3 Mose 24:5 - ŊMALƐ KRƆŊKRƆŊ LƐ

⁵ “Okɛ ŋmãa mamu ashã aboloo akwaabɔi nyɔŋma kɛ enyɔ, aboloo akwaabɔ kome aye ŋmãa mamu kilo kome.

Ṅmãle̱ Kroṅkroṅ Le̱

⁵ Ni oṅõ ṅma mã ošã kāoi nyoṅma ke̱ enyo̱; efa mlidšāi nyoṅma mli enyo̱ aṅõ-fe kāo kome.

3 Mose 24:5 ပူးပေါင်းရင်းမြစ်များ

1 Maŋtsɛmɛi 18:31

Elia kɔlɔ tɛi nyɔŋma kɛ enyɔ, yɛ Yakob, mɔ ni Yehowa kɛɛ lɛ akɛ, “Abaatsɛ bo Israel” lɛ bii lɛ akutsei lɛ ayikulɛ naa,

1 Kronika 23:29

amɛkwɛɔ aboloo ni akɛmaa Nyɔŋmɔ hiɛ lɛ he saji anɔ, kɛ mamu ni akɛbashãa niyenii afɔle lɛ, kɛ kaka ni akɛ ma akpiti shã lɛ, kɛ nibii ni ashã ni akɛbashãa afɔle lɛ, kɛ mamu ni akɛ mu efutu mli ni akɛbaashã afɔle lɛ. Agbɛnɛ amɛ amɛŋmɛɔ ni amɛsusuɔ nibii srɔtoi fɛɛ ni akɛbaa afɔleshãa lɛ.

1 Kronika 9:32

Levibii lɛ anyɛmimɛi ni ji Kohatbii lɛ hu ji mɛi ni kwɛɔ aboloo ni akɛmaa Yehowa hiɛ daa hejɔɔmɔ gbi lɛ shãa nɔ.

2 Kronika 13:11

Daa leebi kɛ gbɛkɛ lɛ amɛshãa shãa afɔlei kɛ tsofakɛŋma amɛhãa Yehowa. Amɛkɛ aboloo ni akɛmaa Yehowa hiɛ lɛ maa ehiɛ yɛ okplɔ̃ ni atsuu he lɛ nɔ, ni daa gbɛkɛ lɛ amɛsuɔ shika kanetso lɛ nɔ kanei lɛ. Wɔ lɛ, wɔhiɛ mli wɔmiifee nibii ni Yehowa eto akɛ afee lɛ; shi nyɛ lɛ nyɛkwa Yehowa.

Nehemia 10:33

Nibii nɛɛ ji aboloo ni akɛmaa Nyɔŋmɔ hiɛ daa gbi lɛ, kɛ shãa afɔle lɛ kɛ hejɔɔmɔ gbii lɛ anɔ nii lɛ kɛ nyɔji hei anɔ afɔlei lɛ kɛ gbii juji ni ato lɛ anɔ nii lɛ kɛ nii krɔŋkrɔŋi lɛ kɛ esha afɔlei lɛ ni akɛkpãtã ahãa Israel lɛ. Wɔbaahã kɛhã wɔNyɔŋmɔ lɛ nitsumɔi lɛ fɛɛ.

Nehemia 10:34

Wɔ ni ji osɔfoi kɛ Levibii kɛ maŋbii lɛ, wɔfɔ̃fɔ̃ɔ oshiki yɛ laihamɔ hewɔ, koni ato naa akɛba wɔNyɔŋmɔ lɛ we lɛ yɛ wɔtsɛmɛi awei lɛ anaa, yɛ bei ni ato lɛ amli daa afi, koni ashã yɛ Yehowa, wɔNyɔŋmɔ lɛ afɔleshãa latɛ lɛ nɔ, tamɔ bɔ ni aŋmã yɛ mla lɛ mli lɛ.

2 Mose 25:30

Ni okɛ aboloo ni akɛmaa mihiɛ lɛ ama okplɔ̃ lɛ nɔ yɛ mihiɛ daa.

2 Mose 39:36

kɛ okplɔ̃ lɛ kɛ ehe tsɛnsii lɛ fɛɛ kɛ aboloo ni akɛmaa Nyɔŋmɔ hiɛ lɛ hu ba.

2 Mose 40:23

kɛkɛ ni eto aboloo lɛ pɛpɛɛpɛ eshwie nɔ yɛ Yehowa hiɛ tamɔ bɔ ni Yehowa fã lɛ lɛ.

2 Mose 40:4

Okɛ okplɔ̃ lɛ aya Buu lɛ mli, ni oto nibii ni sa akɛ amãmɔ nɔ lɛ pɛpɛɛpɛ omamɔ nɔ, ni okɛ kanetso lɛ aya mli, ni okɛ ehe kanei lɛ amãmɔ nɔ.

4 Mose 4:7

“Amɛkɛ mama bluu aha okplɔ̃ ni akɛ Yehowa aboloo lɛ mãa nɔ lɛ nɔ, koni amɛkɛ plɛtei lɛ, kɛ tsɛnsii ni akɛ tsofakɛŋma woɔ mli lɛ, kɛ okpolui lɛ kɛ kpuji ni akɛ afɔleshãa dãa woɔ mli lɛ amãmɔ nɔ. Be fɛɛ be lɛ aboloo amã okplɔ̃ lɛ nɔ.

Mateo 12:4

bɔ ni ebote Nyɔŋmɔ We lɛ, ni eyaye aboloi ni akɛmãa Nyɔŋmɔ hiɛ ni aŋmɛɛɛ lɛ gbɛ loo mɛi ni fata ehe lɛ yeɔ, akɛ ja osɔfoi lɛ kɛkɛ lɛ?

Bɔfoi 26:7

No nɔ wɔkutsei nyɔŋma kɛ enyɔ lɛ hiɛ kã akɛ amɛnine aaashɛ hewɔ ni amɛhiɛ jamɔ mli waa nyɔɔŋ kɛ shwane lɛ. Maŋtsɛ Agripa, nɛkɛ hiɛnɔkãmɔ nɛɛ hewɔ Yudafoi lɛ folɔɔ minãa nɛɛ.

Hebribii 9:2

Ejaakɛ ashi buu ko amã shi, ni he ni oyiɔ klɛŋklɛŋ lɛ, kanetso kɛ okplɔ̃ kɛ hiɛmaa aboloi lɛ yɔɔ jɛi; atsɛɔ jɛi akɛ He Krɔŋkrɔŋ.

Yakobo 1:1

Yakobo, ni ji Nyɔŋmɔ kɛ Nuŋtsɔ Yesu Kristo tsulɔ lɛ ŋma yahã akutsei nyɔŋma kɛ enyɔ ni egbɛ eshwã lɛ. Miiŋa nyɛ!

1 Samuel 21:6

Kɛkɛ ni osɔfo lɛ kɛ aboloo krɔŋkrɔŋ lɛ hã David, ejaakɛ aboloo ko aboloo ko bɛ enine nɔ akɛ ja aboloo ni akɛmãa Yehowa hiɛ lɛ, nɔ ni kɛji ajie yɛ jɛi lɛ ja akɛ aboloo kla to emomo lɛ najiaŋ nakai gbi lɛ nɔŋŋ lɛ.

1 Samuel 21:7

Gbi nɛɛ lɛ maŋtsɛ Saul tookwɛlɔ nukpa ni atsɛɔ lɛ Doeg, Edomnyo lɛ, yɛ jɛi ni atsi enaa yɛ Sɔlemɔ we lɛ.