le ní ake̱ la šãa ahãa Iehowa.

3 Mose 24:7 ပူးပေါင်းရင်းမြစ်များ

1 Mose 9:16

Kɛji kwaabuɛtɛ lɛ fo yɛ atatui lɛ amli lɛ, mana ni makai minaanɔ kpãŋmɔ lɛ ni kã mi kɛ nibii srɔtoi fɛɛ ni hiɛ kã ni yɔɔ shikpɔŋ lɛ nɔ lɛ teŋ lɛ.”

2 Mose 12:14

Nɛkɛ gbi nɛɛ atsɔ̃ kaimɔ gbi ahã nyɛ, ni nyɛye lɛ akɛ Yehowa gbi jurɔ, ni etsɔ̃ akpɔ ehã nyɛ kɛ nyɛshwiei kɛya naanɔ.”

2 Mose 13:9

Nyɛkaia gbijurɔ nɛɛ. Nyɛhãa efea tamɔ okadi ko ni fi nyɛnineshi aloo ni kpɛtɛ nyɛhiɛŋtso nɔ koni Yehowa mla lɛ akã nyɛdaaŋ, ejaakɛ nineshiwalɛ naa Yehowa jie nyɛ kɛje Ijipt.

2 Mose 17:14

Kɛkɛ ni Yehowa kɛɛ Mose akɛ, “Ŋmaa kunimyeli nɛɛ he sane lɛ owo wolo mli ofɔ̃ shi koni etsɔ̃ kaimɔ nɔ; ni okpã owo Yoshua toiŋ akɛ mibagbe Amalek kwrakwra yɛ shikpɔŋ nɛɛ nɔ.”

2 Mose 28:12

Okɛ tɛi enyɔ nɛɛ amãmɔ efod lɛ he mamai hwĩahwĩabii ni baakã kɔŋ nɔ lɛ anɔ koni akɛkai Yakob bii lɛ. No hewɔ lɛ, be fɛɛ be ni Aaron aaaba Yehowa hiɛ lɛ, Israel akutsei lɛ agbɛii yɛ ekɔji enyɔ lɛ anɔ koni makai amɛ daa.

Yesaia 43:23

Okɛ otoo lɛ ebahãaa mi koni akɛshã shãaafɔle; ni okɛ oshãa afɔlei lɛ wooo mihiɛ nyam. Mikɛ niyenii afɔle gbako onaa, ni mihãaa etɔ bo kɛ krɔbɔohamɔ.

3 Mose 2:1

“Kɛji mɔ ko kɛ ŋmãa miiba abashã afɔle ahã Yehowa lɛ, egbɛlɛ ŋmãa lɛ mã. Ekɛ mu ashwie mamu lɛ nɔ, ni ekɛ tsofakɛŋma hu afata he;

3 Mose 2:2

koni ekɛbahã Aaron bihii osɔfoi lɛ. Osɔfo ni yɔɔ nitsumɔ nakai gbi lɛ nɔ lɛ akpiti mã lɛ kɛ mu lɛ ekɔkɔ obɔ̃ kɛ tsofakɛŋma lɛ fɛɛ koni ashã yɛ afɔleshãa latɛ lɛ nɔ akɛ afɔle muu ni akɛbahã Yehowa he odaseyeli nɔ. Eji shãa afɔle, ni ejeɔ ŋma ewoɔ Yehowa.

3 Mose 2:9

Osɔfo lɛ ajie niyenii afɔle lɛ mli eko, ni eshã yɛ afɔleshãa latɛ lɛ nɔ akɛ shãa afɔle muu lɛ ni akɛbahã Yehowa he odaseyeli nɔ.

Yohane 6:35

Ni Yesu kɛɛ amɛ akɛ, “Mi ji wala aboloo lɛ; mɔ ni baa miŋɔɔ lɛ, hɔmɔ yeŋ lɛ gbi ko gbi ko, ni mɔ ni heɔ minɔ yeɔ lɛ, kumai hu yeŋ lɛ gbi ko gbi ko.

Yohane 6:51

Mi ji aboloo ni hiɛ kã ni jɛ ŋwɛi ba lɛ; kɛji mɔ ko ye aboloo nɛɛ eko lɛ, ehiɛ aaakã kɛaatee naanɔ. Shi aboloo ni mikɛbaahã lɛ ji miheloo ni mikɛbaahã yɛ je lɛ wala hewɔ lɛ.”

Bɔfoi 10:31

ni ekɛɛ, ‘Kornelio, abo osɔlemɔ lɛ toi, ni onijuji ni ofeɔ lɛ hu Nyɔŋmɔ ena.

Bɔfoi 10:4

Ni ekwɛ lɛ gãa ni eshe gbeyei ni ekɛɛ; “Mɛni, Nuŋtsɔ?” Ni ekɛɛ lɛ akɛ, “Osɔlemɔi kɛ onijuji ni ofeɔ lɛ eshɛ ŋwɛi ni efee kaimɔnɔ yɛ Nyɔŋmɔ hiɛ.

Efesobii 1:6

koni akɛjie edromɔ ni ekɛduro wɔ yɛ mɔ ni esumɔɔ lɛ lɛ mli lɛ anunyam lɛ yi.

Hebribii 7:25

No hewɔ hu lɛ enyɛɔ mɛi ni tsɔ̃ɔ enɔ kɛbaa Nyɔŋmɔ ŋɔɔ lɛ ayiwala ehereɔ kwraa, akɛni eyɛ daa koni edamɔ mli ehã amɛ lɛ.